لازم تبقي مثقفة ، لازم تبقي مثقفة وحلوة، لازم تبقي مثقفة وحلوة ورفيعة كمان ، ايه ده خسيتي؟ لا كده مفيش أنوثة اتخني، روحي الجيم واتمرني، لازم تأكلي أكل صحي ،لازم تبقي مثقفة وحلوة ورفيعة لكن كيرفي، والكارير فين الكارير؟ لازم كارير عشان محدش يقول حاجه، بدأتي كارير؟ 👇

خلي بالك بقي عشان الشغل بيفقد الست أنوثتها، لازم تبقي مثقفة وحلوة ورفيعة وكيرفي وعندك كارير وتفضلي أنثي غصب عن أم الكارير، والهوايات..هواياتك أيه ؟ أوعي تكوني نمطية معندكيش هوايات، لازم هوايات عشان تحطيهالنا ستوري علي انستجرام، 👇

ولازم تتجوزي بقي واحد يحبك ويغير عليكي بس يديكي مساحتك ويضفرلك شعرك ويقص ضوافرك، والدراسات العليا؟ اوعي تنسي الدراسات العليا .. طب وعندكم كام لغة لحد دلوقتي؟ 👇

لازم تبقي مثقفة وحلوة ورفيعة بس كيرفي ورياضية وبتحضري الماجستير وعندك كارير وتلاقي واحد زي مستر دراسي تتجوزيه وتعزفي بيانو وترقصي زومبا وتطيري....انت مش بتطيري ليه صحيح؟!!
@Rattibha