رتبها

سلسلة / ثريد العناية بـ (البشرة الدهنية)🌿
جهزوا مشروباتكم المفضلة وتابعوا السلسلة برواق🤤💕..

قبل ما نبدا، اختاروا الروتين والمنتجات اللي تناسبكم 👌🏻😍، واذا ما تعرفون، جربوا لين توصلون للنتيجة اللي حابينها 🌟..

البشرة الدهنية هي البشرة اللي تفرز دهون من كل جهة، الخدين، الجبهة، الأنف والذقن، بالتالي تلاحظون الحبوب إذا طلعت تطلع على كامل الوجه، مو على جهة وحدة.

أولًا :
الروتين اليومي للعناية بأي بشرة عمومًا كالتالي :
• غسول 🧴
• مطهر (تونر)
• مصل (سيروم)
• مرطب
• مرطب للعين (إذا ما ينفع المرطب اللي عندكم لهالمنطقة)
باقي الخطوات تتحدد حسب روتينك " واقي الشمس، مزيل المكياج..إلخ."

البشرة الدهنية لأنها تفرز زيوت بكثرة، تحتاج تطبق هالروتين مرتين خلال اليوم، في الصبح والليل 🌤🌃.. (اللي بشرتها دهنية وتحس انها ما تحتاج، تكتفي بمرة وحدة)

أنواع غسول مقترحة من آيهيرب، بنزل روابطها آخر السلسة بإذن الله💞.

حاولت اجمع الغسولات اللي يتكرر ذكرها بكثرة وفادت أصحاب البشرة الدهنية👌🏻🌿..

نجي للمطهر :
هالتونر هو الوحيد تقريبًا اللي شفت عليه مدح كبير، موجود في آيهيرب برضو، لكن للأمانة أنا أنصح بالمطهرات المصنوعة منزليًا، زي :
• منقوع المرة
• منقوع لبان الذكر
• ماء الأرز
• ماء الورد
أشوفها أفضل من ناحية تأثيرها، وكونها اقتصادية، والأغلب يتفق على هالموضوع.

• المصل (السيروم)
سيروم أو زيت ثمار الورد🌸، كثير يمدحونه وشافوا نتائج حلوة مع استعماله، يُقال انه يصفي البشرة ويعطيها نظارة ويوحد لونها للي يعانون من التصبغات💕.
" يُفضل يُستعمل قبل النوم، ولا ينحط حول العين، واستخدموا الكمية الصح عشان ما تصير نتيجته عكسية بإذن الله 💗. "

• المرطب
هذي أحد الاقتراحات من آيهيرب، والأفضل للبشرة الدهنية المرطبات اللي قوامها مائي، أو الجل، زي جل الصبار مثلًا !

• منتج جانبي
هالمسحات مطهرة تستخدم للحبوب والرؤوس السوداء، تجيك زي القطن من داخل، تمسحينها على وجهك، برضو من آيهيرب.

نجي للعناية الأسبوعية 😌🌿
العناية الأسبوعية تتلخص في :
• التقشير (السكراب)
• الأقنعة (الماسكات)
" يُفضل ما تزيد عن ٢-٣ مرات في الأسبوع "
من الأقنعة الجميلة اللي هي " الطين " ، ينظف الوجه بعمق، ويناسب البشرة الدهنية وبقوة، أنصح فيه عمومًا، موجود منه منتجات بآيهيرب.

نقطة مهمة لازم ننتبه لها، وهي استخدام الكميات المناسبة للمنتجات، لأن بعض المنتجات خصوصًا إذا كثرتي منها، ممكن تسبب لك حبوب أو ما شابه، احفظوا الصورة أو فضلوها 👌🏻.

• تنبيهات عامة 🌸 :
- تجنبي تلمسين وجهك بيدك كثير، خصوصًا إذا ما كانت نظيفة.
- خلي آخر شطفة لوجهك بالماء البارد، أو استعملي الثلج لسد المسامات، وتجنبي الماء الساخن تمامًا .
- احرصي يكون لبس المخدة نظيف، خصوصًا اللي تعاني من كثرة الحبوب، حاولي تغسلينه بكثرة، كل أسبوع مرة مثلًا.

- تجنبي تحطين أي شي على وجهك، شعرك، جوالك وانتِ تكلمين، واذا اضطريتي احرصي يكون نظيف، هالأشياء تأثر .
- قللي من المأكولات اللي تسبب لك الحبوب، زي الشوكلاتات المليانة دهون .
- حسني غذائك تدريجيًا، لصحتك أولًا، وهالشي بينعكس على بشرتك بإذن الله .

- تجنبي التعرض المباشر للشمس، واحرصي على استعمال الواقي بكمية مناسبة .
- انتبهي تنامين بالمكياج، ونظفي بشرتك بعمق لبن تضمنين انك ازلتيه بشكل كويس .
- تجنبي تلعبين بوجهك والحبوب كثير، عشان ما تسبب لك آثار ويتشوه !

- حافظي على تقليم أظافرك، اتباعًا للشرع أولًا، ولكونها مليئة بالجراثيم، وتأثر على البشرة بشكل كبير .
- حاولي تلاحظين الأشياء اللي تأثر على بشرتك، وتعالجينها .
" وخذي من هالنقاط اللي يناسبك " 💕

وقبل ما ننهي الثريد :
" تعايشي مع بشرتك، وكل شي يخصك عمومًا، التذمر والتسخط ما بيفيدك في شي، مجرد تهملين بشرتك، وتاخذين اثم على تسخطك، وهالوقت صار الشخص بسهولة يتعلم، والمواقع مليانة حلول، فعلمي نفسك الرضا، واهتمّي ببشرتك💗🌿 "

[ روابط المنتجات اللي ذكرتها ] :

الغسولات :
- الصابون الإفريقي
sa.iherb.com
- غسول نيم
sa.iherb.com
- غسول جوز الهند
sa.iherb.com
- غسول سيتافيل
sa.iherb.com
- غسول الفحم
sa.iherb.com

sa.iherb.com