مجرد ما أتذكر البيئة المسمومه المخيفه والجاهلة والعنيفة يجيني اكتئاب الله لايعيدها اقسم بالله كانت فترات الظلام بدون مبالغه حمدلله اللي طلعنا منها سالمين نوعا ما
في هذا المكان المليان مدرسات واداريات متخلفات عقليا راح يحولونك من طفله على الفطره تحب الحياه الى طفله بالغة واي حركة تسويها هدفها اثارة الغرائز الجنسيه وراح يحاولون يقنعونك انك نجسه وملعونه وشيطان وفتنه وخبيثه ولازم تطيعين اي ذكر يمشي على الارض
يمنعونك من اللعب او الحركة وياخذون من وقت فسحتك حتى عشان تجلسين ساعتين كامله على ارضيه صلبه مايهم حر او وبرد المهم تسمعين كلام الداعيه اللي تخوفك من الحياه وتذكرك بعذاب القبر اللي ينتظرك ومايمنع انهم يعلمونك تكفين الميت ويطلبون متطوعه لهذا الدور
مع خلفيات صوتيه مع صراخ مع دموع مع آية عذاب وتقول الداعية كل يوم غمضي عيونك بالظلام واتخيلي انك بالقبر مع منكر ونكير ولا ترا ملاك الموت يجلس يطالع فيك كل يوم ٥٠ مره ويرتعبون البنات ويجلسون يبكون اليوم كله
وكذا كل اسبوع مرتين يجيبون وحده تجي تقتل الحياه بعيونك وتذكرك بالاخره وتقول لك الدنيا اختبار وتقول مايهم حياتك كلها لانها مجرد ثواني لازم تقضينها كلها بالعباده طبعا غير حصص الدين والاذاعات اللي تكون شي مكثف بكره الحياه اكثر ومع التكرار افضل
كانت بيئه تتغذي على الكآبة فعليا الجدران صفراء ومشققه من تشرب الموت المنتشر بالجو ورسومات من جهنم للقبر وبقع سوداء فضفاضه على اساس العبايه اللي لازم تكون كفن الدنيا قبل الاخره وثعبان كبير بدون وجهه ملتف لانه حرام الارواح
نجي للاداريات و المعلمات اللي يشوفونك ولا شي وماعندها اي مشكله تتنمر على البنات وتوصل حتى للضرب على ولا سبب فعليا اذا المعلمه تبغى تسوي نفسها هيبه تضرب اضعف بنت بالفصل على اساس عظه وعبره للباقيات
والله كانوا يضربون البنات على اتفه سبب انه ليش تطلع من الفصل وليش تضحك او عندك غرة وليش شرابك مو اسود او لحد فخذك ليش حاطه بكله ملونه المفروض مطاط الفلوس والضرب اللي اقصده مو تافهه ترا يعني مثلا تمسك راسها وتصقعه بالجدار او تعطي ٦ كفوف بالثانيه ع الوجهه
اي وحده تقص شعرها لمن رقبتها يحجبونها بالطرحة طوال السنه او لمن يطول شعرها للحد اللي يرضيهم ممنوع اي شي وكل شي اذا غبتي يطلعونك من طابور الصباح ويحطونك بزاوية قدام المدرسة تجلسين تتراقصين بخوف وبالمايك يسالون سبب الغياب
كل ترم يجمعون فلوس من كل المدرسه بدون احترام للحالة الماديه للطالبات عشان يزبطون الفصل والطاولات المكسره والبويه المعدومة والارضيه المشققه وفي النهاية يشترون طوابع وتجاليد ويلصقونها ع الطاولات والجدران !! وين الفلوس تروح
الفصول مافيها تهوية نهائيا او حتى مرور شمس والشبابيك مجرد زينه لانها مغطاة بالزنك من برا ومجلدة باسود من جوا عشان الستر والمكيفات خربانه والفصل مزحوم ولكم ان تتخيلوا الانفجار بداخل الفصل
حصص الفراغ والنشاط مالها اي فايده فعليا ويجلسون المعلمات ينفسون علينا لانهم مالهم خلق ياخذونها فيخلونها حصة صامته ونجلس نستغفر فيها ممنوع الكلام فيها او حتى حل واجباتك او ترسمين او اي نوع من الترفيه او تاخذها معلمة المصلى عشان تتكلم عن اهوال يوم القيامه
وعذاب البنات اللي يلبسون بنطلون او قصير او لبس حلو كيف يموتون بابشع الطرق والبنات اللي يلبسون عبايات كتف كيف يموتون بابشع الطرق وكيف راح ننحرق اذا بان مننا سم واحد نجي للعبايه وما ادراك مالعبايه
كانت العبايه بالمدرسه اهم من التربيه والتعليم والمواد الدراسيه مجتمعه لانه تقريبا ٩٩٪ من المدرسة كانت مخصصه لدروس العبايه وتغطية الوجهه فقط وكانت العقابات عليها والتشديد والمراقبه والملاحقة بسببها
كانت العبايه المطلوبه مننا عباية راس سوداء بدون اي نقطة لون تسحب من البيت للمدرسه وغطوه ب٣ طبقات وقفازات سوداء وشراب اسود يتحول لبنطلون من طوله وجزمة وشنطة سوداء غير ملفته او مغريه ولازم تجلس معلمة او اداريه عند الباب في الدخول والخروج عشان تتاكد من المواصفات هذي
واذا اختلت احد هذي الشروط تجلس البنت بالمدرسة ويتصلون على ولي امرها يجييب لها قفاز او غطوة او عبايه عشان تطلع وياويل وحده تنسى العفش هذا يصيرون البنات من الخوف يسرقون من بعض عشان يطلعون من المعتقل اقصد المدرسه
