⭕️ أهم ثريد حيقابلكم الليلة والشهر كلو!
النوم النوم.. 💤😴 في فتيل.
خلاصة تجربتي الناجحة مع النوم وكيف قبل ١٠ شهور بقيت بنوم بدرث وبصحى بدري واستمريت على كدا.
حاتكلم برضو الليلة عن:
- شرح فوائد النوم وأهميته.
-خمس خطوات عشان تقدر تصلح نومك.
⭕️ريتويت لي غيرك او عشان تقراهو بعدين!
النوم النوم.. 💤😴 في فتيل.
خلاصة تجربتي الناجحة مع النوم وكيف قبل ١٠ شهور بقيت بنوم بدرث وبصحى بدري واستمريت على كدا.
حاتكلم برضو الليلة عن:
- شرح فوائد النوم وأهميته.
-خمس خطوات عشان تقدر تصلح نومك.
⭕️ريتويت لي غيرك او عشان تقراهو بعدين!
الساعة 4 صباحا والامتحان باقي ليهو 8 ساعات... انت كنت قاعد تذاكر لأيام. لكن لسه حاسي نفسك غير مستعد.. طيب الحل شنو؟؟
بتقدر تشرب كباية قهوة تانية وتقعد تقرا باقي الساعات الجاية دي لحدي الامتحان وتحاول تدخل المعلومات بالقوة..
بتقدر تشرب كباية قهوة تانية وتقعد تقرا باقي الساعات الجاية دي لحدي الامتحان وتحاول تدخل المعلومات بالقوة..
لكن صدق او لا تصدق.. فرص نجاحك في الامتحان حتكون اعلى لو قفت الكتاب ومشيت نمت..
النوم بياخد حوالي ثلث حياتنا، لكن كتييييييير مننا ما بندي النوم الاهتمام البيستحقه. و بقينا نتعامل معاهو كحاجة بتضيع الزمن وحاجة بنقدر نضحي بيها اي يوم احتجنا فيهو لي وقت اضافي..
النوم بياخد حوالي ثلث حياتنا، لكن كتييييييير مننا ما بندي النوم الاهتمام البيستحقه. و بقينا نتعامل معاهو كحاجة بتضيع الزمن وحاجة بنقدر نضحي بيها اي يوم احتجنا فيهو لي وقت اضافي..
ومستعدين نعمل اي شي على حساب وقت النوم..
الاهمال دا نتيجة لي سوء فهم كبير، لانه النوم ما وقت ضائع او وسيلة للراحة اذا كنت تعبان. بالعكس، النوم عملية أساسية ومهمة جدا. بيوازن فيها الجسم الاجهزة الحيوية وبيضبطها و بيؤثر على التنفس، وبيضبط أي شي من الدورة الدموية، للنمو وللمناعة.
الاهمال دا نتيجة لي سوء فهم كبير، لانه النوم ما وقت ضائع او وسيلة للراحة اذا كنت تعبان. بالعكس، النوم عملية أساسية ومهمة جدا. بيوازن فيها الجسم الاجهزة الحيوية وبيضبطها و بيؤثر على التنفس، وبيضبط أي شي من الدورة الدموية، للنمو وللمناعة.
طيب ظريف انا ممكن اهتم بالامور دي كلها بعد الامتحان مش؟؟
ممممم ما بالسهولة دي 🧐.. النوم مهم جداً لي مخك وخمس الدم بتاعك بيمشي للمخ أثناء ما انت نايم. والبيحصل في مخك أثناء ما انت نايم هي فترة حادة من النشاط البيعمل فيها مخك restart واعادة هيكلة..
ممممم ما بالسهولة دي 🧐.. النوم مهم جداً لي مخك وخمس الدم بتاعك بيمشي للمخ أثناء ما انت نايم. والبيحصل في مخك أثناء ما انت نايم هي فترة حادة من النشاط البيعمل فيها مخك restart واعادة هيكلة..
