ثريد: فترات تراجع الزهرة و تأثيرها علي علاقاتك … #أبراج #خرائط_فلكية
الثريد ده مختلف شوية لأن اعتمادنا فيه هيكون علي تجارب و ملاحظات شخصية أكتر من اعتمادنا علي مصادر "فلكية" ولذلك ممكن نعتبرها قعدة صحاب لكن عن موضوع فلكي. من كام يوم كنت بتكلم انا وصديقتي فوف "هاي فوف" عن تجاربنا مع فترات تراجع الزهرة وتجارب اللي نعرفهم وللمصداقية موضوع مثير جداً.
١. في البداية دايماً بيتم التنبيه او التحذير من فترات "تراجع الزهرة" و الفترات اللي الزهرة هتكون فيها متراجعة في خريطة التحويل وبصراحة ده ليه سبب والموضوع مش مبالغة، اينعم هتلاقي ان اوقات بيتم التهويل والتخويف علي الفاضي بس بعيداً عن المبالغة تعالوا نتكلم من جانب واقعي شوية.
٢. الفترات اللي بيحصل فيها تراجع للزهرة و الفترات اللي زهرة خريطة التحويل بتكون فيها متراجعة محتاجة منك انتباه ده أكيد لأن طبيعة الطاقات والعلاقات اللي هتجذبها و تنجذب اليها خلال فترة مماثلة مش صدفة وعادةً بيكون وراها رسالة او درس ليك او حتي يقظة سميها زي ما تحب عزيزي القارئ.
٣. عادةً مش بحب اتعمق في النقطة دي ولكن قدرتك علي جذب علاقات كارمية او علاقات تؤام الشعلة والروح وغيرهم بتكون نشطة بزيادة او حدوثها اكثر احتمالية في الاوقات دي فسهل تجذب اشخاص من حيوات سابقة ولو انت مش مقتنع بوجود حيوات سابقة فسهل تجذب اشخاص من الماضي او من مراحل قديمة في حياتك.
٤. ملحوظة مهمة: مش شرط كل الاشخاص اللي تظهر خلال فترات التراجع تكون عارفهم او يكونوا من الماضي بنسبة كبيرة الفترات دي هتجذب في حياتك وجوه جديدة تماماً ولكن يا اما طاقتهم ثقيلة يا اما طاقتهم مألوفة بشكل مريح بس مزعج في نفس الوقت عشان كده بنقول لا تتسرع في الحكم خلال فترات التراجع.
٥. من أكثر النقط المثيرة للاهتمام ان عادةً "اغلب" الاشخاص اللي هتظهر خلال مراحل مماثلة هيجمعك بيهم نوعية اتصالات معينة يصعب حصرها من ضمنها اتصالات العقدة الشمالية والجنوبية، وقوع كواكب الشخص في بيتك ال ٤ او ١٢ او ٨ او العكس، اتصالات قوية لبلوتو في خريطتكم التوافقية وهكذا.
٦. وعشان كده مهم تدرس وتتعمق في خرائط الاشخاص اللي بتظهر في حياتك خلال الفترات دي سواء اشخاص قديمة او جديدة لأن ده مش بس هيفهمك طبيعة علاقتك بيهم ولكن هيقولك هما في اي مرحلة وليه ظهروا وهيفهمك دوافعهم ونواياهم ولو مش هتعرف تعمل ده لوحدك الجأ للتحليل او اعتمد علي حد يقدر يفيدك.
مثال: خلال فترة تراجع الزهرة يدخل شخص جديد حياتك و تكتشف ان عقدته الجنوبية مقترنة بزهرتك او عاملة تربيع مع قمرك او بلوتو تبعك مقترن بقمرهم او شمسه في بيتك ٤ وغيره من الامثلة! دي كلها اتصالات ثقيلة وليها عدة تفسيرات خاصةً لما تظهر في حياتك في مرحلة زي التراجع.
٧. في ناس هتقولي يعني يا وندرلست المفروض نتوقع ايه وهل العلاقات دي هتنجح؟ شوف عشان نجيب من الاخر عزيزي القارئ من التجارب اللي شوفتها اقدر اقولك ان النتيجة مش واحدة بس النمط المكرر دايماً ان العلاقات اللي بتبدأ او بتنتهي او بتعود مرة اخري خلال التراجع بتواجه تحديات مقارنةً بغيرها.
٨. يعني العلاقات الجديدة اللي بتبدأ خلال التراجع دايماً فيها جانب "غير معلن" سواء من طرفك او من طرف الشخص الاخر فسهل تجذب اشخاص مش مستعدة، بتواجه تحديات في حياتها الشخصية وممكن تكون انت الطرف ده. في النهاية بنلاقي ان في "رغبة" في شرارة لكن مش هتقدر تحدد اي حاجة الا بعد التراجع.
