السلام عليكم .. بدردش شوي عن #القيمة_المضافة واثرها على #الراتب بعد الغاء #بدل_غلاء_المعيشة.
صحيح بنتأثر شوي وهذا شيء طبيعي وقانون دنيوي، لكن السؤال الاهم هل فعلا الالف ريال حق بدل غلاء المعيشة راح يعيشنا في فقر؟ طيب هل راح يعيشنا في غنى؟ لا ! صحيح انه يفرق لكن تأثيره بسيط جدًا.

طيب نجي عند #القيمةالمضافة. و انا عارف انها مو بسيطة وبعطيكم خيارات تخفف من أثرها باذن الله.
١- بدال سلع *الفشخرة* ممكن نحصل سلع نفس الجودة وبسعر اقل بكثير.
٢- بدال المطاعم *الكذابة* اللي يحط لك برجر ب١٠٠، خذ برجر ب٤٠ او ب٢٠!
وامثلة كثير جدًا جدًا لكن المغزى هو (اعرف وش تشتري)

ولا تنسون، هالضريبة #القيمه_المضافه اللي ندفعها وين بتروح فلوسها؟ بترجع لي ولك ولاهلي ولاهلك من خلال توفير بيئة صحية تضمن باذن الله انها تحمينا من الكورونا وتعالجنا برضو.
ولا احد يفكر ان الشفاء من كورونا بيتم في شهر ولا شهرين. ابدا ! اثارها بتستمر سنوات لان المبالغ .....

لان المبالغ اللي اندفعت وبتدفع للحد من اثار الكورونا تتضاعف وتكبر كل يوم.
#القيمه_المضافه صحيح تأثر فينا لكن بالحنكة والتفكير ومعرفة انت ايش تحتاج و ايش ما تحتاج بتقدر توفرها و #الراتب ما يتأثر تأثر كبير حتى مع عدم وجود #بدل_غلاء_المعيشة.

يعني متخيلين في كم شهر بس الدولة دفعت تقريبا ٢٠٠ مليار ريال! ٢٠٠ مليار ريال بس عشان الصحة و تعويض رواتب المواطنين في القطاع الخاص اللي نقصت رواتبهم بسبب جشع القطاع الخاص! بالله عليكم شفتوا دولة تعطيك راتب وانت جالس ٣شهور بدون شغل؟ وفوق هذا، حتى القطاع الخاص يندعم! #القيمه_المضافه