ف كتير من الأحيان بتصحى من النوم بعد م تكون نمته ليك مثلا ١٠ ساعات لكن برضو بتكون نعسان وتعبان ، اكيد سألت نفسك انا ليه تعبان كدا؟ تابع الثريد وان شاء الله تستفيد
كتير من الناس بكونوا قايلين انو لمن ينوموا اكتر من ٨ ساعات هم كدا بعوضوا عدد ساعات النوم الما ناموها ، عمليا كلامهم صاح من منطلق عدد الساعات ، لكن مخك وجسمك م بشوفوها كدا..
ف دراسة ( ح اخت رابط ليها تحت) طلعت 2016 بتقول انو أي ساعة نوم انت تضيعها جسمك بياخد مقابلها 4 ايام عشان يقدر يعمل recovery ويعيش صاح.
فلما تكون قايل نفسك صلحت الوضع انت غلطان في الواقع بتكون جايط الوضع فقط لا أكثر وبتخلق ليك حالة اسمها نقص النوم sleep deficit .. كدي نتكلم عن النوم اول بشكل مبسط.. النوم عبارة عن نشاط ترميمي للجسم.
لمن تكون نايم بقوم مخك بعمل فهرسة وترتيب للمعلومات الخزنتها ف اليوم كامل وبرضو بعمل عملية شفاء او معالجة لجسمك ، بقوم برضو بتقرير الحاجات المهمة شنو ويخزنها والما مهمة بتجاهلها..
برضو مخك بعمل ليهو مسارات وخطط جديدة بتساعدك في تحركاتك ف اليوم البعديهو.
من فوائد النوم انو بشفي وبصلح الأوعية الدموية والقلب.
من فوائد النوم انو بشفي وبصلح الأوعية الدموية والقلب.
طيب شنو هو sleep deficit أو sleep debt ؟
هو عدم الحصول على القدر الكافي من النوم البحتاجو جسمك عشان يقوم بعمل الوظائف حقتو بشكل فعّال..
هو عدم الحصول على القدر الكافي من النوم البحتاجو جسمك عشان يقوم بعمل الوظائف حقتو بشكل فعّال..
الحاجه دي ناتجه عن حاجات كتيرة منها المسؤوليات والامتحانات والتساليم يعني حتساهر وبالتالي حتنوم حبه وكل مره تنوم حبه انت بتزيد من الدَين حقك تجاه جسمك ، زي دَين القروش كدا وكل مره تحاول تحصل نفسك م بتقدر
لمن م تنوم كويس د يزيد احتمالية الإصابة بأمراض كتيره منها السكري ،الضغط ، ضعف الجهاز المناعي وبعمل زيادة ف إفراز هرمون الكورتيزول البعمل stress ، ممكن برضو يؤدي لي depression وتكون طوالي ف حالة من العصبية ومشاكل الذاكرة وغالبا زيادة ف الوزن وغيرهم..
فوائد النوم كتيره شديد ولا تحصى منها تحسين فعالية التعليم والذاكرة وأداء ال Tasks المفروض تعملها خلال اليوم وبتخلي جسمك صحي اكتر
كيف تصلح او تتخلص من المشكلة دي؟
م كل الناس بحتاجوا نفس عدد ساعات النوم ، في منهم لازم اكتر من 9 ساعات وف 6 ساعات كفاية ،،،
كيف تصلح او تتخلص من المشكلة دي؟
م كل الناس بحتاجوا نفس عدد ساعات النوم ، في منهم لازم اكتر من 9 ساعات وف 6 ساعات كفاية ،،،
عشان تعرف جسمك محتاج قدر شنو نوم بدون اي منبه واصحى متى م جسمك صحاك وشوف انت نمت كم ساعه ولمن تصحى شوف انت تعبان ولا لا وكرر العملية كم يوم لحدي م تتأكد من عدد الساعات المناسبة ليك..
ف الصور دي نصائح عشان تساعدك وختيتها ف صور عشان م اكتر كلام ، الصورة بالأبيض كيف تعوض نومك لو م نمت ف الليلة القبلها كفاية ، اما الصورة بالأسود د ف حالة عندك sleep debt or sleep deficit
لو الخطوات الفوق دي م نفعت المفروض تشوف دكتور خصوصا لو عندك مشاكل ف النوم ليها علاقة بأمراض اخرى مثلا.
ختاما ان شاء الله اكون استفدتوا وممكن تقروا براكم لو عايزين تطلعوا اكتر على الموضوع
رابط الدراسة
pubmed.ncbi.nlm.nih.gov
المصدر :
Dr. Debra Sullivan , healthline
ختاما ان شاء الله اكون استفدتوا وممكن تقروا براكم لو عايزين تطلعوا اكتر على الموضوع
رابط الدراسة
pubmed.ncbi.nlm.nih.gov
المصدر :
Dr. Debra Sullivan , healthline
جاري تحميل الاقتراحات...