📌 ثريد هام عن السلامة من الحرائق خصوصاً في الشتاء من الأمور البسيطة اللي "ماتخطر على البال" وفيها الفرق بإنقاذ حياتك وسلامتك.
١- الدخان ( أول أكسيد الكربون ) يقتل قبل النار خصوصاً أثناء النوم يحدث الاختناق وفقد الوعي بدون الانتباه من النوم. لهذا من أشد الضروريات كاشف الدخان ( العادي بـ٣٠ ريال من أي محل أمن وسلامة ).
٢- القصص اللي نسمعها وأنا سمعت كثير منها من معرفة قريبة لناس ماتو أثناء النوم بسبب احتراق مكيف أو فيش أو شاحن تخلي كاشف الدخان أهم أولوياتك. غير فصل الأفياش قبل النوم والخروج من البيت.
٣- أشدها ألماً زميل لنا مصري في العمل السنة الماضية زي هالوقت توفوا أولاده ، طفلين ولد وبنت ٨ و ١٠ بحريق بسبب فيش بلايستايشن محمل فوق طاقته في الغرفة لما كان الأب والأم طلعوا يتمشون على رجولهم أقل من نصف ساعة ورجعو مالحقو عليهم.
٤- تفاصيل انهيار الأب مؤلمة فوق الاحتمال بوفرها عليكم ، بيمر سنين مانسيتها ، غير فقد عياله ورحلة عمره اللي وقفت أكله الندم على الإهمال بشغلات بسيطة. سافر بدون عودة وعقله موب معه.
٥- باب الشقة أو الفيلا يكون قابل للفتح بسرعة دائماً طوال النهار والليل خصوصاً وقت النوم.
هذي نقطة يغفل عنها كثير . إذا كان يقفل بمفتاح يكون المفتاح عليه أو معلق فوقه .. ولا يتقفل على أحد جوا البيت ويترك بدون مفتاح في أي حال.
هذي نقطة يغفل عنها كثير . إذا كان يقفل بمفتاح يكون المفتاح عليه أو معلق فوقه .. ولا يتقفل على أحد جوا البيت ويترك بدون مفتاح في أي حال.
٦- من القصص المؤسفة قصة قديمة لقريب زميل عمل صارت حوالي 2003 قفل باب الشقة على زوجته وبنته وراح للدوام وماعندهم مفتاح . جاه اتصال من الجيران بيتك يحترق لا هو لحق ولا الدفاع مدني لحق عليهم .
٧- لما تكون نايم تحديداً ويحدث حريق بتتقفل الكهرباء اوتوماتيك فبيكون ظلام ومع الدخان الوضع أسوأ .. فإذا مفتاحك في ثوب أو شنطة أو طاولة وماقدرت توصل له بسرعة بيكون الوضع مأساوي. وممكن أول أكسيد الكربون يسبب اختناق وغيبوبة حتى لو النار بعيدة، لذا لازم فتح الباب يكون سهل بأي ظرف.
٨- كنت في دردشة مع صاحب محل أمن وسلامة كنت أجدد أدواتي قال لي أنت مهتم غيرك مايدري .. اللي يجوننا بس شركات عشانه مفروض عليهم من الدفاع المدني .. الشركات اللي ما أحد ينام فيها ومافيها أطفال!
٩- أخيراً الأساسيات الطفاية تغير كل سنة لاتعتمد على القديمة وتقلب رأساً على عقب كل ٦ شهور لمدة ثواني عشان ماتترسب البودرة .
بطانية حريق سعرها رمزي ممكن تنهي الحريق في بدايته ، وأكرر كاشف الدخان أهم الأولويات . والله يحفظكم.
بطانية حريق سعرها رمزي ممكن تنهي الحريق في بدايته ، وأكرر كاشف الدخان أهم الأولويات . والله يحفظكم.
جاري تحميل الاقتراحات...