أنا زهقانة ومش عايزة أعمل حاجة productive تماماً بجد. عايزة أعمل ثريد يسلّي الناس كده زي ثريد الpolls بتاع الأكل اللي عملته وانتشر ده :"D حسيت ساعتها للحظة إني رفهت عن الكام ألف اللي لعبوا معايا شوية في الأيام الكحلي دي
بسم الله. ثريد أسئلة بلا هدف من أجل النهوض بالمود العام.
إيه الأغنية اللي لما بتسمعوها بتفتكروا المصيف وانتوا صغيرين؟
لو عندك مساحة تزرع أشجار مثمرة بس تختار نوع واحد هاتزرع إيه؟
إيه أكتر اسم دلع بتحبه لاسمك؟
لو كنت سحابة بس ثابتة مابتمشيش مع الهوا تحب تبقى فين في الكوكب؟
إيه أكتر حاجة كيوت اتعملت لك من طفل صغير؟
فيلم تحب تعيش فيه. مش على هيئة شخصية معينة, بس تعيش في الجو العام للفيلم.
نفس السؤال تاني بس مسلسل مش فيلم.
آخر وجبة استمتعت بيها بجد الشهرين تلاتة اللي فاتوا؟
مكان روحته جوة بلدك\مدينتك عادي بس حسيت يومها إن الهوا مختلف وشميت نفسك أوي
جملة مميزة بيقولها شخص انت بتحبه أوي
لغة نفسك تتعلمها
كوبليه معين بالنسبة لك بيلخص إحساس الحب
استراحة قصيرة وهاجي 🧐
ها نحن نعود بفقرة بعد منتصف الليل ✨
لما بتتخيل لحظات سعيدة في المستقبل بيبقى إيه اللون الغالب على المشهد؟ جو دافي أصفر مثلاً أو خضار كتير أو ألوان صاخبة من بتاعت الحفلات؟ إيه اللون الموجود في تصورك للمستقبل السعيد
أحلى صفة شايفها في نفسك؟
لو ممكن يبقى عندك أي موهبة فنية تختار إيه؟
إيه معاييرك لاختيار بيت للسكن لو الفلوس مش أزمة؟
لو مش بتخاف من حاجة ولا بتخاف على حاجة كنت هاتعمل إيه دلوقتي حالاً؟
لو لازم كل الناس تشتغل مُدرسين هاتختار مادة إيه تدرّسها؟
أكلة خيالية، أو أكلة حقيقية بس مش بتتعمل في الأماكن اللي روحتها قبل كده، ونفسك تجربها
شخص مشهور متوفى عايزه يرجع وتقعد تتعشى معاه
لو في يوم اتشهرت تفتكر هايكون إيه سبب شهرتك؟
معاك ٥ مليون جنيه تصرفهم في يوم.
Rules:
مافيش استثمار
مافيش أعمال خيرية
Rules:
مافيش استثمار
مافيش أعمال خيرية
اختار مشروب واحد بجانب المياه تشربه بقية حياتك
نكمل بكرة تصبحوا على خير 💖
Stay safe
Stay safe
ياللا نكمل أسئلة خفيفة بس قبل ما أكمل عايزاكم تعرفوا إن الأكاونت ده instagram.com أنا عاملاه فقط من أجل نشر الفرفشة واللطافة والخفة في الحياة وكل أسبوع بانزّل حلقة جديدة من أجل النهوض بالمود العام.
