1️⃣ما لازم تختار بين القراءة وأي شي تاني!الشي المنعني زمان من اني اقرا كتب كتير, انه اثناء فترة الجامعة كنت بقول احسن لي اقرا كتب الجامعة بدل الكتب دي.. دايما حسيت انه عندي الميل انه اخلي قراية الكتب آخر شي وانه لازم أختار بينها وبين شي تاني ودا اكبر غلط, لانه لو جينا للحقيقة,
احنا عندنا 24 ساعة في اليوم.. ودايما حيكون في 20 دقيقة تقرا فيها كتابك.. فما تفتكر انه لازم تختار نهائيا!!
2️⃣ ابدا بي هدف بسيييط! ما تبدا هواية القراية بي انك تقول حاقرا 50 كتاب السنة دي, وخلي اهدافك واقعية وبسييييطة زي انك تقرا كتاب في الشهر ولا مثلا 20 صفحة في اليوم..
2️⃣ ابدا بي هدف بسيييط! ما تبدا هواية القراية بي انك تقول حاقرا 50 كتاب السنة دي, وخلي اهدافك واقعية وبسييييطة زي انك تقرا كتاب في الشهر ولا مثلا 20 صفحة في اليوم..
وشوية شوية حتلقى نفسك بتقرا اكتر, بس التزم بال20 صفحة دي وكلنا بنقدر عليها! وممكن تبدوا اول شي بي كتب صغيرة عشان تستفيدو من الحماس بتاع انكم خلصتو كتاب في انه يديكم دوبامين يحبب ليكم عادة القراءة.. كل ما كان هدفك بسيط كل ما لقيت الموضوع اخف, وممتع اكتر وبالتالي حتستمر فيهو!
3️⃣ اختار كتب تجذبك! دايما بتجيني اسئلة بتاعت انا يادوب عايز ابدا قراية, بتنصحني اقرا ياتو كتب؟ والجواب هو.. أقرا كتب في مواضيع شيقة بالنسبة ليك انت, لما تقرا عن المواضيع دي حتلقى نفسك ما قادر تخت الكتاب, مثلا لو بتحب شخصية ما شدييد ونفسك تبقى زيو,
ممكن تقرا عن قصة حياته وحتكون مستمتع جدا وانت بتقرا وما حتحس بالزمن, لو بتحب مثلا القصص البوليسية والاكشن ممكن تقرا روايات من اللون دا.. ما لازم تبدا بي كتب مفيدة وعلمية, وماف زول قال الروايات ما مفيدة, اي كتاب بتقراهو بيزيدك شي ولو حتى حصيلة لغوية..
فاا شنو, اقرا في المواضيع البتجذبك ليها وخصوصا في بداية العادة حتى لو رشحو ليك كتب وكانت كلها أكثر مبيعا اذا حسيت انه العنوان او الملخص الفي ضهر الكتاب ما جذبك ما لازم تقراهو, ما تقرا لمجرد انك تقرا, القراءة ما مفترض تكون زي تاسك مفترض تعملو او واجب مدرسي.
4️⃣ ودي نوعا ما مكملة لي النقطة الفاتت, ما لازم تكمل اي كتاب, انا قلت ليكم اختارو كتب تحسو بيها شيقة وتجذبكم, طيب لو اخترتو كتاب وما نفع معاكم تعملو شنو؟ انا قبل كدا قعدت سنة كاملة بقرا في كتاب واحد عشان كان ممل شديد واتجنبت قرايتو كتييير وحسيتو تقيل علي.
عشان كدا لو اخترت كتاب وحسيته ممل او حسيت نفسك ما مستمتع بيو, امشي للكتاب البعدو,
!Life is too short for bad books
اعمل سكيب وانت متطمن لانه زي ما قلنا احنا ما عايزين القراية في البداية تكون زي الشغل او الواجب.. ما تحس انك انهزامي او quitter عشان ما كملت كتاب.
