طيب انا اتسألت السؤال بتاع طريق انجلترا افضل و لا امريكا دا كتير .. و بما انى مشيت فى السكتين فحاول اوضح الفرق بينهم
مبدأيا لازم تحدد من البداية رغبتك فى السفر اكيدة و لأ عشان متبذلش مجهود و بعدين تقف فى النص .. ثانيا لازم تحدد هدفك من السفر هل هو lifestyle تعليم فلوس؟ .. ثالثا و دى لازم تكون عقلانى فيها و هى قدرتك على المذاكرة و التحصيل و امكانياتك المالية اد ايه ..
النقطة التانية و التالتة هيشورولك على الطريق اللى يناسبك .. نبدأ بامريكا و دى عشان تمارس الطب فيها محتاج 3 امتحانات usmle step1, step 2 ck, step 2 cs .. و دول بعد ما بتخلصهم بيبقى اسمك ECFMG cerified و بكدا تقدر تقدم على ال matching حاجة زى حركة نيابات
كل واحد بيقدم على programs اد ما يقدر .. و بعدين بيجيله مقابلات على حسب قوة ال application بتاعه من scores, research, electives و جوابات توصية .. بعدين فى شهر 3 من كل سنة بيتبعتله نتيجة الmatching .. هل تم قبوله فى برنامج نيابة و لا لأ
ايه مشكلتها؟ .. ال usmle تعتبر اصعب الامتحانات الطبية فى العالم .. متوسط زمن الامتحان الواحد فيها 8 ساعات .. تحضير step 1 بياخد متوسط 9 شهور و step 2 6-7 شهور .. غير نوعية المعلومات و الاسئلة فهى صعبة جدا فى التحضير و بتحتاج مجهود متواصل و لفترة طويلة
و بعيدا عن الامتحانات .. فانت محتاج تقوى الapplication عن طريق ال research electives .. غير ان فترة الmatching بتبقى صعبة و بتحتاج تسافر كتير من ولاية لولاية حسب المقابلات .. فتكلفة الامتحانات و الelectives و الmatching بتبقى عالية جدا
للاسف لو متقبلتش بتضطر تستنى للسنة اللى بعدها .. لو اتقبلت بتبدأ برنامج النيابة فى شهر 7 .. و الى حد كبير بتضمن مستوى تعليمى و تدريبى عالى و lifestyle محترم فيما بعد
بالنسبة لانجلترا فالدنيا اسهل نسبيا .. انت محتاج تعمل ielts او oet .. بعدها تقدر تقدم لامتحان الplab .. و دا جزئين الاول بياخد متوسط شهرين ل 3 و التانى شهرين .. و هما اسهل بكتير جدا مقارنة بالusmle .. بعدها بتقدم على GMC registration اللى هو زى تصريح مزاولة مهنة
بعدها بتبدأ تقدم على وظايف .. بس خد بالك الوظايف نوعين service job و training job .. بطبيعة الحال انت بتقدم على service job فى البداية و نسبة قبولك بتعتمد بشكل كبير على خبرتك فى التخصص دا .. و دى بتعتبر مرحلة مؤقتة بتتعرف فيها على نظام الNHS
و بتجهز فيها نفسك عشان تقدم على training job اللى هى برنامج نيابة فيما بعد عشان تخلصه و توصل لمستوى ال consultant
امريكا بتحتاج مجهود و فلوس اكتر بكتير من انجلترا .. برامج النيابة و مستوى التعليم افضل فى امريكا .. الفلوس على المدى البعيد افضل فى امريكا .. الحياة حسيتها افضل فى انجلترا معرفش ليه الصراحة .. بس فرق التوقيت و المسافة بين مصر بيفرق برضه
@Ftiima_79 معنديش معلومات آوى .. اللى فاكره انك لازم توصلى لمستوى b2 او c1 و بعدين تمتحنى امتحان مزاولة المهنة هناك و بعدها بتقدمى على وظايف .. بس احسن طبعا تسألى حد يكون فى المانيا
جاري تحميل الاقتراحات...