قبل مدة كان معي كامري ٢٠٠٢ فتحة سقف وتهوية خلفيه طبعًا المكيف في الكامري ما يشتغل إلا بالليل ، وتعرفت على واحد اسمه ( خالد ) غني من تويتر وعزمني على شركته قال تجي تشوف الشركة ونتقهوا ونطلع على المغرب نتعشاء ونروح السينما ، عجبني المخطط حقه وتحمست للروحه
وأصحى في اليوم الموعود شخص أول مره أقابله لازم أكشخ أطلق شيء وأخذ ذاك الثوب والشماغ وأخذت معي عطر شاريه من عند المسجد تبخ منه ٥ دقايق والريحة مختفيه قلت برش منه لا وصلت وأطلع وأركب الكامري ٢٠٠٢ فتحة سقف تهوية خلفيه وأستعين بالله
مريت أقرب دانكن قلت باخذ منه كوفي عشان لا شافني يقول ذا غني وأنا بالطريق فصل علي المكيف وأحاول فيه وأحاول فيه قالي عطيتك اللي عندي لا تطلب زياده قلت الحين لازم أسرع قبل لا أعرق طبعًا السياره تفصل على ٩٠ وأحط رجلي بالمكينه وأفتح الدرايش
ماشي على الفصله والهوا يهفهف شوي والا والله هذا المطب قدامي يا ولد فرامل ما فيه فرامل يطلع صوت تصفير والسياره بنفس السرعه وقر قب والا الدانكن بالمرتبه الخلفيه والقهوه بالسقف والثوب صار نصه بني ، وأناظر الموقع والا هذاني عند الرجال بعد ٤٥ دقيقه من المشي
واروح قبل الشركة حقته بعمارتين وأدس السياره عشان لا يشوفها وأنزل والا شكلي مشرد وظهري كله معرق ومن قدام دانكن لكن ما عاد باليد حيله وأناظر والا واقفه بورش قدام الشركة قلت بس جاب الله الفرج
وأوقف جنب البورش وأتكي عليها يعني سيارتي ودقيت عليه قلت له وصلت قالي يلا ثواني وأنا عندك ويطلع ويسلم علي قالي ماشاء الله وش هالسياره الزينه قلت له الله يسلمك بس المعذره والله انكب علي الكوفي وانا بالطريق قال لا عوافي نمر محل مستلزمات ناخذلك ثوب شوي ...
شوي والا أسمع صوت البورش تنفتح وواحد يقول لو سمحت ممكن توخر شوي ويركب السياره ويدق ريوس ويمشي
فجأة سكت خالد وسكت أنا وأناظر بخالد وخالد يناظرني بدون أي كلام قمت ناظرت لوحة شركته قلت ماشاء الله من سوالكم هاللوحة قال من سوا اللوحة أجل تفضل تفضل
ومن ذاك اليوم يبي يقابلني ثاني وأصرفه
فجأة سكت خالد وسكت أنا وأناظر بخالد وخالد يناظرني بدون أي كلام قمت ناظرت لوحة شركته قلت ماشاء الله من سوالكم هاللوحة قال من سوا اللوحة أجل تفضل تفضل
ومن ذاك اليوم يبي يقابلني ثاني وأصرفه
جاري تحميل الاقتراحات...