يا جماعه صارت لي سالفه قبل شوي وودي اقولها لكم .. سالفه تذكرت فيها شريط مراهقتي اللي ما صار فيها اي شي يمت للمراهقه بأي صله .. يمكن السالفه تاخذ نص ساعه او يمكن خمس دقايق على حسب اختصااااري .
على الساعه ٣ قلت ابغى امشي على رجولي واحاول اصفي ذهني ومنها انا من الناس اللي ينبسط اذا راح يمشي، المهم وصلت حي الغدير وجاء وقت الصلاه وقلت خلاص بدخل هذا المسجد وبصلي وانا وقتها شايل هم رجعتي قلت لازم اوبر الوضع ما ينفع .. وننتظر الامام اللي طوّل الله يهديه .
يخرب بيت الحماس اصبروا لا توتروني .
جاء الامام وبعد ما خلصنا الصلاه ألتفت طبعا ولما شفت وجهه قلت هالوجه مر علي بس مين ؟؟؟ وطبعا هو يناظر فيني ويسبّح قلت يا احمد تعوذ من ابليس انت ماتعرف ولا مطوّع في حياتك .. وبعد ماتعوذت من ابليس وطلعت الا الامام يطلع وراي ويقول احمد ؟ طبعا الى الان انا مدري مين .
ويسلم علي عن بعد وقلت انت مين ؟ قال انا مشعل الفلاني ، من الصدمه انا قلت له تعقب ههههههه اسف على وقاحتي بس مستحيل يكون ذاك الشخص مع انه هو اللي كنت مشبّه عليه ، من الصدمه سلمت عليه والله يستر بعد ١٤ يوم .. المهممممممم خنكمل
مشعل لما كنا بالثانوي كان مشروع مطلوب امني بـ ١٨ قضيه جنائيه ، كان مندفع متسرع ما عنده مسؤوليه واحياناً يكون غبي .. وكنت دايم انصحه وتنتهي نصايحي اذا قالي احمد ماودك ... بس ؟ اوكي اسف كمل سربته . المهممممم
يوم وصلنا ثالث ثانوي وبعد ما شفته بعد الصيفيه ، الرجال تغييير ١٨٠ درجه ، والله انه كان هلالي متعصب وغثيث وفجاه صار عادي عنده الزعيم خسر او فاز ، وصار انسان دايم ساكت ومنعزل ويكتب بالدفتر قصايد وحتى المدرسين منصدمين منه ما يدرون وش فيه ووش تغير .. ماعلينااا
وبعد فتره وفي لحظة ضعف اعترف لي انه حب بنت خالته ، قلت كيف ووش صار وترا الحب لعبه لا تصير انت خبل زي العيال ورجع يقولي احمد ماودك ... بس ؟ قلت ولا يهمك كمل .. من كثر ما حبها تغير فيه كل شي ، حتى اصدقاه الدشير سحب عليهم وصار عااااقل وربي بشكل ما يقدر يتخيله الانسان . المهممم
دخلنا الجامعه سوا وكل شوي كان يتكلم عنها ويفضفض ، ومن زود ان حظه تبن ابوه وابو البنت تهاوشوا على ارض وسائت احوال العايلتين لدرجة حتى اللي يحبها قلبت عليه وتقول انت بتصير مثل ابوك مالك امان وصارت مشاكل كثيييير وبعدها على ثالث ترم غير تخصصه وبعدها انقطعنا تقريبا ٤ شهور .
وبعدها اتصلت عليه وكنت اعايده الظاهر او شي ناسسسي .. وسألته قال خلاص انا وياها تركنا واقول ليش وما ليش وقال خلاص .. المهم سكتت وانقطعنا عن بعض سنوات طوووويله ما ادري عنه وكان واحد من العيال واليوم شفته وانهبلت قلت ياخي سبحان الله يهدي من يشاء .. عاد انا بجيح وقلت له . يتبع
قلت له من ورا التريلات هاه بشر تزوجت ؟ قال ايه ابشرك تزوجت وعندي الحين نوف ، حسيت اني ماوصلت للي ابغاه وقلت له وكيف ام نوف عساها ماليه حياتك ؟ قال هذي نجلاء قلت ونعم بس نجلاء مين ؟ قال شكلك نسيييت قلت اوووووه ماشالله كيف كذا اذكر قلت افترقتوا قال يارجال قصه طوووويله
قال اقلط وعشان تعلمني وش صار عليك قلت يخوي خلني انا على جنب، كيف تزوجتوا ؟ قال انا كنت ادعي ان الله يسخر لي ويهون علي كل صعب ، وهذي كانت دعواتي كل هالسنين .. وسبحان الله الاهل تراضوا والشيبان انحلت امورهم وزوجونا عشان يكتمل الرضا حتى ما يدرون اني انا ابيها او هي تبيني .
وعاد القهر يوم سالني وش صار عليك قعدت اناظر شوي قلت والله ابد النصر جاب كم دوري والامور طيبه < حياه بائسه .. وبس عاد رحت لبيتنا مشي من الشي اللي انا شفته وهذا علمي وسلامتكم .
@__m1955 تحسفت على كلمة تعقب بس طالعه من قلبي .
جاري تحميل الاقتراحات...