رتبها

ناوي تغير ديكور غرفتك ومحتار بالألوان؟🤔
جهز قهوتك وتعال بناخذك بجولة أنا و @ystudio_sa بثنائيات لونية قوية لديكور غرفتك أو أي غرفة تبي ✨
صب لي واياك وخلنا نبدأ ☕️

قبل ما نبدأ حط ببالك كم شغلة:
١. الإضاءة بتلعب دور بالاختيار💡
٢. التنسيق بين العناصر له دور 🖼
٣. الألوان من اختيار عدد من المتخصصين👨🏻‍🎨
فعشان تطلع بنتيجة حلوة لازم تراعي النقاط فوق مررة كويس 😊

1. اللون الزهري والتيفاني:
يعتقد الكثير من الناس خصوصا في ثقافتنا المحلية أن اللون الزهري مخصص للفتيات، بينما في الواقع هو لون تجريدي ويختلف معناه حسب استخدامك له، التوليفة هذه تُسمى " توليفة الشواطئ " .
من الممكن أن تضعها كركن في بيتك 😍

2. اللون الاصفر والبنفسجي:
يعتبر اللون البنفسجي من الألوان الهادئة ومن الألوان اللي دلالاتها قوية حيل، فأحيانا يرمز للإبداع، وأحيانا للفخامة في بريطانيا بس انه لون صامت ✨
طيب والحل؟
اكسر بلون حيوي مثل الأصفر وممكن تدخل عليه كم لون ثاني وتطلع بنتايج حلوة 😍

3. برتقالي وازرق:
لا تقولي عصير راني اوكي؟🌚
المهم يقولك يا طويل العمر إذا ودك تسافر لاسبانيا أو المغرب وانت ببيتك استعمل هاللونين، اللون الأزرق من الألوان الباردة وانك تكسره بلون حار مثل البرتقالي يعطيك احساس الغروب على البحر🌅

4. لون الزيتون والبرقوق:
أو نقدر نقول زيتي وعنابي بس لازم نكشخ شوي 🤣
الزبدة يقولك هذي اللونين يتصادمون مع بعض أصلا في عجلة الألوان وهالشي يخليهم متناسقين بشكل أكبر من غيرهم، دايم هاللونين تستخدم في الغرف الفخمة واللي تملي العين بأثاث بسيط لأن الزيتي يملي العين✨

5. الفيروزي والأحمر:
ونقول يا هلا بالفخامة والحداثة 🕺🏻
هاللونين يعتبران مفاتيح الحداثة لأي ديكور، فاللون الأحمر الحار والفيروزي البارد الفخم يعطيك مساحة كبيرة للابداع✌🏻
* ممكن تدهن الجدار بلون فيروزي وتحط تحف حمرا بتطلع معك توليفة رهيبة 💛

6. الوردي والأخضر:
ندش شوي داخل الوردة وناخذ لون الورق ولون الساق 🌷
بتجينا توليفة لونية عميقة وحديثة بشكل مذهل، وهالايام الناس طايحين بالبوهو بعد فهاللونين تضبط معهم ✌🏻

7. الأصفر والرمادي:
يمكن هاللونين قديمة شوي بس للآن محافظة على جمالها بشكل فظيع، الرمادي أحادي والأصفر من الألوان الأساسية المشبعة، والتوليفة ذي تعطيك جمال مو صج! 😍
دشش وياها الأبيض بعد يطلع دمار شامل 🤣

8. الأبيض والأسود:
تحية للمبدع @M_RQG طلع اختيارة للأسود مو من عبث والله🤭
الأبيض والأسود هن أقوى الألوان الأساسية المتعاكسة وهالشي خلاهم يكونون أصدقاء إذا انحطو مع بعض سواء بديكور أو تصميم وغيره من الأمور🔥
* طبعا مع الغبار اللي عندنا ما ننصح تتحمس 🌚

9. البني والأخضر:
لو تأملنا الشجرة بنلقاها تتكون من لون بني وأخضر 🌲
طبعا هاللونين تحتاج لتوزيع إضاءة سنع والا بتخلي غرفتك صغيرة، خليتها آخر لونين لأنها من الألوان الصعبة في الاستخدام، ومو أي واحد يقدر يركبها سوا بس رهيبة! ✨
ممكن تدخل معها كم لون بعد وبتكون ألوان خورافية🎨