وابشركم من قوة التزام المدرسه تتحول المعلمات الى جواسيس متخفيه يكونون بالشارع بالصرفه يراقبون البنات او يكونون بالباصات المهم يزرعونهم بكل مكان واليوم الثاني بالاذاعة ينادون باسماء البنات اللي ضحكوا بصوت عالي او فكوا الغطوه او ركضوا او راحوا البقاله او سوا اي شي طبيعي
طبعا العقاب لهم الاتصال باهاليهم وزياده بهارات على افعال البنات او الضرب اذا الاهل ماعطوهم ردة الفعل المطلوبه والتعهد والصراخ عليهم بالمايك قدام المدرسة بالصباح لمن يجهشون بالبكاء
الشي المضحك زياده انه حتى خارج وقت الدوامات يتدخلون بالبنات يعني اتخيلوا اذا ليست وحده عبايه مخالفه او فستان قصير او مكشوف بالزواج او العزايم او شافوها كاشفه بالسوق بالويكند نادوها بالمدرسه يحاسبونها 😭😭😭😭
كان ممنوع البنت تحضن صاحبتها او تسلم عليها سلام خد او تمسك يدها لانها تؤدي الى الرذيله وكان لازم يراقبون البنات على مدار الساعه والحمامات مقفله الا للطوارئ والتفتيش يوميا بالفسحه او تفتيش مفاجئ فجأه بوسط الحصه يطلعوننا ويبدون يرمون الشنط بجنون كانهم يدورون عن مخدرات
وطبعا غنايم النصر اللي بيموتون سعاده كانهم طالعين من غزوة احد هي مرطب يدين وعلكه وتلجراف ودفتر اشعار وروج ومراية وعطر صغير و دفتر رسمات ورساله وكتاب اي كتاب ومجلة وصينية حلى او شيبس او علبة بيبسي ودلة قهوة
وتجي مرحلة البنات يترجونهم ويبكون يرجعون الاغراض لانهم اصلا ماخذينها من اخواتهم الكبار ويرفضون يردونها للابد وصراحة مادري اذا ترجع بعد ماتطلعين من المدرسه او لا
لكن الويل وكل الويل اذا لقيوا جوال هنا خلاص اقدر احلف انهم يذبحون ذبيحة من الفرحة هنا عادي كل الطرق اللي يسونها مباحة لانهم لقيوه بس اولا ضرب البنت وتهزيئها والصياح الهستيري وتفتح الجوال ويجلسون يفتشونه وحتى لو مالقيتوا شي اي شي يكلمون اهلها انها تكلم شباب ولازم يجون للضروره
طبعا الجوال ماعاد يرجع للابد حتى لو جات الام والاب يترجونها انتهى خلاص وبالاضافه الى تعليق اوراق من الساحة الى الدرج الى الفصل يتكلم عن انه فلانه جابت جوال وتكلم عيال والعياذ بالله ولقيوا صوره او مقاطع مشبوهه وخلاص تتدمر حياة البنت حتى من البنات يتنمرون عليها
طبعا اي فعل يصدر من البنت بالمدرسة معناه انها تدور ممارسة الجنس وهذي الوسائل الموثوقه اللي يحاسبونها عليها هي : الكلام المشي التنفس الضحك اللعب الاكل طريقة لبسها وشعرها وريحة داوني بالملابس والشراب
كانوا البنات بالمدرسة مستخذات مرعوبات وكانت المدرسة مكان لغسيل الدماغ فعليا كانت وظيفتهم زرع الافكار بالترهيب والقوه و بالتكرار اليومي اما الدراسه فيها فكانت جزء بسيط مايذكر تجي المدرسة تجلس على الكرسي وتقرا من الكتاب بثواني يخلص الدرس وتعطينا محاظره باقي الحصه
ذولا المختلات يدرسوننا مواد مثل علوم الرياضيات والفيزياء والكيمياء ويجلسون طول الحصه انظروا الى عظمة الله ياسبحان الله ويقلبونها ماده دينيه بحته اما التاريخ يجلسون يبكون دموع حقيقيه عشان الرسول انشجت راسه بصخره يعني الفايده ٠٪ بالدراسه
بالمناسبه الدروس اللي ماتخش عقلهم الصغير ولا تعجبهم لانهم مايصدقونها يتجاوزونها بكيفهم ودروس البلوغ والاشياء ذي مايتكلمون حتى عنها
غير مراقبة صلاة البنات ويتاكدون انها عليها الدوره او ماتصلي بجدول لكل فصل يشوفون كم مره صلت بالشهر واذا صلت يجلسون يراقبون صلاتك واذا سلمتي يمسكونك ويقولون كل غلط سويتيه بالصلاه واذا اصبعك تحركت يعدونها لك
هذا كان نبذه صغيره جدا حاولت اختصرها من خلاصة ١٢ سنه كانت بالمدرسة غير الجامعه اللي ازفت منها كانت اسوء مرحلة بحياتي واللي خففها كان وجود صاحباتي فيها والله لو انهم اهتموا بتعليمنا مثل ما كانوا مهووسيين بالجانب الديني كان احنا حاليا اقل شي عالمات او مخترعات شي للبشريه
اي وحده تجي تقول انا لبست النقاب والعبايه بقناعه وانا ناقصة عقل وانه لازم تسجد لزوجها وتطيعه وهي فتنه وكلب فقط راجعي بس ١٢ سنة فاتت وشوفي قد ايش انتي مغسوله دماغيا في مدرسة سخرت كل جهودها وطاقتها ووقتها عشان تخليك تقولين هذا الكلام على انه شي طبيعي
جاري تحميل الاقتراحات...