البروفيسور برجل™
البروفيسور برجل™

@Islamx

20 تغريدة 92 قراءة Aug 24, 2020
سنة 2020 كنت مخطط لرحلة في الصيف أطلع فيها أنا وعيلتي لثلاث دول تشمل ألمانيا والنمسا وسويسرا وكنت عامل خطة تفصيلية لكل حاجة حنعملها ، وبعدين كل حاجة راحت في الوباء مع كوفيد_19، لو في حد مهتم بالتفاصيل يعمل لايك كده ولو عدت التويت ديه 20 لايك أنا حعمل ثريد تحتها حاحكي فيه بالتفصيل
واضح إن في مستمعين للموضوع كتير، خلاص أوعدكم حاكتب الثريد كامل وبعدين حنزله مرة واحدة تحت التويت بإذن الله ، مش حطول ولو في حاجة عايزين فيها تفاصيل أكثر ممكن نزود التفاصيل بتاعتها تحتها بعد كده
الثريد حيكون فيه تفاصيل الطيران، الإقامة ، التنقل، الزيارات، كروت التوفير
نبدأ على بركة الله
خط سير الرحلة : طيران من القاهرة إلى ميونخ (الطيران القبرصي) كان أفضل الأسعار في الوقت ده
الهدف الأساسي:زيارة المنطقة المحيطة Lake Constance
وهي بحيرة يحيط بها ثلاث دول ( ألمانيا من الشرق ، النمسا من الجنوب وسويسرا من الغرب)
الهدف الثانوي: زيارةمدينة شوتجارت
فكرت كتير في منطقة الإقامة وقررت أني الجانب النمساوي هو الأفضل لتوسط المسافة بين كل الزيارت في مدينة Koblach ولأني معتمد تماما على السواقة بعد تأجير عربية من ميونخ فحساب المسافات مهم جدا لتحديد الجدول اليومي لكل زيارة وإلا حينتهي بيك الحال بسواقة طويلة جدا مجهدة
حجز الإقامة كان عن طريق Airbnb أو Booking لأننا أسرة من ست أفراد فلازم ألاقي شقة كبيرة مناسبة لينا كلنا ومساحته كويسة ، أهم حاجة تدور عليها لو أنت أسرة كبيرة أن البيت يكون فيه غسالة لأنه في وجود طفل حتلاقي نفسك مضطر تغسل حتي لو قاعد أسبوع ، في الآخر عدد الشنط محدود والوزن كذلك
من الحاجات العظيمة وجود كارت تخفيضات في بعض المناطق بيسمح ليك أنك تدفع مقدما مقابل عدد ضخم من الأماكن وبيبقى محصور في مدة معينة من الأيام في حالة المنطقة ديه الكارت كان أسمه Bodensee Card PLUS وبيسمح بزياة 160 مكان في خلال 7 أيام متوزعين على أربع دول والدولة الرابعة هي ليختشتاين
ده الموقع الخاص بالكارت
bodensee.eu
وديه قائمة بالأسعار وعادة بيكون في عرض خاص بالأسر Family offer
البرنامج اليومي لازم تحسب المسافات اللي حتقطعها بين كل نقطة والثانية لغاية ما ترجع البيت تاني لأن غير كده ممكن تعمل خطة شبه مستحيل إنك تنفذها على أرض الواقع ، نصيحتي الشخصية إن مسافات السواقة اليومية متعديش 200 كيلو بأي شكل من الأشكال ما عدا في أيام السفر للإنتقال بين المدن
برنامج اليوم الأول
ركوب التلفريك في Bad Ragaz-Wangs Pizol في سويسرا
زيارة متحف الفن الحديث في ليختشتاين Kunstmuseum Liechtenstein
زيارة قمة Hoher Kasten في سويسرا
المسافة المقطوعة 132 كيلو
مدة القيادة المتوقعة ساعتين
برنامج اليوم الثاني
زيارة جزيرة Mainau وفيها حديقة أشجار استوائية Botanical garden
