#أهم ثريد حتقروهو الليلة:
حصل قالو ليك أقيف زي الناس؟ ولا اقيفي عديل؟ ولا امك ادتك محاضرة عشان كنتو برة وكنت قاعد قعدة غلط؟ مرات التعليقات دي بنشوفها غياظة لكن مهمة.
الposture او التموضع بتاعك او وضعية جسمك اثناء ما انت واقف ولا قاعد هي أساس كل حركة بيقوم بيها جسمك.
حصل قالو ليك أقيف زي الناس؟ ولا اقيفي عديل؟ ولا امك ادتك محاضرة عشان كنتو برة وكنت قاعد قعدة غلط؟ مرات التعليقات دي بنشوفها غياظة لكن مهمة.
الposture او التموضع بتاعك او وضعية جسمك اثناء ما انت واقف ولا قاعد هي أساس كل حركة بيقوم بيها جسمك.
وممكن تحدد كيفية تكيف الجسم مع الضغوط البيتختى فيها. الضغوط دي ممكن تكون حاجات ملموسة زي انك تشيل وزن مثلا أو انك تقعد بي طريقة غلط او غريبة. بالاضافة للضغط الكلنا بنتعرض ليهو يوميا، الجاذبية!
لو تموضع جسمك ما كان مثالي، عضلاتك بتحتاج تتعب أكتر عشان تخليك مستقيم ومتوازن.
لو تموضع جسمك ما كان مثالي، عضلاتك بتحتاج تتعب أكتر عشان تخليك مستقيم ومتوازن.
جزء من العضلات دي حتكون مشدودة وما مرنة، جزء تاني من العضلات حتكون معطلة وما مستخدمة. مع الوقت، العادات الغلط دي حتضعف قدرة الجسم على التعامل مع القوى المختلفة البتقع عليو كل يوم.
التموضع الغلط بيؤدي برضو لي تآكل وتمزق أكبر للمفاصل وألاربطة والحاجة دي بتزيد فرص وقوع حوادث لي بعض اعضاءك زي الرئة مثلا، حتشتغل بي كفاءة أقل.
الباحثين ربطو ما بين التموضع الغلط واعوجاج العمود الفقري، والصداع بتاع التوتر، وآلام الضهر. مع انه ما هو المتسبب الوحيد للحاجات دي.
الباحثين ربطو ما بين التموضع الغلط واعوجاج العمود الفقري، والصداع بتاع التوتر، وآلام الضهر. مع انه ما هو المتسبب الوحيد للحاجات دي.
تموضع الجسم ممكن يؤثر حتى في حالتك العاطفية ومدى احساسك بالألم.
عشان كدا في أسباب كثيرة بتخليك تحرص انك تقيف بوضعية كويسة.
لكن الموضوع بقى صعب شديد الايام دي، الجلوس بطريقة خاطئة لمدة طويلة ممكن يشجعك على التموضع الخاطئ، بالإضافة لي استخدام الكمبيوتر والتلفون الخ.
عشان كدا في أسباب كثيرة بتخليك تحرص انك تقيف بوضعية كويسة.
لكن الموضوع بقى صعب شديد الايام دي، الجلوس بطريقة خاطئة لمدة طويلة ممكن يشجعك على التموضع الخاطئ، بالإضافة لي استخدام الكمبيوتر والتلفون الخ.
لانها بتخليك دايما تعاين تحت.
دراسات كتيرة بتقول انه تموضع جسمنا بيزداد سوء.
طيب السؤال هو كيف مفترض يكون وضع جسمك؟
دراسات كتيرة بتقول انه تموضع جسمنا بيزداد سوء.
طيب السؤال هو كيف مفترض يكون وضع جسمك؟
لما تعاين للعمود الفقري من قدام او من ورا مفترض تكون ال 33 فقرة عندك مصفوفة في خط واحد مستقيم. ومن الجنبات مفروض يكون العمود الفقري فيهو تلاتة منحنيات: منحنى عند الرقبة، منحنى عند الأكتاف، ومنحنى في الجزء السفلي من الضهر.
انت طبعا ما بتتولد بي عمود فقري على شكل S، لمن تتولد عمودك الفقري فيو انحناء واحد و بكون على شكل حرف C، المنحنيات التانية بتتشكل لمن تصل عمر 12 او 18 شهر اثناء ما عضلاتك بتقوى. المنحنيات دي بتساعدنا على اننا الوقوف وامتصاص جزء من الضغوط البتتولد من انشطة زي المشي او النط.
لو كانت الفقرات مرصوصة بي شكل صحيح، لما تقيف، بتقدر ترسم خط مستقيم من نقطة قدام كتفك طوالي، لي ورا الورك، لي قدام مفصل الكاحل بي شوية. الحاجة دي بتخلي مركز الثقل عندك مباشرة فوق القاعدة البتوفر الدعم ليك.
وبالتالي يسمح ليك بالتنقل بي كفاءة مع اقل قدر من التعب والشد العضلي.
لو انت قاعد، رقبتك لازم تكون عمودية، ما مايلة لي قدام (زي ما انت عامل اسي). اكتافك مفروض تكون راخية ويدينك تكون قريبة من جذعك. الركبتين مفترض تكون على زاوية 90 درجة واقدامك تكون مسطحة على الارض.
لو انت قاعد، رقبتك لازم تكون عمودية، ما مايلة لي قدام (زي ما انت عامل اسي). اكتافك مفروض تكون راخية ويدينك تكون قريبة من جذعك. الركبتين مفترض تكون على زاوية 90 درجة واقدامك تكون مسطحة على الارض.
