🛑 فوق الخمسين
دي انا بعد ما حبيت قوي وصاحبت جدا وكرهت موت... بعد ما حزنت بحرقه وضحكت بهستيريا
بعد ما اتزنقت في الفلوس .. وبعزقتها
بعد ما وافقت بضعف ورفضت بقسوه
بعد ما اتنصفت واتغريت .. واتظلمت ولبست فىً الحيط
فوق الخمسين
اكتشفت ان السعاده موجوده في الحاجات العاديه ⏬

الابتسامه.والهدوء.النوم بدري ونسيم الفجر وصوت الراديو ..والفرحه والسعادة في عيون حبايبنا
فوق الخمسين
اكتشفت السعاده موجوده في العلاقات العاديه.الخروجات العاديه.مع الناس العاديين اللي بحس معاهم باحاسيس عاديه.وكلامنا مع بعض بيبقى عادي لا متزوق ولا فيه وعود ناريه وتصريحات عنتريه ⏬

فوق الخمسين
مابقتش بنبهر بالناس الوااااو
انا كمان بطلت احاول اكون سوبر وااااو
ارتحت جدا لما اتصالحت مع فكرة اني شخص عادي و زميل عادي و صاحب عادي مانا عادي اهوه
فوق الخمسين
فكرت بيني وبين نفسي واتفقت معاها اني مش لازم اكون الاول ولا الاشيك ولا الاهم ولا الاظرف بس اكون الأحن.⏬

فوق الخمسين
اقتنعت ان اكبر نعم ربنا على الانسان انه يعيش حياه عاديه هاديه ومستقره
العادي طلع نعمه كبيره اوي ماكناش واخدين بالنا منها
فوق الخمسين
نظرتى لكورونا و خطورتها بقت قدر الله و ما شاء فعل و اللى عاوزه ربنا حيكون
هي لستة اسامي ده معادها ماحدش هيقدر يعمل حاجه
راقت لى