!Life is too short for bad books
اعمل سكيب وانت متطمن لانه زي ما قلنا احنا ما عايزين القراية في البداية تكون زي الشغل او الواجب.. ما تحس انك انهزامي او quitter عشان ما كملت كتاب.
بالعكس انت لمن تسيب قراية كتاب ما ممتع, حتفضي وقتك لي انك تقرا كتاب ممتع ولمن تقرا كتب ممتعة ليك حتستمر في القراية!
نصيحة للقارئين الالريدي بيقروا كتب, عشان تقروا اكتر,مرات كتيرة الكتب الغير روائية ممكن نستفيد فيها من فصول معينة فما لازم تقرا الكتاب من الجلدة للجلدة.
نصيحة للقارئين الالريدي بيقروا كتب, عشان تقروا اكتر,مرات كتيرة الكتب الغير روائية ممكن نستفيد فيها من فصول معينة فما لازم تقرا الكتاب من الجلدة للجلدة.
اخد راحتك في انك تتجاوز صفحات, وفصول لانه في كتب كتيرة علمية وكتب مساعدة ذاتية, بيكون الكاتب مخصص الفصول دي لي ناس مختلفة حسب اهماماتهم او مرات بتحس النقاط مكررة او مشروحة بي عمق انت ما محتاج ليهو.
لمن تتجاوز, حتقدر تمشي من الأجزاء المملة او irrelevantليك, للبهمك, و ما حتضيع وقتك في شي ما بفيدك.
5️⃣حدد وقت معين ثابت للقراءة! ما تسيب موضوع القراءة عايم وتقرا بس اذا فضيت, لا اتعامل مع القراءة بي نفس الجدية البتتعامل بيها مع مواعيدك مع الناس, اذا هدفك تقرا 20 دقيقة,
5️⃣حدد وقت معين ثابت للقراءة! ما تسيب موضوع القراءة عايم وتقرا بس اذا فضيت, لا اتعامل مع القراءة بي نفس الجدية البتتعامل بيها مع مواعيدك مع الناس, اذا هدفك تقرا 20 دقيقة,
قول حتقرا 20 دقيقة اول ما تصحى كل يوم او في الوقت الفلاني وما تعمل اي ارتباطات في الوقت دا.. وممكن تختار وقت انت عارف انه كل يوم بتكون فاضي فيو زي اول ما تصحى او قبل ما تنوم..
وكل ما ربطت عادة القراءة مع عاداتك الثابتة التانية كل ما كان أسهل, اذا انت بتحب تشرب شاي لبن الصباح كل يوم ودا شي ثابت عندك, استغل الحاجة دي في انك تقرا اثناء ما بتشرب وكدا حتلتزم بالعادة دي لانك ملتزم بي عادة الشاي او القهوة ولما تحدد وقت معين حتتخلص برضو من مشكلة التسويف.
6️⃣ شيل معاك كتاب أي مكان! دايما بقولو انه القراية في حد ذاتها ساهلة وما صعبة لكن الصعب انك تختار تقرا بدل ما تقعد في التلفزيون او تمسك تلفونك.. يلا لمن تشيل معاك كتاب في اي مكان سواء مطبوع او الكتروني, انت بتدي نفسك فرصة انك تستفيد من أوقات ما عندك فيها إغراءات الونسة,
والتلفزيون وبي كدا المقاومة بتكون بسيطة بينك وبين انك تقرا! ولمن تشيل معاك كتاب دايما, حتضاعف عدد الكتب البتقراها بي كتيير, ممكن تقرا وانت في العربية او المواصلات, ممكن تقرا وانت بتنتظر في البنك, عند الدكتور, في صف العيش..
في دقايق قيمة مخفية في زوايا اي يوم, حاول تلقى الدقايق دي وتستغلها.. ممكن مجموع الدقايق دي يكون اكتر من الوقت الانت مخصصه لي قرايتك اليومية.
7️⃣ ودي مكملة برضو للنقطة الفاتت, اسمعوا الكتب الصوتية!! الاقتراح دا جاني من يوتيوبر برضو وما كنت مقتنع بي فكرة اني اسمع كتاب, ونزلت تطبيق اوديبل, وبديت اسمع كتب, ودي فتحت لي دقايق قيمة كتييرة ما كنت بعمل فيها اي شي وبتضيع ساي, وانا سايق, وانا في الجيم, وانا بتمشى,
وانا بنضف وانا بعمل اي شي بيتطلب اني استخدم يدي.. وبقيت في اي يوم بكون بقرا كتاب وبسمع في كتاب تاني.. وبقيت بسمع روايات, ودي بقوا بيبدعوا فيها وبجيبو اصوات مختلفة يؤدوا الشخصيات فبتحس نفسك في فيلم ورحلة خيال جميلة..
انا ببعد عن سماع الكتب العلمية لأنه بفضلها تكون مكتوبة عشان اخد نوتس واعمل هايلايت وبسمع الروايات او كتب السير الشخصية اوتوبيوقرافيز وخصوصا لمن تكون بي صوت الكاتب نفسه..بنصحكم بي كتاب بيكومينق بتاع ميشيل اوباما, وكتاب بورن اكريم بتاع تريفور نواه..
قمة في الجمال, وما بتحس انك بتقرا كتاب وبتكون مستمتع وفي نفس الوقت بتقدر تضيف الكتاب في قائمة الكتب القريتها وتكون اخدت الفايدة. ممكن تشوفوا تطبيق اوديبل بس دا تطبيق بي اشتراك شهري, وممكن تسمعوا في يوتيوب بتلقوا كتب منزلينها صوت بس.
نصيحة إضافية, حاولو تدخلو اصحابكم واهلكم معاكم في العادة لانه كل ما لقيتو زول يقرا معاكم حتتشجعو اكتر انكم تقروا وتقعدوا تحكوا لي بعض تفاصيل الكتاب والحاجة دي بتخلي المعلومة القريتوها ترسخ اكتر, بس مهم جدا انكم ما تربطو قرايتكم, معاهم لانه احنا كلنا ما واحد..
ولو انتظرتو انكم تلقو زول يقرا معاكم كتاب, يمكن شهور تضيع وما تقروا.. حاولو برضو تخشو في نوادي للقراءة ودي جميلة برضو لانكم بتلقى ناس بتحب القراية وملتزمة وبتشجعكم و ممكن تتبادلوا الكتب و برضو كدا حتعززوا فكرة انكم بقيتو قراء وحتشوفو نفسكم قراء والناس حتقول عليكم قراء..
واول ما يجيكم الاحساس دا, تاني ما حتقيفو..
واعملو ليكم هدف للقراية يكون واقعي وساهل, زي انكم تقروا مثلا 12 كتاب في السنة والحاجة دي بتخليكم ملتزمين اكتر وبتساعدكم تحددو انتو محتاجين تقروا كم في اليوم..
واعملو ليكم هدف للقراية يكون واقعي وساهل, زي انكم تقروا مثلا 12 كتاب في السنة والحاجة دي بتخليكم ملتزمين اكتر وبتساعدكم تحددو انتو محتاجين تقروا كم في اليوم..
عشان تقروا 12 كتاب في السنة محتاجين تقروا كتاب في الشهر, شوفو الكتاب كم صفحة وأقسمو عدد الصفحات على 30, أغلب الكتب بتكون ما بين 300-400 صفحة وكدا حتكونو محتاجين تقروا ما بين 10 لي 14 صفحة في اليوم بس عشان تحققو هدفكم! بسيطة مش؟
بتمنى تستفيدوا وبالتوفيق!
وروني قريتو كم كتاب تحت!
بتمنى تستفيدوا وبالتوفيق!
وروني قريتو كم كتاب تحت!
youtu.be
ممكن تشوفوا الكلام دا في يوتيوب في الفيديو دا!!
ممكن تشوفوا الكلام دا في يوتيوب في الفيديو دا!!
جاري تحميل الاقتراحات...