رتبها

للمرة التانية انا ما خبيرة، انا بس زولة فضولة بحب اتعلم و اطبق الاتعلمته، في الاول جربت و فشلت كتير لحدي ما عرفت روحي بعمل في شنو، فعشان كدا الثريد دا حيكون عن كل شي كنت متمنية اني عارفاه لمن بديت اعمل العطور حقتي

معظم العطور معمولة بي نظام هرمي فيه تلاتة طبقات:
اول حاجة الراس أو الhead/top notes َ دا فيه النوطات الأولية للعطر يعني دي اول حاجة حتشميها لمن ترشي العطر حقك و بقعد حوالي 10-20 دقيقة و عادة بتكون ريحة حمضية (citrus) أو وردية(floral) عشان كدا دايما جربي العطر البتشتريه

في المحل و خلي يمر عليه زمن مثلا يوم قبل ما تشتري عشان ما تتخلعي انو الريحة اتحولت لي شي تاني خالص بعد كم ساعة،الطبقة التانية بتكون قلب العطر أو the heart/middle note و دي بتقعد حوالي 3_6 ساعات قبل ما تتبخر و دي عادة بتكون من ريحة وردية( floral) أو عشبة(herb) أو معمولة من

توابل( spices) و خشب(wood) و ديل بدو بعد تاني للعطر حقك، بعد ما دي تتبخر بتظهر الطبقة التالتة المعروفة بي النفحة الأساسية أو الbase note دي هي البتحدد هوية العطر حقك و بتقعد 24 ساعة و بتتكون من اخشاب زي الصندل و العود و التوابل و الفانيليا، ديل عندهم أكبر وزن جزيئي فاكتر طبقة

بتقعد في الجلد.
أجمل حاجة ممكن تحصل لي حاسة الشم حقتك لما تعجبك الريحة النهائية الناتجة من النفحة الأساسية و التفاعل حقها مع الكيمياء حقت جلدك. مرات نفس الريحة بتكون مختلفة تماما من زول لي زول عشان السبب دا.
و ما بس الكيمياء حقت الجلد بتلعب دور كبير في انو كيف العطر حيكون

في حاجات تانية مفروض تتخت في حساباتك. العطور الخفيفة أو ال fresh ممكن ما تشتغل معاك لو انتي بتاكلي اكل فيه بهارات كتيرة، أو ممكن الريحة تتغير لما يحصل تغير في الهرمونات زي أثناء الدورة الشهرية. برضو إذا أسلوب حياتك فيه أنشطة كتيرة بتخليك برة معظم الوقت

الزيوت العطرية VS الكحول :
حاليا العطور معظمها بتتكون من عنصرين. الزيوت العطرية و الكحول البتشتغل كcarrier للريحة.

غالبا حتلقى في العطر الجاهز مكتوب تحت eau de colonge(EDC), eua de toilette (EDT), eau de parfum (ADP), parfum, ديل بيوروك نسبة الزيوت الأساسية و العطرية و منها حتعرفي لو عطرك قوي ولا لا، الصورة دي بتوضح ليك نسب الكحول للزيوت في كل واحد

شرح زيادة، الEDC و الEDT فيهم أقل نسبة زيوت عطرية و الParfum فيه اكتر نسبة. و على هذا المنبر الparfum حيكون أغلى واحد و اكتر واحد ليه إثر على نهاية يومك.
اما الsolid perfumes فيها نسبة زيوت أساسية أقل من الEDC و الEDT لكن لأنها ممزوجة بي نسبة عالية من الدهونا

الجزيئات حقت الريحة بتاخد زمن أطول لي انها تتبخر و بتفضل قاعدة في الجلد كتير شديد، و كونو ما فيها كحول دا بيخلي الsolid perfumes اهدا من العطر العادي و دا خيار ظابط شديد للناس الما عورة ريحة نفاذة شديد.

لو عاوزة تعملي layering لي العطر حقك في طريقتين، ممكن تمشي بي قاعدة انو العطور الخفيفة فوق التقيلة يعني رشي التقيلة اول و خليها تنشف حتى بعداك الخفيفة، لي؟ لانو زي ما انتي لمن تكوني عاوزة تبني بيت بتختي الأساس حقك اول حتى بتبني عليه، اعملي كدا عشان الريحة تكون متجانسة و لطيفة

انا الطريقة التانية أنو تستعملي ريحة من نفس المجموعة أو العيلة، العوائل هي:
١-الوردية: دي بتتكون من الورود و الزهور و اكتر واحدة فيها انوثة و رقيقة كدا
٢- فواكه : و دي فيها عبق ظريف الدراق و الليتشي و البيرماقوت
٣-الحمضيات: دي منعشة شديد و خفيفة و حيوية زي الليمون و البرتقال و

القريب فروت
٤-الاخشاب: دي بتكون فيها غموض و عمق كدا زي العود و الصندل
٥-الشرقية: و دي معمولة من التوابل و بتكون قوية زي المسك و الفانيليا

دي أدوات حتحتاجي ليها عشان تخلطي، و دايما احسبي النسب المؤية حقت الحاجات عشان تقدري تعملي كمية كبيرة من نفس الريحة، و دايما خلي الزيوت و العطور حقتك في علب قزاز في حتة باردة و ناشفة و مضلمة لانو الشمس و الضو بياثروا على التركيبة الكيميائية حقت العطر حقك ❤️❤️❤️ لو نسيت حاجة ذكروني

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد