رتبها

الثريد دا متجدد كل مرة ح اجي أضيف عليهو
ح نتكلم عن الستيانات
كانت و ما زالت و ستظل حاجة عندها حيز كبير ف ملابسنا
ح نعرف نوع كل ثدي و الستيانه الجايه معاهو و اي نوع بيتلبس متين بيتلبس مع شنو
ح نعرف كيف تختاري الستيانه المناسبه معاك
عن الانواع و عن تلبس كيف عشان تكوني مرتاحه 💙💙

اول شي محتاحين نعرفو هو شكل الثدي حقنا عشان دي القاعده البيتبني عليها اختيار الستيان المناسب لينا، في صور تحت بتوريك الاثداء و اشكالها و ح نقنق و نتكلم عنهم و انتو برضو خشو قوقلوهم و اقرو عنهم و كدا يعني

ديل اكتر سته اشكال شائعه لي الاثداء و مقسمنها علي حسب المسافه الفي النص بين الثديين

دا شكل تشريحي للثدي حقنا بورينا احزاء الثدي

صوره بتورينا الاثداء علي حسب الشكل حقها

دي علي حسب الحجم و الشكل عاينو لي صدروركم و حددو انتو ياتو واحد في ديل

دي ح نستفيد منها بعدين في حته القياس و cup المناسب

تاني نوع الستيان و دي انواعها كتيره بس اهم وحدات و ديل القاعد يلاقونا كتير هم ال ح نتكلم عنهم

١. اول نوع نمره واحد بسم الله اسمو تي_شيرت و اسمها كدا لانها بتتلبس تحت التيشيرت و بتكون مبطنه او لا فيها سلك او ما فيها دا بحددو حجم الثدي ح نتكلم عن الحاجة دي بالتفصيل ان شاء الله

٢. البتكون مغطيه الثدي كلو عاملة فل كفر عليه و فتحتها علي شكل سبعة و دي غالبا بتكون بي قماش دانتيل و معاهو قطن و مخيذه من كم جزو و بتدي شد كويس

٣. اسمها بلكونه لانها بتشبه البلكونه و غالبا بتكون مبطنه و فيها سلك و حمالاتها بتتفك و تتركب و دي بتدي دعم حلو و تخلي شكل الثدي انثوي و بتدي كيرف حلو من فوق دي اكتر نوع عندي

٤. الاسبورت و دي معمله مخصوص عشان تثبت الصدر اثناء الرياصه عشان لما تجكي او تنططي ما تعملي بجق بجق و عشان الثدي ما يتمدد مع الحركه خصوصا لو كان كبير

٥- و دي نوع معمول للمرضعات مريح جداً م بضغط علي ثدي شديد و في نفس الوقت بتقدري تطلع ثدي بطريقة سهلة شديد

كدا عرفنا انواع الثدي و اشكالو و انواع الستيانات و اشكالها
محتاحين نعرف شنو تاني
الثدي و الستيان البيناسبو
المقاسات و كيف بناخدها و نعرفها
و دي محتاجه وقفه و كلام كتير نظرا لانو الطريقه البتلقيها في النت دي في حاله انت ح تشتري ستيان ماركه و غالبا دي مقاسات امريكيه با الانش

و ما بالسنتيميتر نحن هنا الستيانات البتحينا اغلبها من الصين و بكون فيها رقم و حرف في حته المقاس ح نتكلم عنها برضو
احسن الخامات و الحتات الممكن نجيب منها ستيانات ظابطه
ح نتكلم عن الحاجات دي كلها ان شاء الله

و ما ادراك ما المقاس
دي الكنته كلها هنا
لانو اي مقاس غلط ح يدينا شكل ما حلو و ح نكون متضايقين و ح يجينا وجع في الاكتاف و الرقبه و أعلى الضهر لو كنا من صاحبات ال BBB big beautiful breast بذات

جيبي متر بتاع الترزي دا و تقيسي ال cup او محيط الثدي مرات بتلقي انو الاتنين ما قدر بعض تشيلي المقاس الاكبر و تعرفيهو انا بشيل معاي متري طوالي لمن اجي اشتري و عارفه مقاساتي بمشي بقيس علي الستيانه
و بتطلع ظابطه و لانو الستيان بيوسع مع الغسيل و اللبس خلي القفله تكون في اخر وحده

دايما اختاري البكونو عريضات من ورا الغالبيه بكون فيهم قفلتين او تلاته لو لقيتي اربعه او خمسه دي مريحه شديد و ثابته و ما بتعمل اثر وااضح شديد

في السودان حالياً اجود انواع الستيان هي الصناعة التركية متينه و مريحه و اقمشتها بارده لكن طبعاً لو لقيتي وحدات صناعة أمريكية او اروبية ف بكون احسن وأجود شديد

اذا بتومي بالستيان حاولي ما تعملي كدا لانو صدرك محتاج يتنفس و لانو الحته فيها غدد ليمفاويه كتيره ممكن الستيان يضغط عليها و تلتهب و دا دي بكون وحدة من أسباب سرطان الثدي