رتبها

هنا بشرح لكم فكرة العمل بتفاصيل قد تهمكم وانشاءالله تستفيدون🌱

اولاً وصلتني هذي القطعه
و صاحبة القطعه كانت تبغى ارسم لها بفكره مشابهه للوحه
اول سؤال سألتها وين بتكون، جاوبت غرفة نوم، رفضت تصميم الالوان لانه مو مريح للعين و مايناسب المكان🌱

ثاياً شفت ان مساحة الطاوله كبيره
و حجمها كبير
اول شي فكرت فيه اني اتجه لالوان غامقه مو فاتحه
قبل ما افكر في التصميم قررت الوان غامقه نسبياً

الغرفه ابيض في ابيض
ف فكرت بتصميم لطيف و بسيط مليء بالحياة
ورد و عصافير ✨🕊
بعدها قررت الالوان الاساسيه تكون زيتي و ازرق

لما قررت التصميم و اخترت الالوان حسب الحجم اللي شفته و حسب الوان الغرفه اللي بينحط فيها العمل
رحت لمحل بويات و اخذت واحد من الادراج، عشان انا ماعندي خبره في البويه
سألته اي نوع بويه مناسب ( زيتي او بلاستيك) قالي زيتي عالخشب
شاف نوعية الخشب وقالي ما يحتاج صنفره🌱

وقتها اخترت الوان من نوع بويه زيتيه
و اخترت الالوان تكون مطفيه من غير لمعه
اخذت ورنيش بلمعه عشان استخدمه في الاعلى يعطي منظر زجاجي
الاجناب و الوجه اخذت له شي ربع لمعه
الورنيش العادي استخدمت معاه تنر
الورنيش الحريري استخدمت معاه تنر خاص فيه

بديت اشتغل اول شي بالادراج
رسمت المعينات بقياس واحد على كل الادراج بالتساوي
لان حجمها صغير و دقيق استخدمت فرشه للرسم مسطحه عشان تخدمني في الزوايا🌱

بعدها استخدمت لون ذهبي
يعطي حياة شوي بدل الصمت😂
لما نشفت تماماً
بعد ٢٤ ساعه استخدمت لها طبقة الحمايه
وتركتها ٢٤ ساعه
و بعدها حطيت طبقة الحمايه وجه ثاني

قبل احط طبقة الحمايه مسحت الخطوط اللي بالقلم الرصاص

بعدها استخدمت الرول
لان المساحه كبيره و ارتب لي من اني استخدم فرشه🌱
خلطت مع البويه (تنر ) لان اللون ثقيل و بالتنر يكون سلس و مرتب
طبقه وحده و استنيتها تنشف ٢٤ ساعه
بعدها سويت طبقه ثانيه