عشان في ناس قالت إني محبط ومسخت فرحة الناس الفازوا باللوتري حأعمل ثريد عن ايجابيات العيش في أمريكا تحفيزاً ليهم وتحفيزاً لي أي زول عشان يقدم المرة الجاية عشان يجي وربنا يوفقكم جميعاً 🤗💙
طيب أول شي امريكا عبارة عن قارة وليست دولة تضم 50 ولاية ومقاطعة واحدة هي مقاطعة واشنطون العاصمة وبرضو بتضم جزر تابعة ليها زي بورتريكو وهاواي وساموا انت كشخص جاي أمريكا يحق ليك تختار العيش في أي ولاية تختارها
نظام الحكم فيدرالي يعني أي ولاية منفصلة بحكمها وقوانينها عن الولايات الاخري بس في النهاية يحكمها رئيس واحد من العاصمة DC والولايات دي منفصلة في اي شي حتي الطقس فمن الجليد في الاسكا ونورث داكوتا لشمس المنطقة الصناعية في تكساس واريزونا
الولايات رغم اختلافها الا انه متقاربة جداً في المعيشة يعني مثلاً ولاية نيويورك اقل اجر للساعة 15 دولار بس غالية من حيث السكن والضرائب بينما تكساس اقل اجر للساعة 8 دولار لكن رخيصة جداً من حيث السكن والطعام وغيره معناه لاتبحث عن ولاية افضل كلهم متقاربات اختار الولاية علي حسب رغبتك
اولاً بعد وصولك بتحتاج في المتوسط بين ثلاثة اسابيع الي ثلاثة شهور علشان تستلم ورقك ( القرين كارد والسوشيال سيكورتي نمبر) وبعدها بتصبح مقيم دائم ويحق لك ممارسة العمل والدراسة
فرص العمل متوفرة جداً وممكن بأقل الاعمال تعيش حياة كريمة وممكن تغير من عمل لأخر بسهولة بس ينصح الاستقرار في عمل واحد لانه التنقل الكتير بدي مؤشر لعدم جديتك وبتبدا معاه فرصك تقل في الحصول علي عمل
طيب نجي للسكن وهو في الغالب apparmenents او شقق سكنية وبرضو في منازل والعزابة أهلنا راقدين في اي مدينة حتمشيها اما لو كنت من محبي ال privacy فممكن عادي تأجر براك وحيكون الموضوع affordable بالنسبة ليك
في الشقة حيتوفر ليك بوتجاز (غالباً كهربائي)
وثلاجة واصلاً حيكون مرفق معاها walking closet للملابس يعني تصميم مريح وكسوداني حتقول وداعاً لصفوف الغاز طبعاً حتفرشها علي مزاجك والاثاثات برضو ماغالية
وثلاجة واصلاً حيكون مرفق معاها walking closet للملابس يعني تصميم مريح وكسوداني حتقول وداعاً لصفوف الغاز طبعاً حتفرشها علي مزاجك والاثاثات برضو ماغالية
ال complex بكون محتوي علي gym وحوض سباحة وملعب كرة سلة وملعب كرة طائرة وحديقة صغيرة وحديقة لتمشية الحيوانات الاليفة يعني حتحس نفسك برجوازي رغم انك جادع مرتبة بس في شقتك وعايش
بعد إشتغلت وسكنت نجي للدابة بقي ، ممكن تشتري عربية من سعر 300 دولار لحدي اللامبورغيني ام 3 مليون دولار والموضوع ساهل جداً عبر تطبيقات زي craiglist و market place يعني السماسرة الماعندهم شغلة هنا ماف بتلقي سيد العربية عارضها في الموقع بتمشي ليه البيت تشتريها منو
طيب بعدها Walmart العظيم المتجر دا اي حاجة عايزة بتلقاها فيه غايتو الا البني ادميين المابتباعو فيه يعني قل وداعاً لحنك نمشي بكرة السوق نجيب لينا بنطلونين هنا بتخش تشتري البنطلون وحاجات البيت والادوية وبرواز صورة امك الجبتها معاك واي حاجة انت خاتيها في بالك حتلقاها هنا
نجي للطقة النضيفة هنا سلاسل المطاعم علي قفا من يشيل ومصممة انها تكون مختوتة علي مسافات محددة من بعضها البعض يعني ماجربندية ساي يعني محل تسكن حتلقي مطعمك المفضل قريب منك ، نسيت اقول ليك برضو حتلقيwalmart قريب ليك يعني في 5 دقايق حتصل
طقيت وعايز ترفه اماكن الترفيه برضو علي قفا من يشيل صالات سينما ومنتزهات ومعارض ثقافية واماكن تاريخية في المدينة كله في وبالمناسبة الحاجات دي رخيصة يعني الفيلم بي 10 دولار الطقة كذلك مابتتجاوز الرقم دا وحتي الكثير من الاشياء رخيصة وفي متناول اليد
حاجة مهمة جداً انه البنية التحتية جيدة جداً والبلد مربوطة بشبكة طرق وجسور توديك اي حتة في أمريكا وهي عبارة عن high ways بتحيط بالمدينة ومتفرع منها access road للحتة الانت ماشيها ودي لو كان عندنا انت حتصل من الكلاكلة لي امدرمان في 15 دقيقة يعني قل وداعاً للزحمة برضو
الشي المهم جداً انه البلد معتمدة تماماً علي ال online apps يعني لو عايزة تجدد ترخيص العربية او عايز تدفع ايجارك او تدق الشير لي ناس الجالية كله من تلفونك ودا طبعاً لسة ما اتكلمنا عن امازون الممكن تشتري بيه اي حاجة حرفياً وتصلك لحدي بابك وهنا قل وداعاً لحاجات كتيرة شااااااديد
طبعاً ماننسي نتكلم عن نظام الcridet card وdept card البتكون رابطهم بحساب البنك بتاعك وعبر تطبيق من التلفون بتقدر تشتري كل النفسك فيه او تفول بنزين عربيتك ام 300 دولار وبرضو حتلقي طرمبة في اي ركن وحتكون فاضية تدخل بطاقتك وتكب فشنو برضو وداعا لصف الجاز
طيب credit card حاجة كدا معتمدة علي سمعتك بتبدا معاهم تكون خاتي مبلغ وتبدا تسحب منو وترجع بعد فترة سماحية سحبك بتزيد لحدي ماتصل ملايين الدولارات تسحب وتقسط وترجع وتجيب حاجات نفسك فيها وانت ماعندك حقها وترجع بالاقساط المريحة (interest included)
ختاماً امريكا ليست بلد لجمع الثروة ولكن هي بلد لتعيش برفاهية لانه نظامها يعتمد علي شيل اليعجبك وادفع بي راحتك فحتكون بتشيل وتدفع عمرك كله وماحتجمع ثروة ، اتمني اكون قدرت اوضح اي شي ومعذرة علي الاطالة
جاري تحميل الاقتراحات...