نكمل أسئلة بقى💖
نكمل أسئلة بقى💖
إيه أطيب أغنية في الدنيا؟
مَثَل كانت جدتك أو أي حد من قرايبك الكبار بيقوله وحاسس إنه مَثَل حكيم
اسم مُدرسة أو مُدرس له علامة إيجابية في ذاكرتك
منشن أكاونت هنا على تويتر يكون وجوده بيحسسك إن الدنيا حلوة أو خفيفة أو لسة فيها خير وهكذا
موقف مع شخص ماتعرفوش، حصل لك أو شوفته بعينك أو حضرته بأي شكل يكون حسسك إن الدنيا لسة فيها خير
ألطف مكالمة جت لك كانت إمتى؟
لو هاتعيش حياتك بطقم واحد صيفي وطقم واحد شتوي (وهايتغسلوا ولما يبوظوا هاتجيب زيهم بالظبط تاني) هاتختار تلبس إيه بالظبط؟
إيه أحلى هدية جت لك؟
إيه أحلى هدية ممكن تجيلك في عيد ميلادك القادم؟ (حاجات واقعية الناس تعرف تجيبها عادي مش بيت في المالديڤز ولا الستر والصحة)
ماذا يمثل لك اللون الأبيض؟
صورتك وانت في مود مُسالم وغير مكترث بأي حاجة
صورتك وانت في يوم كان مرهق بس جميل
مش هاعمل ريتويت لأي quotes اتعملت على الثريد ده عشان هما كتير أوي بجد. بس عايزة أقول إن الكلام ده هو الهدف من أي حاجة interactive باعملها هنا بجد :”D إني أخليكم تدعبسوا من غير ضغط ولا نكد. أتمنى يكون ده اللي واصل💖
الموبايل هنج من الnotifications بس أنا مبسوطة ياللا نكمل
الموبايل هنج من الnotifications بس أنا مبسوطة ياللا نكمل
اسم معين بتحسه دايماً طيب ومايطلعش من صاحبه العيبة. اسم بنت واسم ولد
لو وصلت لسن التقاعد وانت معاك فلوس تريّحك (مش ثراء فاحس بس تريّحك) وجنسية محترمة، يومك هايبقى عامل ازاي؟
آخر انتصار صغير عملته (مهما كان صغير)؟
شخص لما بتفكر فيه بتحس بالفخر
لو حد هايصالحك بأكلة (يطبخها أو يعزمك عليها عادي) هاتتصالح بإيه؟
ممثل أو ممثلة لما بتشوف إنهم جزء من أي عمل بتقرر تتفرج عليه على طول
أم كلثوم قالت إيه؟
العندليب قال إيه؟
أول موبايل جبته كانت إيه أروَش حاجة فيه؟
حاجة كنت بتشتريها من البقال وانت صغير ومابقتش بتنزل دلوقتي في السوق خلاص
أجمل بلكونة قعدت فيها
أحلى فطير (مش مشلتت) أكلته كان إيه وفين ومع مين؟
أحلى فطير مشلتت أكلته في حياتك
آخر حاجة قريب بصيت لها وقولت "سبحان الله" تلقائياً
لما تخلص فترة مضغوطة (شغل كتير/امتحانات/أي ضغط) ويبقى عندك يومين فاضيين بتعمل فيهم إيه؟
أروق كباية شاي/قهوة شربتها في ٢٠٢٠
لو اتحبست في أسانسير لمدة ٨ ساعات من غير أي أدوات تسلية (مش معاك كتب تقراه وموبايلك فاصل وهكذا)
اختار شخصين يكونوا محبوسين معاك (سواء معارفك أو ناس مشهورة أو كده)
اختار شخصين يكونوا محبوسين معاك (سواء معارفك أو ناس مشهورة أو كده)
وأخيراً ✨ ده مش سؤال ده طلب
Stay safe والتزموا بالإجراءات الوقائية عشان نعدي الفترة دي على خير ونرجع نتجمع براحتنا مع اللي بنحبهم ونسأل الأسئلة دي وجهاً لوجه واحنا بناكل مع بعض ونسهر ونتبسط 🍻
سلام حتى thread آخر 💖
Stay safe والتزموا بالإجراءات الوقائية عشان نعدي الفترة دي على خير ونرجع نتجمع براحتنا مع اللي بنحبهم ونسأل الأسئلة دي وجهاً لوجه واحنا بناكل مع بعض ونسهر ونتبسط 🍻
سلام حتى thread آخر 💖
جاري تحميل الاقتراحات...