طيب لو انت اصلا تموضعك غلط تعمل شنو؟ حاول تعيد تصميم بيئة العمل الحوالينك، عدل مستوى شاشة الكمبيوتر عشان تكون بي نفس مستوى نظرك او اقل شوية. اتاكد انه جميع اجزاء جسمك، زي المرفقين والرسغين مسنودين بي حاجة وما مهويين لانه وزنهم تقيل وبالتالي حيكونو شادين على اكتافك الوقت كلو.
في كراسي ومكاتب وحاجات بتساعد على انك تعمل دا كلو.
بالنسبة للتلفون دا موضوعه براهو، لما تكون مدنقر بتعاين في تلفونك بتعمل مشاكل كتيرة في الرقبة لي درجة انهم بشخصو نوع من انواع الم الرقبة بي Text neck لانه بكون منتشر شديد بي سبب الاستخدام الخاطئ والمتواصل للتلفون.
بالنسبة للتلفون دا موضوعه براهو، لما تكون مدنقر بتعاين في تلفونك بتعمل مشاكل كتيرة في الرقبة لي درجة انهم بشخصو نوع من انواع الم الرقبة بي Text neck لانه بكون منتشر شديد بي سبب الاستخدام الخاطئ والمتواصل للتلفون.
احنا راسنا دا وزنه تقيل، لما تكون واقف عديل الوزن بكون نازل في خط مستقيم على الرقبة وباقي الجسم لحدي الرجلين، لما تميل راسك كتير, الوزن اغلبه بكون نازل على الرقبة وبأثر معاهو على الاعصاب الفي المنطقة وبعمل لينا وجع رقبة (ومتاكد كتير منكم بيشكوا من الحاجة دي).
هنا موضحين الوزن👇🏽
هنا موضحين الوزن👇🏽
طيب كيييف ممكن احل المشكلة دي؟ في اختراعات كتيرة عملوها بحيث انه تمسك ليك التلفون وتخليهو ليك قدام وشك ممكن تستخدم ا حاجة فيهم. وممكن أثناء ما انت قاعد وماسك تلفونك تكون خاتي مخدة فوق كرعينك تسند بيها يدينك عشان ما تكون مهوية وساحبة الكتف.
وبالنسبة للرقبة ما تنزل تلفونك تحت شديد حاول تخلي كوعك مسنود في اجنابك والتلفون مرفوع على مستوى صدرك اقل شي، وما تدنقر بي رقبتك كلها عشان تشوف ولكن بي عيونك بس عاين لي تحت.
وبرضو حاول تنوم على جنبك وخت مخدة تحت راسك ومخدة بين رجولك. البس جزم كعبها منخفض وبتدعم تقوس القدم كويس. أستخدم سماعات في المكالمات عشان تريح يدك.
ولكن كونك بتقييف وبتقعد كويس براهو ما كفاية بدون ما تخلي العضلات والمفاصل تتحرك.
ولكن كونك بتقييف وبتقعد كويس براهو ما كفاية بدون ما تخلي العضلات والمفاصل تتحرك.
في الحقيقة،كونك تقعد كويس وتقيف صح واي شي لكن بدون حركة ونشاط ورياضة، اكعب بي كتييير من انك تكون متحرك وبتتريض لكن بتقيف او تقعد غلط (طبعا لو بتقيف وبتقعد غلط وما بتتريض فانت عصرت على روحك شديد لي قدام وشخصك المستقبلي حيكون سابي ليك غايتو).☠️😍
يلا لما تجي تتحرك، اتحرك بي فهم. لو حتشيل اي شي اكياس كراتين انبوبة الغاز ود اختك، خلي الحاجة دي قريبة من جسمك.
لو حتشيل شنطة ضهر ابعد من بتاعت الكتف الواحد دي خصوصاً لو شايل لابتوب وحاجات. واتاكد انه شنطة الضهر لاصقة في ضهرك ومافي مساحة في النص. والبس الشنطة من اليدين يا كوول انت، ما لازم حركة يد واحدة عشان لمن تعجز تدعي لي.
لو قعادك كتير في الشغل ولا في البيت، قوم يا عاطل واتحرك كل شوية واتمطى كويس. واتاكد انك تعمل شوية تمارين، ما لازم تجري ماراثون كل يوم، بس حرك جسمك ان شاء الله تعمل يوقا 10 دقايق (جربها وجسمك المستقبلي حيسامحك على العملتو فيو).
استخدامك لي عضلاتك حيخليها قوية كفاية عشان تساعدك وتشيل وتحركك بي كفاءة. دا غير الفوائد البتجي للمفاصل والعضام والمخ والقلب من الرياضة طبعا. ولو حاسي انه انت بتتالم فعلا في رقبتك ولا ضهرك كتير ولا حاسي انه ضهرك بقى مايل، امشي اكشف عند اخصائي علاج طبيعي.
وما تزعل من كلامك امك لانه احنا فعلا مفترض نقيف مستقيمين ومفرودين.✌🏽
وبس شكرا لي متابعتكم، وياريت برضو تشوفو القناة بتاعتي في اليوتيوب بتكلم فيها عن مواضيع مهمة ومفيدة وحتعجبكم ان شاء الله💙 ما تنسوا تشتركوا✌🏽
youtube.com
وبس شكرا لي متابعتكم، وياريت برضو تشوفو القناة بتاعتي في اليوتيوب بتكلم فيها عن مواضيع مهمة ومفيدة وحتعجبكم ان شاء الله💙 ما تنسوا تشتركوا✌🏽
youtube.com
المصدر:
youtu.be
youtu.be
جاري تحميل الاقتراحات...