🌼‡ ثريد للحياة عنوان ‡🌼
رح ابدأ بنصيحة او اعتبريها معلومة (لا تسوي شئ علشان احد يحبك) لانه بختصار رح تستهلكِ نفسك وذاتك وبيجي يوم يخلص العطاء فوقتها رح تكوني انتي المقصره والتعيسه والحزينه.. الي ما يبغي يحبك عساه ما حبك ليش تركضين وتجري وراه..
أحبي نفسك وبس
💖🌸🎈
أحبي نفسك وبس
💖🌸🎈
خليها قاعده في حياتك..‹إرضاء الناس غايه لاتدرك ولن تدرك› يعني اسوي شئ علشان اهلي علشان فلانه علانه ما ينفع بتصيري انسانه بلا مبادئ ولا قيم وتفقدي نفسك حتقولي بعد فتره ليش انا مالي حق اتكلم وارفض واقول واعيد لانك بختصار مشيتي وراء القطيع..
🌼💖🎈
🌼💖🎈
الان ندخل ع الثقيل.. ‹لا تسوي شئ رح يأنبك ضميرك علية › مرا ابدا ابدا.. خليك انتي وضميرك اصحاب وحاولي اول باول تفهمي نفسك وذاتك ولا توصلي لمرحله التأنيب صعب جدا
💖🎈🌸
💖🎈🌸
لا تسكتي عن الظلم اذا انظلمتي وسكتي عن الظلم والاهانه تري محد بينفعك.. لك لسان اتكلمي عبري عن نفسك وارفضي هاذا الشئ لا تقولي ما اقدر تري بيندعس عليكي وبيقولون ع نيتتها درويشه وبينبسطو هم عليكي حقوقك طالبي فيها (وظيفه، زواج، دراسه، ابتعاث)لا تقولي الضروف بتموتي بحسرتك
💖🌼🎈
💖🌼🎈
جربي شعور تكوني متفرجه.. لما يحصل حوار وما يعجبك الكلام جربي تكوني متفرجه ولا تعطي رئيك واسمعي ودربي نفسك ع ذا الشئ مره مع مره بتصيري تسمعي اكثر ما تتكلمي وهاذا مرا كويس
💖🌼🎈
💖🌼🎈
شئ مهم .. هو انك لازم تعرف انك مسؤل عن نفسك.. يعني انت هنا لانك انت تبغي انك تكون هنا مو علشان احد او تلوم احد غلط اختياراتنا هي الي تحكم
🌼💖🎈
🌼💖🎈
«اقفلي الدفاتر القديمة» يعني الي صار في الماضي خلاص صفحه وانتهت بخيرها وشرها.. خلاص انتي اليوم هنا لا تلومي احد مرا انتبهي تري هاذا الشئ رح يخليكي في دوامة مارح تطلعي منها بسهوله انتبهي الي راح راح وخلاص
💖🌼🎈
💖🌼🎈
طيب انا هنا حتكلم عن التربيه وضروري يعني بلاش التفرقه بين الاطفال يعني مايصير يا جماعه تري هاذا الشعور بشع جدا تخيلو طفله صغيره يتم تعنيفها واختها الي اكبر منها يدلعون فيها .. يعني ناس لا تخاف الله ولا تعرفه انا شفت هاذا الشئ محزن جدا يعني كسر للخاطر والقلب والعواطف
💖🌼🎈
💖🌼🎈
انْ بعض الضن إثم.. لاتصدر احكام ع الأخرين.. بكل بساطه اتذكر انك انت مو قاضي ع احد وانشغل بنفسك.. والله دائما اتذكر انه انت مالك دخل بأحد إلا اذا انطلب منك نصيحه ارشاد..
💖🌼🎈
💖🌼🎈
‹داري على شمعتك تقّيد› اي شئ عندك حلو جميل لا تقوليه لأحد.. في ناس تحسدبقصد او بدون قصد الموهم هو انك تعلمي تغلقي فمك ولا تقولي تفاصيلك لأحد قريب او بعيد..
🌼🎈💖
🌼🎈💖
انا اعرف انه اي شخص عنده جانب خير وشر.. واعرف انه احنا مو ملائكة بس لازم نعرف انه الحياه بتنتهي يوم وانه بيقولون مات الله يرحمه لا تظلم احد ولا تعتدي ع احد اطلاقآ انا ما اعرف الناس الي تظلم عادي وتاكل حقوق الاخرين كيف تنام مرتاحه؟ والي تفتري ع احد والي تخرب بيت والي والي
🎈💖🌼
🎈💖🌼
العلاقات عباره عن دوائر دائره للأم والأب، ودائرة للأخوات، ودائرة للأخوان، ودائرة للصديقات، ودائره للمعارف والأقارب، لازم تعرف انه كلها تعتبر دروس لك يعني اي صديقه تخرج من حياتك لا تطلمي عليها الله معاها انتهي الدرس وهكذا الاقارب والاخوان يعني يبغالها شويه تصحيح وفهم عميق
🌼💖🎈
🌼💖🎈
اي علاقة انتي موجوده فيها من الدوائر القريبه منك هي بيجي يوم وبيكون ماعندك شئ تعطيه او تقدميه من الأن ابدائي ازرعي خير وحب وعطاء رح يرجعلك بعدين لانه ببساطه الحياه "خذ وهات" لازم تحسي بالمسؤولية عن كل مايدور حولك وفكري لقدام مو اليوم خليك مع الأحسان..
💖🌼🎈
💖🌼🎈
«رتبي اولوياتك في الحياة» اذا انتي ماحددتي اولوياتك الي حولك بيمشونك ع كيفهم بتكون تائه مو عارفه تاخدي قرار.. مبعثره.. سجلي في ورقه واكتبي من اليوم اول باول..
🌼🎈💖
🌼🎈💖
السعادة لها اشكال وانواع.. بس السعادة بالنسبالي هي اني ازرع الابتسامة والفرح بقلب شخص يكون يعني لي او احد غريب.. جبر الخاطر.. رفع الظلم بختصار انه نستحق حياه افضل وخيارات افضل
💖🎈🌼
💖🎈🌼
شئ مهم،لما يقولك اوتقولك امك َو أبوك.. بلاش من فلان هاذا صديق مو كويس او صديقه مو كويسه او العريس ذا شر تسمع كلامهم ولا تناقشهم ابدا تري هم يعرفون سبحان الله انا مريت بتجربه زي كذا واتعلمت انه الام والاب يشوفون ويعرفون الي مانعرفه
🌼💖🎈
🌼💖🎈
من الأشياء الي جدا اثرت عليا تأثير ايجابي واعطتني حافز هي«اليقين والأيمان بالله» يعني دائما اذا كنت في ورطه مشاعر سلبيه اشغل التنبيه القلبي (وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ٠٠٠) وهنا تنتهي كل القصة.
💖🎈🌼
💖🎈🌼
جاري تحميل الاقتراحات...