رتبها

مرحبا
يارب تكونو بصحة وسعادة✨😍
اليوم بتكلم عن (العمل في فترة الدراسة)
اتمنى تتفاعلو مع التغريدة وتكتبولي تعليقاتكم وتجاربكم
نبدأ بسم الله❤️

غالبيتنا اذا مش كلنا،خلال فترة الدراسة الجامعية،نشد حيلنا ونكرف ونسهر الليل واحيانا نروح مواصلين ونضغط على نفسنا ومانروح مناسبات اجتماعية واهلنا يدعمونا ماديا كتير عشان بس لما نتخرج ونستلم الشهادة يكون مكتوب عليها
(ناجح بمرتبة الشرف الاولى او الثانية..) من جامعة سطح القمر✨😎

وطبعا اغلبيتنا يكون حاطط احلام وامنيات كتير لمستقبله وحياته بعد التخرج واهم احلامه(الوظيفة)اللي جالس يكرف 4 سنين اقل شي عشانها،ويتخرج بفكر فاهم وواعي ايش بيسوي وحماس يحرق الدنيا عشان يصنع تغيير بوجهة نظره💪🏻

بعضهم ظروفهم ماسمحت يشتغلو في فترة الدراسة،وبعضهم الله وفقهم وكتبلهم انو نصيبهم يجي من بدري،فصارو يشتغلو ويدرسو(اون لاين او انتظام عادي) وياحلاوة الشغلة لو كانت في نفس تخصصو كمان، هنا انفرش لهم بساط احمر عا قولتهم،وصار الشغل ممتع لهم

لانهم بيدرسو النظريات والاساليب والحلول بالجامعة ويطبقوها عملي في الدوام ويتعلمو كمان افكار جديدة بطبيعة العمل اللي تواجهو ظروف مختلفة.
ملاحظة:انا بتكلم عن وظيفة بعقد وراتب رسمي، مو شغل ببلاش.

من واقع حقيقي بعضهم زميلاتي ماشاءالله تبارك الله كانو يشتغلو تدريب في مكاتب محاماة ولما اتخرجو ضموهم المكاتب لهم بشكل رسمي،طبعا الخبرة ما احكيلكم ما كانهم حديثات تخرج ،بالعكس تتحدى بخبرتها موظف له 3 سنوات في سوق العمل

وعلى فكرة
موضوع الدراسة والعمل بنفس الوقت شي مو بسيط ترا، يحتاجلو "قوة عزيمة" و "تنظيم الوقت" عشان تقدر توفق بين الاثنين وتعطي كل شي حقه، فلا يضايقك لما يجيك فلان ويقلك:انتا مسويلي فيها دكتور،ترى كلها سكرتير،ترى كلها تسويق
خليه يغرد زي مايبا الفرق يبان بعد التخرج في الوظايف💪🏻✨

نجي للجد
اشتغلنا ودرسنا وكرفنا واتخرجنا بمعدل عالي،ضبطنا السيفي ونسقناه وطبعنا اوراقنا وبدينا رحلة البحث عن وظيفة
غير رحلة الايميلات الكتير المرسولة للشركات الحلم
1. لازم "تهيأ" نفسك نفسيا انك ماراح تلقى شغل اقل شي مدة 6 شهور

2. تحط احتمالات كتير وبدائل انو لو ماصار كذا ايش حاعمل هنا ؟؟
حط اسئلة كتير لكل شي تمر فيه
لو ما جاني رد لوظيفة خلال 3شهور ايش البديل؟ اشتغل تعاون في شركات واخد خبرة
لو مافي شركة وافقت عالتعاون ايش البديل؟اتطوع مع جهات احاول تكون في تخصصي لو قروب #WhatsApp
واستمر عا كدا

جاتك فرصة فمكان معين لوظيفة حاتعلمك وتضيف لك بشكل كبير
بس وقت المقابلة قلك مسؤول التوظيف:
-الراتب حايكون 2500 او 3000 والاوف جمعة بس
عادي ،اقبل
لاتنسى انك لسا طالب
انك لسا ماعندك شهادة تقدر تتفاوض فيها على اساسها
انو فرصة ممتازة شافو مهاراتك مميزة وتوريهم ابداعك