٩. حتي العلاقات اللي بتنتهي خلال فترات التراجع احياناً بتنتهي بشكل مؤذي او بيكون اثرها النفسي اقوي مليون مرة من الفترات العادية وانتبه لنقطة ان في علاقات كتير بتنتهي في التراجع و بتبدأ في التراجع فسهل تسمع اخبار كتير عن فلان ارتبط بفلانة او انفصال فلانة وفلان وهكذا.
١٠. الخلاصة:
شوف عزيزي القارئ علاقات التراجع معقدة ولذلك استحالة تعرف هتنجح او هتستمر الا بعد انتهاء التراجع فحتي لو العلاقة بدأت وانتهت خلال التراجع بعد انتهاء التراجع هتلاقي نفسك بتكتشف جوانب جديدة وبتدرس الوضع من تاني.
شوف عزيزي القارئ علاقات التراجع معقدة ولذلك استحالة تعرف هتنجح او هتستمر الا بعد انتهاء التراجع فحتي لو العلاقة بدأت وانتهت خلال التراجع بعد انتهاء التراجع هتلاقي نفسك بتكتشف جوانب جديدة وبتدرس الوضع من تاني.
١١. بعض العلاقات اللي بتبدأ خلال فترات التراجع بتيجي بعد فترة وتفشل او تكون غير مستقرة او يحصل فيها ركود وعادةً ده بيخلي طرف مصمم ينهيها وطرف تاني متمسك بيها فبنلاقي عندنا نمط on/off او عدم استقرار. في نفس الوقت طبيعة الاشخاص اللي بتجذبها بتكون جداً مختلفة وجديدة عليك وده بيثيرك
١٢. الثريد طويلة وانا مش حابة اخدها لجانب ايجابي او سلبي للغاية، حابة نتكلم بشوية واقعية مش أكتر وبالتالي لو انت مدرك لطبيعة الطاقة ومستعد لمرحلة مماثلة هتعرف تتعامل وتتصرف بدون ما تقلق و تشتت حالك لأن خد بالك الشخص اللي بيظهر او بيعود في فترات مماثلة فيه ينقلك لمراحل لا تتوقعها.
١٣. ببساطة المطلوب منك انك تسيب نفسك، تخوض التجربة اياً كانت وتتكيف مع التغيرات بس بلاش تغامر، بلاش تقع منك التفاصيل، امتص الطاقة او الحدث وكن مدرك ان في جانب اخر هيتم اكتشافه بعدين حتي لو الشخص قدامك كتاب مفتوح لأن احياناً التحدي مرتبط "بالظروف" اللي التقيتوا فيها ومش في الاشخاص
١٤. وبالتالي مش بدعم فكرة الخطوبة، الزواج او حتي الطلاق والانفصال خلال فترات التراجع ودايماً بقول اعمل ده بعد انتهاء التراجع واثاره لو تقدر. فبعتبرها فترات للتعارف والتجربة واكتشاف تحدياتك وعيوبك كأن العلاقات دي بتظهر عشان تمنحك خبرة وتخليك تراجع مبادئك وتقديرك لذاتك.
١٥. واخر نقطة احب اذكرها ان اثر تراجع الزهرة بيظهر احياناً لبعض الاشخاص قبلها بأسبوعين او حتي شهر علي حسب وضع خريطة الشخص بس لو حسيت بموجة تغيرات واكتشفت ان الزهرة هتتراجع خلال اسبوع او اثنين او شهر اعرف ان ده اثرها.
كالعادة خريطتك ليها الكلمة الاخيرة ومفيش بطل لحكايتك غيرك 🕊
بصراحة عندي قصص وحكايات كتير متعلقة بفترات وعلاقات التراجع بس عارفة ان ده ممكن يتفهم غلط او يتاخد بسلبية وانا مش حابة نخلق "فرقعة" علي الفاضي 😂
اتمني للجميع يوم مبهج، مشرق وجميل 🌻
بحبكم أبطالي 🦄💜
بصراحة عندي قصص وحكايات كتير متعلقة بفترات وعلاقات التراجع بس عارفة ان ده ممكن يتفهم غلط او يتاخد بسلبية وانا مش حابة نخلق "فرقعة" علي الفاضي 😂
اتمني للجميع يوم مبهج، مشرق وجميل 🌻
بحبكم أبطالي 🦄💜
شباب، الثريد دي تنطبق علي فترات تراجع الزهرة في اي وقت و مش بس علي الفترة الحالة نظراً لتراجع الزهرة.
ثانياً في ناس معتقدة ان التراجع انتهي، تراجع الزهرة ينتهي يوم ٢٥\٦ ان شاء الله.
ثانياً في ناس معتقدة ان التراجع انتهي، تراجع الزهرة ينتهي يوم ٢٥\٦ ان شاء الله.
جاري تحميل الاقتراحات...