ودي مهمة جدا للذاكرة الحتحتاج ليها في الامتحان..(طبعا حتقول لي انا بعمل كدا من زمان واموري كويسة، حاقول ليك انا عملت كدا في الجامعة واسا ما متذكر أي شي من القريتو في الجامعة بالطريقة دي).
وطبعا لاول وهلة، ذاكرتنا دي ممكن ما نقول عنها انها رهيبة شديد.
وطبعا لاول وهلة، ذاكرتنا دي ممكن ما نقول عنها انها رهيبة شديد.
و عالم النفس هيرمن ابنكهاوس، أثبت اننا في العادة، بننسى ٤٠% من المعلومات الجديدة خلال ال٢٠ دقيقة الاولى فقط!! ودي ظاهرة اسمها منحنى النسيان واتكلمت عنها في الفيديو بتاع كيف تذاكر بدون نسيان.. youtu.be
الخسارة القلناها دي ممكن تتعوض عن طريق memory consolidation او ترسيخ الذكريات.. ودي العملية البتنتقل فيها المعلومات من الذاكرة قصيرة المدى (البتتنسي في ساعات)، لي ذاكرتنا طويلة الأمد (طبعاً لمن تقروا وما تنوموا، اكيد عارفين انتو بتحشوا المعلومات في ياتو واحدة في ديل!!)
الترسيخ دا بيحصل بمساعدة جزء مهم جدا من الدماغ اسمه ال hippocampus او الحصين. ودا دوره انه يكون لينا ذكريات طويلة الامد. زي انه المعلومات البنذاكر فيها للميد تيرم دي، نلقاها قاعدة للفاينال.
احنا عموما بنحتاج لي ٧-٩ ساعات من النوم عشان نقدر نرتاح ونستفيد من الخصائص العلاجية للنوم.
احنا عموما بنحتاج لي ٧-٩ ساعات من النوم عشان نقدر نرتاح ونستفيد من الخصائص العلاجية للنوم.
واحنا بننوم على دورات. وكل دورة مدتها بتكون ٩٠ دقيقة.. طبعا لمن نصحى في نص الدورة بنكون تعبانين وزهجانين ولمن نصحى في نهايتها بنصحى مرتاحين.. عشان كدا دايما قدروا نومكم بالدورات. يعني لو شغال جامعة وعايز تصحى ٧ صباحا, حاول تنوم الساعة ١٠ مساء او ١١ ونص او ١..
وبي كدا لمن تصحى ٧ حتكون صحيت في نهاية الدورة وحتسمع المنبه وحتقوم نشيط.. في موقع بيعمل ليكم الحاجة دي بس بتكتبوا عايزين تصحوا متين بيوريكم تنوموا الساعة كم!
sleepyti.me
لازم تدو روحكم ربع ساعة اقل شي عشان تخشوا في النوم فنومو قبل الزمن بي ربع ساعة..
sleepyti.me
لازم تدو روحكم ربع ساعة اقل شي عشان تخشوا في النوم فنومو قبل الزمن بي ربع ساعة..
المهم، أول ما نخش في النوم بندخل في حاجة اسمها Non-REM sleep. ودا بيكون لينا ٧٥% من كل دورة نوم. وفيهو بيكون في ٢٠-٤٠ دقيقة من النوم العميق.
وفي الفترة دي، اعضائك بتكون في حالة ترميم وهرموناتك بتبدا تُفرز (خلي بالك الهرمونات دي ما بتحب السهر وبتبدا تكب من ١٠ مسا لحدي ٢ صباحا)..
وفي الفترة دي، اعضائك بتكون في حالة ترميم وهرموناتك بتبدا تُفرز (خلي بالك الهرمونات دي ما بتحب السهر وبتبدا تكب من ١٠ مسا لحدي ٢ صباحا)..
بعد كدا بتقل بي صورة كبيرة وحتى لو نمت ٢٠ ساعة بعد 2 صباحا ما حتاخد نفس الفايدة لانه الهرمونات هي العامل الاهم في العمليات دي..
نجي تاني للمزاج والاخلاق، لمن ما تنوم كويس، اليوم كلو بتكون اخلاقك ضيقة وقرفان.
نجي تاني للمزاج والاخلاق، لمن ما تنوم كويس، اليوم كلو بتكون اخلاقك ضيقة وقرفان.
لانه الهرمونات بتاعت الظرافة والسعادة ناس السيروتينين والدوبامين ديل ما شغالين كويس.
نجي للنوم العميق، ودا هو أصعب وقت ممكن نصحى فيهو. لو في زول صحاك في الفترة المهمة دي، حتحس انك تعبان اليوم كلو وزهجان عشان كدا اعملو موضوع الدورات القلتو.
نجي للنوم العميق، ودا هو أصعب وقت ممكن نصحى فيهو. لو في زول صحاك في الفترة المهمة دي، حتحس انك تعبان اليوم كلو وزهجان عشان كدا اعملو موضوع الدورات القلتو.
REM sleep مسئول عن ٢٥% من اي دورة نوم. وهنا احنا بنبدا نحلم و بيبدأ تصليح المخ وترسيخ المعلومات.. عشان كدا القيلولة كويسة قلنا، عشان بتخليك تثبت المعلومات في الذاكرة طويلة المدي..
دراسات كتيرة اتكلمت عن آثار عدم النوم على المخ والذاكرة وانه برضو بيخلينا aggressively. وانه لو واصلت يوم كامل، تاثير عدم النوم عليك في السواقة هو نفس تأثير الكحول لو كنت واقف قنا..
غير انه اثبتت الدراسات انه بيزيد فرص الاصابة بالزهايمر و امراض القلب والسرطان وغيره..
غير انه اثبتت الدراسات انه بيزيد فرص الاصابة بالزهايمر و امراض القلب والسرطان وغيره..
ولقوا نسبة كبيرة من المصابين عندهم عامل مشترك وهو انه ما كانو بينومو اكتر من ٦ ساعات في اليوم..
عدم النوم مرتبط برضو بي زيادة الوزن فلو عايزين تضعفوا، نوموا كويس برضو!! ولو عايز تعضل نوم كويس برضو!!
عدم النوم مرتبط برضو بي زيادة الوزن فلو عايزين تضعفوا، نوموا كويس برضو!! ولو عايز تعضل نوم كويس برضو!!
طيب يا عمرو احنا عارفين النوم مهم لكن ما قادرين ننوم نعمل شنو؟؟
طيب انا حوريكم انا عملت شنو قبل سنة تقريبا وعدلت نومي من وقتها الحمد لله..
طيب انا حوريكم انا عملت شنو قبل سنة تقريبا وعدلت نومي من وقتها الحمد لله..
١) اعملو طقس للنوم! مهم جدا الروتين دا لانه اول ما تبدا فيو مخك بيعرف انه وقت النوم جا وبيدخلك في المود طوالي.. ممكن يكون طقس الوم بتاعك انك تستحم وتلبس بيجامتك وتقرا ليك كتاب. ولا تعمل يوقا ولا سترتش ولا اي شي رايق وخفيف (ما تتحمس بالله)..
في طبعا نشاطات لازم ما تكون في طقس النوم بتاعنا زي انك ما تتريض قبل النوم بي ساعتين او اقل، لانه جسمك حيكون مسخن، ومخك حيكون فاير وحيكون صعب عليك تنوم بسرعة.
٢)ودي اهم خطوة! حافظ على مواعيد معينة وثابتة للنوم والصحيان..
٢)ودي اهم خطوة! حافظ على مواعيد معينة وثابتة للنوم والصحيان..
يعني ما لازم تنوم ١٠:٠٢ كل يوم مثلا وتصحي ٦:٥٥.. لكن مثلاً انا لازم انوم كل يوم قبل ١٢ واصحى قبل ٨.. بعداك عندي تطبيق بتاع منبه اسمه Sleep sycle apps.apple.com بصحيني في نهاية الدورة على حسب هي متين مابين ٧ ونص لي ٨ صباحا.
كونك تنوم وتصحى في وقت ثابت اثبتت الدراسات انه بزبط ساعتك الداخلية، وبي كدا حتى لو ساهرت يوم ما، لي مناسبة ولا آخر رمضان، حتقدر تعدل نومك سريع بدون ما تتعب.
٣) لو ما جاك نوم، ما تعاين في الساعة. لانه كل ما تعاين وتقول يا الله باقي لي 5 ساعات بس واصحى!، كدا بتتوتر زيادة وما حتقدر تنوم.. عشان كدا غطي الساعة وما تركز معاها..
٤) اعمل بيئة نوم مثالية: افضل شي بالنسبة لينا هو اننا ننوم في غرفة مضلممممة وهااادئة وبااااردة.
٤) اعمل بيئة نوم مثالية: افضل شي بالنسبة لينا هو اننا ننوم في غرفة مضلممممة وهااادئة وبااااردة.
وعشان كدا مع كل فوائد النوم القلناها دي، ما تستخسر انك تجيب ستائر حاجبة للضوء او البتاعة البتغطي العين لو ما عندك اوضة براك. وسدادات اذن برضو عشان لو المعاك مزعجين..
وشوف ليك مكيف كارب كدا بارد نوم تحتو، لانه كل ما كنت انت مرتاح جسدياً، كل ما نمت بشكل أفضل (شكيتكم على الله يا ناس الكهربا مالكم دايرين تخربوا علينا الترسيخ بتاع الذكريات؟)
٥) ودي مهمة شديد!! نهي تنكلوجيا كهي!! التلفون، التلفزيون، التاب الهناي، غير انه كلهم بياثروا على الميلاتونين ودرجة النعاس، استخدامكم للتلفون هو اكبر سبب لي موضوع انكم بتساهروا دا..
لانه اليوتيوب ما حيخلص، واللايف الفي انستا ما حينفعك، وشمار شكلة تويتر ممكن تلحقها بكرة.
لكن لو قعدت في التلفون من ١٠، فجاة حتعاين حتلقى الساعة بقت ٣ والهرمونات شطبت.
انا حرفيا الشي النفعني اني بعد ١٢ ما بمسك تلفوني وعندي تطبيق اسمه sleep town عازيني! apps.apple.com
لكن لو قعدت في التلفون من ١٠، فجاة حتعاين حتلقى الساعة بقت ٣ والهرمونات شطبت.
انا حرفيا الشي النفعني اني بعد ١٢ ما بمسك تلفوني وعندي تطبيق اسمه sleep town عازيني! apps.apple.com
ممكن برضو، تخلي تلفونك في غرفة تانية وصدقني عدم موضوع ساي حتنوم! لكن لو تلفونك جبنك وخشيت ترد على رسالة واحدة بس، حتسمع اذان الصبح بعد شوية!!
فاااا بس التزموا بالخطوات دي وما حتكون عندكم عوجة.. اهتموا بالنوم وعاملوهو كانه أولوية ما حاجة تكسرو حنكها كل ما تلقو ليكم شي تاني. وحتحصدوا نتائج الالتزام دا كل يوم بي احساسكم بالنشاط والمزاج الرايق والذاكرة الميانة والخصر المنحوت.. وبي انه ان شاء الله، لا زهايمر لا اي مرض مزمن.
وبس في امان الله..
ما تنسوا الريتويت عشان الحينوم بسببك دا حيدعي ليك..🤲🏽🤲🏽
ما تنسوا الريتويت عشان الحينوم بسببك دا حيدعي ليك..🤲🏽🤲🏽
جاري تحميل الاقتراحات...