عشان في كم زول سألوني من العنايه حقت الصبار حديكم ال tips البعملها للصبار حقي 😅
هي دي تجربتي وانا زارعاه لي 3 سنين تقريباً
هي دي تجربتي وانا زارعاه لي 3 سنين تقريباً
اول شي انا زارعاه في تربه قريره "نوعا ما تصريفها كويس" لكن الاحسن تتزرع في نص رمله نص طين بحر والاصيص يكون حجمو مناسب للزرعه
احسن اصايص للزرعات اصايص الفخار وبعدها البلاستك حتى السيراميك والخزف حتى اخر شي الاسمنت
الفخار اول شي بيمتص المويه الزايده + بيخلي الجذور تتهوى وبارد على النبته وما بسخن شديد فهو انسب خيار للزراعه بعد الارض طبعا
علب الصلصه وحاجات الحديد عامله ما كويسه لانها بتصدي وبتقتل الزرعه
الفخار اول شي بيمتص المويه الزايده + بيخلي الجذور تتهوى وبارد على النبته وما بسخن شديد فهو انسب خيار للزراعه بعد الارض طبعا
علب الصلصه وحاجات الحديد عامله ما كويسه لانها بتصدي وبتقتل الزرعه
لو جبت زرعه جديده من المشتل خليها في الكيس يومين تلاته في الحته الحتزرعهت فيها على بال تتعود على الجو كويس وبعدها ازرعها عشان ما تجيها صدمه
احسن شي تختها في ظل تحت شجره /عريشه فاتحه/ او حته ما بتجيها شمس كتير ساعتين تلاته بالكتير
او جوه البيت بس في حته جمب شباك وتكون تهويتها كويسه شديد والضوء ممتاز بدون شمس
او جوه البيت بس في حته جمب شباك وتكون تهويتها كويسه شديد والضوء ممتاز بدون شمس
السقايه تكون بعد التربه تجف ، وما تغرقها شديد لما المويه تطفح ، ولا ترشها ساي لانها ما بتحب العطش والجل الجواها بيقل معاه
فاحسن شي كل يومين تلاته "او حسب التربه بتجف بعد كم ، ودايما اعمل البتشوف زرعتك محتاجه ليهو " او حسب الجو ، الصيف حتسقي اكتر من الشتاء طبعا
فاحسن شي كل يومين تلاته "او حسب التربه بتجف بعد كم ، ودايما اعمل البتشوف زرعتك محتاجه ليهو " او حسب الجو ، الصيف حتسقي اكتر من الشتاء طبعا
كل شهر بقلب التربه وبسمدها ب npk ، مرات بخمر قشر الموز بمويه في كرستاله يوم يومين واخففو واسقي بيهو ، مرات قشر بيض
واسي عندي قشر بيض"كالسيوم" وقشر موز "بوتاسيوم" منشفاه ومسحونين كلهم لما اقلب التربه المره الجاييه حخلطها معاه
واسي عندي قشر بيض"كالسيوم" وقشر موز "بوتاسيوم" منشفاه ومسحونين كلهم لما اقلب التربه المره الجاييه حخلطها معاه
بيقولو برضو بواقي الشاي الحب وبواقي البن كويسه برضو بس ما تكترو منهم
اذا حسيتو الزرعه بقت بنيه وناشفه كدا غالبا حتكون عطشانه ، او شمس شديد عليها
ومرات بتتدلع ساي 😑 نفسيات الزرع اكتر من نفسيات البنات
اصبرو عليهو ما بموت بالساهل الصبار دا
ومرات بتتدلع ساي 😑 نفسيات الزرع اكتر من نفسيات البنات
اصبرو عليهو ما بموت بالساهل الصبار دا
ديل كلهم كانو في اصيص في الحوش داقاهم شمس وعطشانين وناشفين ولونهم بني ، شلتهم زرعتهم في الجرادل دي واسي ماشاء الله عليهم مفرهدين وزادو كتير شديد ، مرات برضو الشفع بيقطعو ويرمو الصباره وتموت ، بزرعها بتقوم تاني
في خِلف صغيره بتقوم جمب الام لما تكبر شويه ، خلوها شويه يكبرو معاها وبعدها افصلوها عشان الام تكبر كويس وهم كمان ، وعشان ما تزحم ليك الاصيص برضو
ولو فصلتهم منها وطلعت معاك بدون جذور عادي ازرعها بتقوم برضو "قبل تفصلوهم اسقو الشتله كويييس عشان يطلعو معاك بالساهل"
ولو فصلتهم منها وطلعت معاك بدون جذور عادي ازرعها بتقوم برضو "قبل تفصلوهم اسقو الشتله كويييس عشان يطلعو معاك بالساهل"
ما تستعجلو عليها تكبر اهم شي ، وما تراقبوها شديد كدا ما حتلاحظو ليها وهي بتكبر ، اتونسو معاها افتحو اغاني او قران اشربو الشاي جمبها وكدا ، الزرعات عندهم احساس وبحسو بالجو حولهم بزعلو معاك وبيفرهدو بفرحك كمان
انا ايام ال off ثابت بشرب الشاي جمبهم وبفتح اغاني واسقيهم واتكلم معاهم
انا ايام ال off ثابت بشرب الشاي جمبهم وبفتح اغاني واسقيهم واتكلم معاهم
اهم شي الصبر روالحب والاهتمام كويس ، في سنه ممكن تبقى ليك بحجم حلو بس اهم شي تصبر ، وبرضو لو جبت واحده فروعها كتير ما تقطع اكتر من 3 في المره الواحده عشان ما تخش في صدمه وتبقى بنيه ويمكن تموت
في الاخر دي خلاصه تجاربي معاه ، وانا بحبو شديد ودي اول زرعه زرعتها وزبطت معاي 💜
لو غلطت في حاجه عدلوني ولو في اي سؤال ممكن تقولوه عادي
وازرعو يخوانا الزراعه بتدخل فيك البهجه وبتبعدك من التنشنه وجو ال stress عامه 💜
لو غلطت في حاجه عدلوني ولو في اي سؤال ممكن تقولوه عادي
وازرعو يخوانا الزراعه بتدخل فيك البهجه وبتبعدك من التنشنه وجو ال stress عامه 💜
جاري تحميل الاقتراحات...