برضو في الخرافة بتاعت: "No pain No gain"
و الكلام بتاع "لمن تتمرن biceps و تجي تتوضا و ما قدرت ترفع ايدك اعرف انك اتمرنت كويس"
نظام أنك تتمرن لين تمزق عضلتك وتتورم و تتألم اصبح ماضي و نظام قديم، لأنه غير عملي و مضر بيخليك تكسر حنك الجيم سريع، الآن في نظام جديد خالص و ممتاز +

يُختصر في ثلاثة كلمات :
"Consistency over intensity"
تخيل انك لعبت الليلة تمرين صدر و عملت 300 push ups، عضلاتك اتمزقت و ما تقدر تلعب الا بعد يومين، يعني في الاسبوع حتقدر تلعب ثلاثة ايام ، يعني حتكون عملت 900 push ups, رقم سمح والله صاح؟ طيب تخيل+

تلعب في اليوم 150 push ups بس و انت مرتاح، لمن تكون مرتاح معناو بتقدر تعملها كل يوم، معناه في الاسبوع حتكون عملت كم push ups؟ 1050!
غير كدا لمن تحس التمرين زابط معاك و ساهل انت كدا بتحب الموضوع و حتستمر فيه و ما حتكسر الحنك بسرعة زي ما بحصل مع اغلبنا +

المشكلة فعلا العضلة ما حتنمو الا بتمزق يحصل اول، معناو مفروض تضغط ع روحك صاح؟ الجواب لا برضو.
في برنامج كامل بيتم تصميمه بيركز في4 عوامل:
Intensity
Volume
Duration
Frequency
كل اسبوع بتخت راسك على عامل معين اكتر من باقي العوامل و كقاعدة عامة تجهد عضلاتك بنسبة 80% بس +

و لكن كل يوم اختار عضلة معينة زيد الجهد فيها بنسبة 5%، المشكلة بس التقدير بتاع النسب دا تشغيلة شوية، ممكن تختبر روحك اول وتعرف ال100% حقتك قدر شنو وبعداك تقديريا كدا تنقص 20%