رتبها

و نبدأ بالثريد الثالث و العشرون اللي هو :
..
نفشة الشعر ☀

اتوقع انه يومياً لازم انسأل هذا السؤال :
شعري فيه نفشه وش اسوي !!؟
..
اول شي قبل م ابدأ سرد بالثريد حطو في بالكم شيئين
اولاً : ان " النفشه كيرلز تنتظر انها تحدث " من (لورين ماسي)
ثانياً : ان النفشه شي طبيعي للشعر الكيرلي بسبب طبيعته الجافه ، لكن احنا نبي نخفف من النفشه

اليوم بقولكم بعض اسباب النفشه و ايش حلولها

[ اسباب نفشة الشعر ]

1/ نقص الترطيب
اول سبب و اهم سبب في نفشة الشعر ، شعرك ناقصه ترطيب !!
هنا شعرك لما ينتفش و كأنه يرسلك رساله يقولك انا جوعان ابي اكل 😂
الترطيب مهم مهم مهم مهم مهم مهم مهم ×100000
للشعر الكيرلي لا تبخلون بالترطيب

2/ تراكمات المنتجات على الشعر او فروة الرأس
لما يكون على شعرك تراكمات من المنتجات هنا برضو راح ينتفش ! مثلاً في بنات يسوو ريفيرش يومياً و كل يوم يحطون ليف ان جل كثير، و بكذا تراكمت المنتجات عليهم و هذي سبب من اسباب تراكمات المنتجات او اللي يحطون البلسم على فروة راسهم ! و غيرها..

3/ الجو ( الطقس )
لما يصير الجو فيه رطوبه ينتفش الشعر ، لان الشعر يحاول يرطب نفسه من رطوبة الجو ، و طبعاً لو شعرك مترطب صح ما راح يحاول ياخذ ترطيب من الجو 😂

ولما يصير الجو جاف < مثل الرياض
ينتفش برضو الشعر من الجفاف و هذي من الاسباب الطبيعيه ،
خصوصاً لما يتغير الجو على شعرك فجأه ! ما تلاحظون مثلاً لما تروحون من جو جاف لجو فيه رطوبه شعركم ينتفش و احياناً تطلع لكم حبوب على وجهكم < مثلي
هذي ردة فعل عكسيه عالجو و هالشي طبيعي جداً

4/ موازنة البروتين
البروتين جداً مهم انك تلتفتين له ، هذا الموضوع جداً مهم و يساهم في تقليل نفشة الشعر ولو تلاحظون دايماً اذكره .

5/ لمس (اللعب) بالشعر
اوه هذا هذا ، بنات خل نكون صريحين الشعر الكيرلي يوسع الصدر و انتي تلعبين فيه اتفهم هالشي لاني ألعب دايم بشعري 😂💔
بس لازم تخففون من لمس الشعر لانه راح يفكك الكيرلز للاسف :(
>> عاد انا هذا هو اللي يسبب لي نفشة الشعر و بحاول اقلل لمس لشعري 😂💔

[ حلول لنفشة الشعر ]

1/ الترطيب

(1) الترطيب العميق
ماسكات الترطيب العميق جداً مهمه خصوصاً للشعر الكيرلي و هذا اكثر شي تكرر علي وانا ابحث عن نفشة الشعر ان الترطيب العميق مهم مهم للشعر الكيرلي ، لان بسبب طبيعة الشعر الملولوه زيوت الرأس الطبيعيه ما توصل لاطراف الشعر فهذا هو السبب ليش اطراف شعرنا جافه اكثر !

لازم تسوين ماسك ترطيب عميق كل اسبوع و مع الاستمرار راح تلاحظين الفرق ، و اذا حسيتي انه خلاص شعرك تغذى كويس و ترطب كويس ابدي توسعين المده بين كل مره تسوين فيها ماسك ترطيب عميق
مثلاً اذا كان مره بالاسبوع يكون مره كل 10 ايام

قد ذكرت افضل طريقه لاستخدام ماسكات الترطيب العميق برفق لكم الثريد راح يفرق معاكم :

(2) الترطيب بالماء
الشعر الكيرلي يحب الماء فأضيفي الماء عندك بروتينك لشعرك ، اذا حطيتي ليف ان مثلاً بخي على شعرك مويه ، لما تسوين ريفيرش استخدمي مويه ، فالماء هو مغذي طبيعي لشعرك لا تبخلين فيه

2/ حماية الشعر وقت النوم

حماية الشعر وقت النوم جداً مهمه ، اصلاً دايماً الشعر ينقلب بشكل ثاني تماماً و يكون مره منتفش اذا م حميتي شعرك وانتي نايمه !
قد ذكرت طرق لحماية الشعر وقت النوم
منها : وساده ستان ، قبعه ستان ، سكراف ستان .
هذي التويته لروتين النوم :

اتوقع اني ازعجتكم بقبعة الستان و كيف قللت النفشه عندي و كيف تخليني اصحى اليوم الثاني و شعري م تغير ! بس لا تلوموني انا انسانه عانيت لفتره طويله ان شعري يوم واحد حلو ولما انام و اصحى احصل كوارث 🙂💔 ف قبعة الستان منقذتي ❤

