هل أنت شخص مؤذي وسلبي وذو سلوكيات سامة للآخرين (toxic)، ربما دون إدراك منك؟ واحدة أو أكثر من العناصر التالية تحدد. هأتكلم في حوار.
١- هل الناس بتقطع علاقتها بك وتتجنّب الحديث معك بدون سابق إنذار وعلى حين غفلة؟ غالباً أول وأشدّ مؤشر على أن فيه خلل ما ولازم يكون فيه وقفة.
٢- هل أنت دائم الحكم على الآخرين وانتقاد اختياراتهم وتصرّفاتهم؟ ضمنياً أنت بتقول أنك أحسن منهم وأعقل منهم وما حدش بيحب الشعور بالدونية. الناس قد تسمع النصيحة لو اتقالت بأسلوب لطيف وبتحب كمان تشعر بالحرية في القدرة على الاختيار.
٣- هل تتحكم فيمن حولك وتفرض سيطرتك؟ الناس مش عايزة حد يغيّرها. كل واحد عايز اللي يفهمه.
٤- عند الخطأ، هل تعتذر؟ الناس اللي ما بتعتذرش عن أغلاطهم ما عندهمش القدرة يسامحوا غيرهم ولا يدوا فرصة حد يسامحهم. عندهم من الكِبر اللي يخليهم يشعروا أنهم أهم وأكبر من أي اعتذار. رفض الاعتذار هو رفض استكمال وبناء أي نوع علاقة.
٥- هل ترفض تحمل المسؤولية؟ هل شايف نفسك دايماً ضحية المجتمع والظروف والبيئة والأحوال؟ الناس ما تحبش تعاشر الضحايا علشان ما بيعملوش حاجة غير الولولة على حالهم من دون فعل لتغيير الحال.
٦- هل تأخذ أكثر ما تعطي؟ لو حد طيب معك، لفتة لطيفة تتصرّف معه بالمثل وتكون أنت كمان طيب وكريم معه. إن كان حبيبك عسل ما تلحسوش كله.
٧- هل تأخذ تصرفات الآخرين نحوك على محمل شخصي؟ لو حد متضايق من حاجة في الشغل أو الحياة وطلب يبقى لوحده، بتزعل وتعتبره مقموص منك؟ ولما تجي لك فرصة تردّها له وما تردّش على تلفوناته؟ مش كل حاجة لازم تكون عنك وتكون طرف فيها. أنت أحيان كثير نكرة ومش مهم. اقبل الفكرة واخرج من القوقعة.
٨- هل ترفض الاحتفال بنجاح الآخرين وتنهال عليهم بالسخرية أو التقليل من نجاحهم؟ كلمة مبروك سهلة وببلاش. لا يضرّك لو أظهرت إعجابك أو دعمك أو سعادتك بنجاح الآخرين. لن ينتقص ولا ينقص منك. العكس صحيح.
٩- هل تفشي أسرار الغير؟ الأمانة والصراحة والشفافية سمات ضرورية لأي علاقة قائمة على الثقة والاحترام. افتكر، اللي تتكلم عنه النهار ده، هيتكلم عنك بكرة. هتكون مادة دردشة ونم للآخرين.
١٠- هل تصدر عنك تعليقات عدائية وسلبية؟ إذا كنت غاضب من شخص، انقل له غضبك بوضوح بدل ما تلقّح عليه. تعليقات من نوع "أنا بأهزر" بعد أي إهانة أو تجريح مش هزار. ده تلقيح مغلف بمادة ساخرة تبان نكتة لكنها سمّة بدن.
إجابتك بنعم على أي سؤال اعتراف منك وإدراك بوجود مشكلة. محتاج تحدد هل أنت كده طول الوقت ولا مع ناس معينة؟ إشمعنى الناس دول تحديداً؟ هل مش بتحبهم؟ بتخاف منهم؟ بتحاول تتأقلم معهم؟ أنك تلاقي عيوب في نفسك وتعترف بها موضوع صعب لكن الوقت اللي بتقضيه في إصلاحها غير مهدور.
بس كده. شكراً.
بس كده. شكراً.
جاري تحميل الاقتراحات...