ليش قلت فقرة 1 ؟
لانو كتير طلاب/طالبات كانو متوقعين الهوايل بعد التخرج،او اقل شي يشتغل في مكتب محترم براتب حلو، فلما يجيهم رفض ورا رفض ورا رفض غير الجهات اللي ما بترد اساسا عالايميل
يدخلو في حالة نكد واحباط ويأس مو طبيعي
والافكار السلبية الفظيعة تتردد في راسه

- لو اني جبت المعدل الفلاني كان وضعي مستقر
- لو اني اشتغلت في المكان الفلاني كان صرت مدير
- لو بابا يعرف واسطة في المكان الفلاني كان من زماني موظف
- لو اني مادرست التخصص الفلاني ودرست برا كان ثقتي بنفسي اكبر

ارجوكم #STOP جلد في الذات
وقف لوم في نفسك وفغيرك
الوظيفة رزق (حلال) والله لو كاتبلك وظيفة معينة مستحيل ياخذها غيرك
خلي ايمانك بالله قوي وارجوك لا تضعف وتحس بتأنيب الضمير وتنسى كل اللي بنيته من اول،لانو حتى اهلك يشوفو حالتك ويتضايقو عشانك
فكون قوي عشانهم❤️💪🏻

اذا مرة اتقفلت عليك الابواب ومالقيت مخرج ابدا
جرب انك تشتغل في مجال خدمة العملاء والتعامل مع الناس
يعني اي وظيفة فيها تواصل مع الاشخاص بشكل مباشر او غير مباشر
وهادي النقطة اتكلمت عنها تحت :

والوظايف كتيرة (#مبيعات - خدمة عملاء - #كاشير - موظفة استقبال - كول سنتر) هادي الوظايف موجودة بكثرة فنفس الوقت تعلمك اشياء كتير وتكسر حاجز الخوف والرهبة من اول وظيفة
والاهم ما تخلي فترة "فراغ" كبيرة بين وقت تخرجك والوقت اللي تبحث عن فيه وظيفتك الحلم

لقيت وظيفة من اللي فوق وبديت فيها،اتعلم،استمتع بشغلك،عيش يومك باللي فيه
لاتجلس بزاوية تندب حظك وتقارن نفسك بغيرك وتحرم نفسك من التعرف والاختلاط مع زملائك الجدد
طبعا خلال هادا كلو انتا استمر في عملية البحث وارسال ايميلات التوظيف للشركات

من الاشخاص اللي ارشحهم في مجال التوجيه والاستشارات المهنية الاستاذة @HAYATALMASKEEN حقيقي من الاشخاص اللي فخورة بالتعامل معاهم، هدفها ان العميل يتغير للأفضل
تسمعلك وتعرف ايش مشكلتك وتلقى لها حل وتتابع معاك تطوراتك

اخر شي عندي سؤالين الى اي صاحب قرار اتمنى يتجاوبو معايا مشكورين ويفيدونا احنا الخريجين بشكل عام
@YousefAlnamlah
@yasminromikhani
@Alomarzh
@HAYATALMASKEEN
@msb1208
@Alothman_MD
@turki1288
@KhalidJoharji

. الطالب في فترة الدراسة لما يقدم على وظايف يجيه رفض كتير بسبب عدم حصوله على مؤهل "البكالوريوس" ولما يكمل الجامعة ويتخرج برضو يجيه رفض بسبب "عدم وجود الخبرة" كيف ممكن ينحل هادا العائق بدون مايسبب حيرة للطالب ؟

. الطالب اللي كان يشتغل ويدرس نفس الوقت بعد التخرج وارسال طلبات التوظيف،يجيه الرفض بسبب انه(over qualified) ايش الحل مع وضعه؟؟
-تمت-
والله يكتبلكم اجمل اقداره💛

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد