حاحكيلكم حكاية يومي النهاردة ياشعب 😊 مكسوفة من كل دقيقة عمري تذمرت فيها من أي حاجة اعتقدت إنها صعبة
كنت في هذا المدعو كايرو فيستيڤال سيتي 😊 وطبعا أول مرة أروحه لإني مابحبش المشاوير. كالعادة بحب أرغي مع الناس ولقيت جنبي بنتين لطاف كده فالنص الأول من العشرين فقعدت أرغي معاهم أسألهم جايين منين بيعملوا إيه بما إني من كارهي المولات والشوبنج 😊
واحدة ساكنة فناهيا وبتشتغل فالتجمع والتانية ساكنة فشبرا مصر وبتشتغل فالتجمع 🙈 مفهوم طبعا ماعندهمش عربيات وبييجوا المشوار ده بمواصلتين ويروحوا بمواصلتين وبيدفعوا فاليوم الواحد ٥٠ج و٦٠ج مواصلات 😢 والباقي من المهية بعد كده مش كتير طبعا
قعدت أسأل ليه مابيشتغلوش قريب من بيتهم قالوا ده ال لقوه بمؤهلاتهم وواحدة فيهم كانت بتشتغل فالعاشر كمان بس تعبت مالمسافة وفرحت لما لقيت فالتجمع أقرب. ساعتين ونص بس مواصلات وساعات ٣ الحمد لله مش ٤ 🙈 يعني اليوم مقطوع منه ٥ أو ٦ ساعات مواصلات بس. طبعا باعتبار الميكروباص جاهز ومستني
قضيت اليوم هناك ووأنا مروحة فالمطرة لقيت الطريق مقفول عشان فيه بركة مية كبيرة وعربيات عطلانة 😱 لفيت مع العربيات ووقفت أسأل فالكمين أروح ازاي عشان لما الچي پي إس يتوهني أبقى فاهمة 😊 الأمين ال شرحلي الطريق لطيف ومبتسم وهو واقف تحت المطرة وأنا فهمي على أدي فالطرق فعمالة أسأل تاني
فزميله قاله ماتركب معاها توريها الطريق 😊 سألته هو رايح فين فطلع على طريقي فقلتله اتفضل طبعا. وفعلا كتر خيره كنت حاتوه من غيره.
وقعدت بقى أمارس هوايتي فالحديث مع الناس. سألته رايح فين. طلع مروح بيتهم ال هو فالفيوم 😳 فالفيوووووم 😱 بيشتغل فالتجمع وساكن فالفيوم 💔
وقعدت بقى أمارس هوايتي فالحديث مع الناس. سألته رايح فين. طلع مروح بيتهم ال هو فالفيوم 😳 فالفيوووووم 😱 بيشتغل فالتجمع وساكن فالفيوم 💔
سألته بيروح ازاي. قال بيركب ميكروباص ب ٥ج للمنيب وبعدين ميكروباص ب ٣٠ج للفيوم 😢😢 ومبتسم وعنده صبر يرد تحت المطرة على أسئلة واحدة مرفهة راكبة عربية ورايحة مشوار خمس مشواره. وحكالي رحلته بلا أي شكوى أو تذمر 💚 ووشه مفرود مش مكشر ماشاءالله
وأنا بسمعله افتكرت عدد المرات ال اتنرفزت فيها عشان وقفت شوية استنى أوبر عشان أروح مشوار ربع ساعة ولا الچي پي إس توهني ولا ضربت بوز عشان عيانة اعتذرت متأخر ولا اتضايقت عشان مالحقتش أخلص ال ورايا 🙈 حسيت إني تافهة بجد
تخيلوا بقى ال ٣ انفار ال قابلتهم النهاردة دول وحسيت بمعاناتهم فزاوية واحدة بس من الحياة ولا واحد فيهم كان مكشر. وخلوا بالكم أنا مابحبش المشاوير عشان كده كنت بسأل على مشوارهم اليومي. ماتكلمتش بقى في بيقبضوا كام ولا بيدفعوا ايجار كام ولا عندهم مشاكل إيه
٣ أنفار بيمثلوا غالبية الشعب. ولسة بقى فيه طلبات العيال ومرض الأهل ولا الأكل والإيجار وخلافه 🙈 وفالآخر ألاقي حد عايش بكل أساسيات وكماليات الحياة متيسراله بيشتكي من أخلاق الناس.
كونوا رحماء عشان الناس تعبانة والحياة بقت أصعب من الأول كتير.
كونوا رحماء عشان الناس تعبانة والحياة بقت أصعب من الأول كتير.
إحنا بنقابل كل يوم ناس من الصابرين. بيعدوا عادي في معاناتهم اليومية ال احنا مانعرفش نعدي فعشرها ولإنهم صابرين بنيجي عليهم احنا كمان.
ربنا يعين الناس. أنا بجد النهاردة اتعلمت. وحسيت بمعني اللهم أعنا على شكرك. حقيقي وقليل من عبادي الشكور
ربنا يعين الناس. أنا بجد النهاردة اتعلمت. وحسيت بمعني اللهم أعنا على شكرك. حقيقي وقليل من عبادي الشكور
جاري تحميل الاقتراحات...