3/ لا تلمسين شعرك كثير

لمس الشعر المستمر راح يفكك لكم الكيرلز و خصوصاً لما يكون رطب بعد تحطين المنتجات حقتك و رايحه بتجففين شعرك لا تلمسين شعرك هنا خط احمر ، ولا تلعبين بشعرك وهو جاف برضو لكن ركزو لي على نقطة وهو رطب لانه انعادت علي كم مره و انا اقرى

4/ تنقية الشعر

تنقية الشعر مره مهمه راح تخفف لك النفشه برضو ! قد تكلمت عن تنقية الشعر بثريد كامل راح احطه لكم ! سوي تنقيه بالقليل مره بالشهر اذا في تراكمات منتجات راح ينظفه لك و يخلي شعرك مستعد لاستقبال لترطيب

5/ المنتجات

1) اختاري المنتجات اللي تناسبك ، لا تاخذين منتجات ثقيله ما يتحملها شعرك ، لا تاخذين منتج يعطيك نسبه قليله من الترطيب ، الاختيار المناسب للمنتجات راح يخفف لك نفشة الشعر .

2) اذا قريتي بالمنتج Anti frizz او free frizz او بس كلمة Frizz فهذا يعني انه يخفف النفشه
3) اذا قريتي بالمنتج Define فهذا برضو انه راح يقلل لك النفشه ديفايند يعني انه راح يحدد لك الكيرلز و يضبطهم و اذا ضبطو الكيرلز ايش يعني ؟ اقل نفشه !
( و احياناً ينكتبون بوصف المنتج )

4) الجل عامل كبييييييير بتقليل نفشة الشعر بحكم تجربتي و تجربة الكثير ، اهم شي استخدميه صح و سوي سكرنش و شوفي النتيجه 👌👌
غالباً الجل يعني اقل فوليوم لكن هذا يعني اقل نفشه

5) الليف ان مره مره مهم ، تراه عامل اساسي لتقليل النفشه عن تجربه شعري بدون ليف ان يصير الشمس المشرقه 😂

6/لا تمشطين شعرك وهو جاف

اللي تمشط شعرها وهو جاف لا تكلمني انا زعلانه منها 🚶. اتوقع معروف ليش يسبب نفشه بالشعر ما يحتاج نشرح 💔

7/ وضع المنتجات

(1) ضعي المنتجات على شعر رطب
كثير بنات يجوني و يسبون منتج معين ولما نتطرق مع بعض بالحديث اكتشف انه تحطه و شعرها جاف 😅!!!
حطي المنتجات على شعرك وهو رطب في ناس يفضلونه وهو يقطر مويه و في ناس تفضل بعض م ينشفون شعرهم شويه يحطون المنتجات شوفي وش اللي يناسبك !

(2) التكنيكات
التكنيكات مره مهمه للشعر الكيرلي ! قد حطيت ثريد عنها اشكال و انواع منها لازم تسوين منها اذا تبين تخففين النفشه
هذا ثريد تكنيكات الشعر :
اصلاً لو تلاحظون بأغلب التكنيكات كاتبه عليها تقلل النفشه 👇👇

8/ تجفيف الشعر بطريقه صحيحه

(1) استخدام منشفة مايكرو فايبر او قطن او تيشيرت قطن
اذا عندك منشفه عاديه ارميها الان
، تدرون اكثر شي تكرر علي بتقليل النفشه هو المنشفه الصح ! و كثير نبهو عليها و قالو انها اساس من الاساسيات في تقليل النفشه .

(2) التجفيف الصحيح بالدفيوزر
استعمال الدفيوزر بالشكل الصحيح ، الدفيوزر سلاح ذو حدين استعمليه صح و النتيجه بتصير حلوه استعمليه غلط و بتكرهين شعرك ،
قد كتبت ثريد عن تجفيف الشعر اطلعو عليه :

9/ موازنة البروتين

لا تخلين منتجاتك كلها فيه بروتين و انتي اصلاً البروتين عندك مرتفع لانه راح ينفش شعرك اكثر ، لا تسحبين عالبروتين و تخافين منه و اصلاً شعرك يبي بروتين !

البروتين مره مهم للشعر ، و الموازنه فيه مهمه
شعرك فيه كثير بروتين لا تقطعين البروتين خلي منتج واحد فيه بروتين ماسك او ليف ان اي شي
قد تطرقت لموضوع البروتين بالتفصيل اطلعو عليه :

10/ الصبر و الاستمرار

كوني صبوره مو اذا م شفتي نتيجه من اول مره تتركين كل شي و تقولين ماله فايده ، اصبري و استمري عليه و شوفي وش بيطلع معاك

و اخيراً بقولكم ممكن تشوفون الموضوع صعب و كثير بس لو تفكرون فيها ترا كل هالنصائح حاجات من اول تكلمنا عنها و اغلبها نسويها كشخص شعره كيرلي بس اللهم رتبتها لكم 🙏💛

⭕الثريد متجدد اذا حصلت شي جديد
..
و بكذا خلصنا الثريد 👏
..
ان شاء الله تكونو استفدتو 🌞💕

@ward_ali90 عاد الشعر القصير مره اللفات تطلع عنده اسهل ألا اذا كان ويفي 2A او 2B
، ان شاء الله بسوي ثريد لقص الشعر بس يمكن ياخذ وقت لان الموضوع يحتاج دراسه مكثفه 😍❤

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد