تلاتة قصص
*قبيل قاعدين مع صاحبنا و كان متغدي قبلها و شرب جبنة و بعدها شرب عصير برتقال بالحليب و شكلو مجموع الحاجات دي عمل ليه طُمام، ف شكى لينا انو حاسي بطمام و كدا،
*قبيل قاعدين مع صاحبنا و كان متغدي قبلها و شرب جبنة و بعدها شرب عصير برتقال بالحليب و شكلو مجموع الحاجات دي عمل ليه طُمام، ف شكى لينا انو حاسي بطمام و كدا،
فكان ردّي المباشر التلقائي ان:
إستفرغ بس
و "استفرغ بس" دي شكلها كانت صادمة حبتين لجموع الحُضُور
إستفرغ بس
و "استفرغ بس" دي شكلها كانت صادمة حبتين لجموع الحُضُور
هو كويس اني ما قلت ليهو المقابل البلدي لكلمة استفراغ -بدايتها بالطا طربيزة-بس شوية خجلت من اهلو
**صاحبي تاني قبل كم يوم كان في حادث و الحمد لله الموضوع كان بسيط، و انا ماشي عليهو اتصل بي صاحبي تاني بيسألني من مكاني، فحكيت ليهو انو صاحبنا احمد عمل حادث و انا عندو، ف سألني عن انو ان شاء الله الموضوع بسيط، و تاني كان برضو ردي ليهو انو كسر كُراعو بس
و كلمة "بس" دي هي الوقف فيها؛ قال لي كسر كراعو و "بس"؟ و اردف بجملة "و الله انتو يا الدكاترة"
***اخوي الصغير كان كسلان يسخن الاكل الكان مختوت في التلاجة، سألني -بما اني دكتور شغال بس احول الاوكسجين لثاني اوكسيد الكربون و اهو بالمرة يستفيد مني- و قال لي: بيعمل حاجة؟
قلت ليهو انو ما حيحصل ليك حاجة غير انو ممكن يجيك اسهال بس.
و ما محتاج اقول طبعا انو سخّن الأكل!
قلت ليهو انو ما حيحصل ليك حاجة غير انو ممكن يجيك اسهال بس.
و ما محتاج اقول طبعا انو سخّن الأكل!
*الطمام نتج من حاجة عملت irritation و شغلت الـchemotrigger zone, يعني من غير زوال المؤثر الطمام حيكون مستمر، و زوال المؤثر في الحالة دي ممكن يتحقق بالفعل البسيط بتاع الإستفراغ.
**كسر الكراع ما حاجة خطيرة، بيتعمل جبص للكراع و تبقى كويسة، و لو الموضوع بالغ ممكن يتعمل reduction under anesthesia و الإمور بتسلّك.
-We learned to think efficiently and straight to the point. و كلامنا بيكون statistical wise, مراعين لمشاعر العيانين في سرد الحقائق من غير ما تخلي المشاعر دي تخليك تحرّف الكلام و لا تدي العيان امل كاذب ولا حقيقة مشوهة بما يتناسب مع هواه.
-الردود العاطفية "مرات" بيكون مافي ليها داعي، المختصر في "الغالب" بيكون مفيد.
-و نحن ذاتنا اتعلمنا انو عاطفتنا ما تكون هي المسيطرة علينا في الشغل، بمعنى انو ما تخلي عاطفتك تطغى بحيث انها تأثر على الـjudgment بتاعك، ولا عاطفتك تخلّيك تتأخر في تقديم الرعاية الصحية.
و يمكن عشان كدا بيقولو الدكاترة باردين.
و يمكن عشان كدا بيقولو الدكاترة باردين.
-لو حكيت لصاحبك انك اديت طفل صغير دِرِب في عضمو حيقوليك انت ما انسان، بس الحاجة الما عارفها انو الفعل الما انساني في نظرو الإنت عملتو دا هو كان الفاصل بين الحياة و الموت لعيانك.
من اول ما تنزل الإمتياز بتتعلم انك ما تخلي حاجة تخلعك و تأثر عليك. و دا ما معناه انك تكون senseless؛ لأ؛ معناه انك to work as a pro، اتخيل يجيب عيان بتاع necrotizing fascitis ولا بتاع DSF و يشوفوك متضايق ولا ابديت اشمئزاز من ريحة جروحهم،
وقع الحاجة دي نفسيا جواههم حيكون كيف؟ الزول الوحيد المفروض في العالم دا كلو المفروض يكون فاهم حالتهم و قادر يساعدهم مستاء منهم؟ متخيل معاي؟
و اظن انك لو في يوم اتضايقت من عيان لطبيعة حالتو -و ممكن تحصل لأننا في النهاية بشر-، بتحس بعدها بذنب فظيع حتى لو الضيق بتاعك ما كان ظاهر و كان بينك و بين نفسك، بس لكن و لمجرد الحقيقة البسيطة بإنك حسيت؛ الحاجة دي كفيلة بانها تحسسك بالذنب.
كمان اتخيل عيانك المكدس شديد داك اهلو يشوفوك و انت قاعد تبكي عليه ولا جمبو؟ تتوقع حيعملو شنو؟ emotional breakdowns
العيانين و اهلهم بيستمدو قوتهم منك؛ عشان كدا خليك اهل للحاجة دي.
-العاطفة بتأثر على الـ judgment , و بتأثر عليهو شديد، ودا السبب الخلا دانيش في بداية كتابو يقدم نصيحة قيّمة مفادها انك كـ طبيب مفروض ما تعالج زول قريب ليك.
—الثريد قديم
-العاطفة بتأثر على الـ judgment , و بتأثر عليهو شديد، ودا السبب الخلا دانيش في بداية كتابو يقدم نصيحة قيّمة مفادها انك كـ طبيب مفروض ما تعالج زول قريب ليك.
—الثريد قديم
جاري تحميل الاقتراحات...