١- #مريخ_الحمل : من المتعارف بأن برج الحمل يحمل طابع النشاط و الإندفاع ، فماذا لو وقع فيه المريخ ؟ .. هنا سيكون أكثر إندفاعية و اكثر نشاط يحب الرياضات العنيفة أو التي يغلب عليها الحركة ، صاحب مريخ الحمل سيكون شخص عصبي جداً ، سهل أن ينجذب جنسياً لأي شخص يُعجب به.
٢- #المريخ في البيت الأول : عادةً يحمل من صفات صاحب البيت الأول و هو الحمل ، اندفاعي ، رياضي بإمتياز .. طموح جداً حتى أنه من الممكن أن يكون شرس مع الناس المحبطين له ولا يسمح لأحد أن يأخذ القرار عنه ، يرى في نفسه القوة و أنه لا يحتاج إلى أحد.
٣- #مريخ_الثور : عنيد جداً ، صعب الإستفزاز ، غضبه مكتوم و لكن ما أن اتاحت له الفرصة حتى يرد الفعل الذي اغاضه ، كونه ترابي من الممكن ألا يكون عجول بردود افعاله و يحب الرياضات التي تعتمد على الهدوء مثل اليوغا.
٤- #المريخ في البيت الثاني : وجود في بيت المال يجعل صاحب هذا المريخ مسرف بالمال ولا يعرف الإدخار ، حساس بما يختص بهذا البيت .. أي أنه لا يحب النصائح من ناحية المال أو أنه يتوتر اكثر حين لا يمتلك المال.
٥- #مريخ_الجوزاء : أكثر مريخ يحيرك كيف يعصب و غير متنبأ بردات فعله ، مرات تلاقيه مو مهتم و مرات تشوفه مفرط العصبية لدرجة تحسه قنبلة موقوتة .. غالباً يكون صاحب هالموقع مشتت و ما يعرف ايش يبي بالضبط بس رياضياً تلاقون صاحب هالموقع لو كان رياضي ممكن يكون شاطر بأكثر من رياضة.
٦- #المريخ في البيت الثالث : إنسان اجتماعي و متعارف عليه في مجتمعه انه انسان حماسي و نشيط و فعال و تلاقونه هو اللي يشجع اللي حوله ينجزون بس بعد متعارف عليه بمجتمعه انه انسان عصبي و حنان شوي و بعد تلاحظون اكثر عصبيته على اخوانه و دايم مرتفع ضغطه منهم 😂♥️
٧- #مريخ_السرطان : حساااااس جداً ردة فعله لما يزعل او يعصب انه يتقوقع على نفسه و ممكن حتى يبكي سواء قدام الناس ولا بينه و بين نفسه مرات ما يسيطر على مشاعره يبان عليه كل شعور و غالباً يكون مضاعف و من الناس اللي يسوي من الحبة قبة يا حلوكم يا مراريخ السرطان لا تزعلون مني😂♥️.
٨- #المريخ في البيت الرابع : هذا اللي يدافع عن امه و ابوه و يأخذ حقهم من عيون أي أحد يزعلهم ، تعرفون اللي تقولون عنه كفو هذا كفو يبرد خاطر اهله دايم ما يسمح لأي أحد مين ما كان يزعلهم ، حنووون عليهم و عصبي عليهم بنفس الوقت يعني ينقهر مثلاً اذا شافهم مفرطين بالطيبه او مهملين لصحتهم
٩- #مريخ_الأسد : سيد المراريخ الأخ هنا جربوا تدوسون له على طرف شوفوا وش يصير 😂 ، هيبة هيبة هيبة يا جماعة تحسون تخافون منه بمجرد يعطي نظرة ، ممكن يحب الرياضة بس مرات يمارسها عشان يكشخ فيها من باب شوفوني رياضي🌝.
١٠- #المريخ في البيت الخامس : هذا لا تحطون عنده الأطفال و تتأخرون عليه ، بيولع فيكم أنتو و أطفالكم 😂 ، طيوب صحيح لكن ما يحب المسؤولية كثير ، بالحب تلاقوه مندفع جداً للحبيب ما يقدر يفارقه و بنفس الوقت لو هو مو عصبي اصلاً و مو من طبعه بس تلاقونه يبين العصبية عند الشخص اللي يحبه.
١١- #مريخ_العذراء : هذا اكثر موقع للعذراء متخلي عن المجاملات ، سليط اللسان ، متحكم ، متذمر ، ما يعجبه العجب و يصير وضعية الجدة الحنانه في البيت .. رياضياً ما أحس له خلق الرياضة و لكن يتأزم لو طلع له كرش أو ترهل جسمه 🤷🏻♀️.
١٢- #المريخ في البيت السادس : الشخص اللي يخمن ايش نوع مرضه و يلطش له علاج من راسه عشان ماله خلق يروح للطبيب ! و بنفس الوقت تلاقون اللي حوله يحاتونه لما يعصب لان غالباً يطلع على هيئة تعب بجسمه إما إرهاق أو رعاف بالأنف أو حتى تلاقونه من فرط العصبية جسمه يرجف من الضغط🤦🏻♀️.
بعد زيادة على هالشيء لو موظف بتلاقون الموظفين حذرين بالتعامل معه لانه يشخصن المواضيع شوي ، ولو مدير فالله يعينكم 😂.
١٣- #مريخ_الميزان : هذا زيه زي اخوه الجوزاء بس ايش الجوزاء ع الأقل حتى لو ما عرف لنفسه يقرر حتى لو القرار غلط ، اما الميزان تلاقونه يعصب مو بس من الناس تلاقونه يعصب من نفسه انه ليه لسه محتار ما يدري وش يقرر !! كتوم كتوم ومنغلق و يحس محد يفهمه و يزعل اذا احد فسر عصبيته بشكل ثاني.
١٤- #المريخ في البيت السابع : هذا اللي يقول لأهله اخطبوا لي و اذا خطبوا له قال لا لا خلاص مابي اتزوج و هو نفسه اللي يقول لأصحابه أنا حبيت و قررت ان هذا هو الشخص الصح بعدين يقول لا احس ماني متأكد ، و في العقود لو المدة اللي يعطوها له اسبوع عشان يوقع تلاقونه يأخذ شهر عشان يوقع😂.
١٥- #مريخ_العقرب : يا لبييييه معليش اسمحوا لي بتحيز له شويتين ، اشي فخامة اشي هيبة اشي جاذبية ، الشخص اللي محد يقدر يقاومه ، ثقيييل حتى بردود افعاله ما يسمح لأحد يتصيد عليه بوقت عصبيته ، يحسبها صح و يرد الحركة بس بذكااااء 😌.
١٦- #المريخ في البيت الثامن : هذا اللي يقولون عنه اهله زوجوه ، لو بنت تلاقونها بارزه معالمها من بدري و لو ولد نفس الشيء ، تفكيرهم لا إرادي يوديهم لهناك ، عرفتوا وين ؟ 😂 ، عصبيتهم كبريييت بس مرات تحسونهم يصيرون زي العقارب يكتمون لين يردون الحركة.
١٧- #مريخ_القوس: رياضي بإمتياز ، جسمه مرن ، مشاكس كثير ، يحب ينشر طاقته و نشاطه للي حوله ، وجوده تحسونه زي وجود الطفل الحركي يبي يسوي كذا و يلعب بهذا و ينطط فوق هذا و يجرب هذا ، طيوووب و عفوي و مرات ينفهم غلط من قوة عفويته.
١٨- #المريخ في البيت التاسع : يحب يحب يحب السفر ما يفرغ طاقته الا بالسفر ولو ما اتاحت له الفرصة يسافر لازم يحرك رجوله المهم يتحرك ، بالجنس يفضل الأجانب اكثر ، و يحارب و يدافع عن معتقداته في هالبيت تلاقون الشخص يتحيز لدينه و لمعتقداته ما يسمح لأحد يناقشه بهالمجال.
١٩- #مريخ_الجدي : سادي عموماً 🙂 ، بس ما يبان عليه ، فيه خبث فضيع بس يعرف يخبيه عشان ما تخافون منه ، هذا اللي يخليك تغلط و تغلط و تغلط بس بعدين تجيك الضربة القاضية .. الصدق اكثر موقع ينخاف منه ، هذا اللي نظامه من تحت لتحت بالإنتقام اللي يبتسم بوجهك و هو يدور فرصة يرد لك حركتك.
٢٠- #المريخ في البيت العاشر : اممم هنا يحارب الدنيا كلها عشان يوصل لطموحه ، يحاول بيدينه و رجوله يوصل لهدفه و ما يعطيك مجال تقرر عنه لان اصلاً ما يسمح لأي احد يقرر عنه بخصوص مستقبله ، نشيط بمكان العمل و بمكان الدراسة يحب يصرخ و يلقي اوامر و يتنرفز من الناس الكسولة اللي بس تحلم.
٢١- #مريخ_الدلو : ذولي نادرين مدري ليه ما أحسهم موجودين بكثرة زي الباقي ، ردود افعالهم يغلبها التطنيش و الدبلوماسية بوقت الغضب يحكم عقله لكن لو فكر و جاته حيرة الهوائيين يصير ألعن منه مافي ، هذا اللي يخليك تعصب و تهاوشه و هو سااااكت يفكر بأي وجه حق تعصب انت اصلاً من انت ؟ 💅🏼😂
٢٢- #المريخ في البيت الحادي عشر : هذا منفلت على اصحابه ما يحب يجلس في البيت يمشي و يعزم اصدقائه انهم يطلعون مع بعض ولو ما عنده اصدقاء تلاقونه بقروبات الشغل يتحمس و يسولف مع هذا و هذا ، لطيييف بس لو ما خلص الشغل بدري تلاقونه يقلب و يصير انتقادي انكم ما تنجزون.
٢٣- #مريخ_الحوت : هذا ينعزل انعزال تام وقت الغضب يخاف على الناس من نفسه اصلاً و اكثر شخص يسامح بوقت العصبيه و يتركك و حليم معك ، الشخص اللي يؤمن بأن الكارما بتجلدك بدل ما هو يجي يجلدك و يتعب نفسه.
٢٤- اخيراً #المريخ في البيت الثاني عشر : موقعه مخيف تحسه يفهم نقاط ضعفك لو عصبت يدرسك و يقعد يفكر و يحلل كثير و بالتالي إما يتركك و يسامحك أو يتحول لعدوك ، سوداوي ، يحب الظلام ، رياضياً ممكن يميل لليوغا اكثر أو لرفع الأثقال او الملاكمة مافي وسط 👀.
@_2892000 عاد المراريخ المائية تحديداً تخوف لو كانت بال١٢ 😭😭
جاري تحميل الاقتراحات...