زيارة كهف الملح salt'z - die SalzOase am Bodensee
زيارة عالم الأحياء المائية SEA LIFE Konstanz
برنامج اليوم الثالث
زيارة مصنع الشيكولاتة Maestrani's Chocolarium
زيارة حديقة الحيوان في Walter Zoo
زيارة متحف التاريخ الطبيعي Natural History Museum St. Gallen
المسافة 131 كليو ، وقت القيادة 1H:48
برنامج اليوم الرابع سويسري خالص
زيارة قمة Säntis - Schwebebahn
زيارة متحف Kunsthalle Ziegelhütte
زيارة الزحليقة الصيفية في Kronberg Luftseilbahn
المسافة 100 كيلو، القيادة لمدة ساعتين وعشرة دقائق
برنامج اليوم الخامس نمساوي ألماني
زيارة متحف Rolls-Royce Museum
ركوب التلفريك في Pfänderbahn
زيارة الممشى السماوي في Skywalk, Oberschwenden
وأخيرا زيارة ال Zipline في Abenteuerpark Kressbronn
المسافة 144 كيلو، زمن القيادة ساعتين و 45 دقيقة
برنامج اليوم السادس (يوم طويل)
زيارة الزحليقة الصيفية في Alpsee Bergwelt
زيارة الشلالات في Buchenegger Wasserfälle
ركوب التلفريك في Oberstaufen-Steibis
المسافة 160 كيلو ، مدة القيادة 3 ساعات
برنامج اليوم السابع برنامج متفائل وفي الغالب مكنشي حيتم كله
.زيارة حديقة الحيوان المصغرة في Affenberg Salem
زيارة متحف السيارات في CAR & TRACTOR MUSEUM Bodensee
رحلة بحرية في السفينة Lädine
زيارة متحف الطائرات Dornier Museum Friedrichshafen
زيارة متحف الزبلن في Zeppelin Museum
اليوم الثامن
ديه كانت نهاية رحلتنا في منطقة Lake Constance
وقت بداية الرحلة الثانوية الخاصة بمدينة شوتجارت الألمانية وعندنا رحلة سواقة طويلة 300 كيلو تأخد حوالي 3 ساعات ونص
نوصل فيها شوتجارت ونعمل زيارة لمتحف Mercedes-Benz Museum
وحديقة حيوان Wilhelma
وأخيرا منطقةSchlossplatz
نلاحظ أني قررت أن الإقامة ليست في مدينة شوتجارت على الإطلاق ولكن في مدينة صغيرة قريبة منها إسمها Laichingen
، لقيت فيها بيت ممتاز وبسعر مناسب جدا وكافي لأسرتنا الكبيرة ، الناس كانت متعاونة ورغم إن ماكنشي في Refund رجعوا فلوسي بالكامل فور الإلغاء نتيجة لكوفيد_19
اليوم التاسع
زيارة مدينة الألعاب Legoland
المسافة 108 كيلو ، وقت القيادة الكلي حوالي ساعة ونصف
اليوم العاشر
حان وقت الرحيل ولم الشنط ورحلة العودة ، والرجوع من نفس مطار الوصول وهو مطار ميونخ ، الرحلة بسيطة حوالي ساعة وأربعين دقيقة لمسافة 180 كيلو ، وطبعا لازم نروح بدري عشان الوقت الخاص بإرجاع سيارة المؤجرة وعمل حساب أي مشاكل في الطريق مفاجأة ، فده يوم المطارات العالمي
أرجو أنكم تكونوا استمتعم برحلتكم معايا التي لم تتم ، ودعواتكم نقدر نعملها في المستقبل بإذن الله ، وأتمنى أي حد يكون استفاد من هذه المعلومات يدعو لي بتفريج الهم وتيسير الحال والشفاء من كل مرض وأن يرزق أمي وأبي الصحة والعافية ، دمتم مسافرين آمنين سعداء #رحلة_لم_تتم #رحلة_2020

جاري تحميل الاقتراحات...