خليك مغرم بالفلك ومش مهووس بيه لأن الحب عادةً بيدفعك للتصرف بشكل ايجابي ومعتدل لأن دايماً التطرف والمبالغة بتخلق مشاكل حتي لو ده نابع من حب او ولع شديد. اي بوست او ثريد بتتكتب بيكون الهدف منها اثارة فضولك بشكل صحي، دفعك للبحث بتعمق او لجمع معلومات اكتر عن اي موضوع يجذبك.

تكرار جملة "مفيش بطل لحكايتك غيرك" في نهاية كل ثريد بأكد من خلالها ليا ولأي شخص بيقرأ ان دايماً صانع القرار هو "احنا" لأن ده حقك واياً كانت قصتك في النهاية "انت" صاحب القرار فبلاش تنسي ده.

الحياة بعيداً عن الفلك ليها صعوباتها وتحدياتها وده مش بيمحي من وجود الإيجابيات واللحظات الحلوة اللي بتخلق جواك صوت لطيف ملئ بالمشاعر بيقولك "كمل" لأن انت مخلوق عشان تعيش وتخوض التجربة فلو هتحسبها بزيادة لازم هتتعب غصباً عنك.

في النهاية اتمني ان كل شخص فيكم يستمتع بتجربته، يخربها في اصعب واسعد لحظاته، حس الدنيا وهي بتحرك مشاعرك وروحك واحزانك وبلاش تضيع وقتك لأن لما باب بيتقفل لازم بيتفتح غيره الا لو انت مصمم تفتح باب اتقفل ساعتها ده قرارك بس تأكد انك تستحق الافضل دايماً 🕊
ليلة سعيدة، بحبكم 💜🦄