بما انو الكل قاعد يكتب ثريدز بسم الله بكتب مضاربتي انا وصحباتي بالمدرسة
طبعاً وقتها كان اختبارات نهائية والبنات فاير دمهم ويبو يتضاربو على اي شيء وكل وحدة تدور مشكلة عشان تطلع حرتها واسبوع كامل حرفياً كل يوم مضاربات
ويوم مايكون علينا مادتين يتضاربو في البريك اللي بين المادتين ونهاية اليوم وطبعاً هاتلك الادارة فوضى فوق تحت نازلة محد قادر يمسكهم
وجا قبل اخر يوم كان خميس واحنا بنخلص الاحد انا وصحباتي خشينا في مضاربة مع وحدة لو نتفل عليها تختفي
بس طبعاً زي ماجبنا حزب هي جابت زينا وبدون كلام بدينا نتضارب وهاتلك شد الشعر والضرب اللي صار حقيقي فيلم
بعدها وقفنا انا والبنات نتناقش ونهدي صحبتنا اللي انضربت فجأة بدون اي مقدمات تجينا بنت ماتعرفنا وتشد شعر صحبتي وهي منهارة وطبعاً مع الصدمة صحبتي ادتها ذاك الكف اللي يصن وصارو متشابكين مافكهم غير الوكيلة من فوق تصرخ والمدرسة كلها فوق راسنا يصرخو وماقدرنا نكمل جات قاطعتنا المرشدة
وطلعتني انا والبنت الادارة وصحبتي ودوها الصحة من الخدوش اللي جاتها وطلعنا مكتب و١٠ دقايق نسمع صياح المدرسة طلعو صحباتي الفزعات بيدعسو البنت اللي شدت شعر صحبتي
ومن قوة الضرب قامت مضاربه تانيه مالها دخل بالمضاربه الي بنتضارب عشانها😭 وشد شعر والي ترقعني بالطفايه والي تنط ع التانيه
وخدلك البنت منحشرة هيا و ٣ من صحباتها اللي جحدوها بعد دقيقتين وصحباتي اللي عددهم نص المدرسة كلهم يصرخو وانا من فوق اتفرج صارو اتنين من صحباتي معصبين مرة واشتد الوضع لمن صار سب مشفر وضرب وصارو يتفلو على بعض ومحد وقفهم غيري لمن كبيت مويا من الدور الثالث
من قوة المضاربه الي صارت و شد الشعر والضرب الكلام وصل ل الاداره و ل المعلمات و ل الامهات والوكيله كانت حتدخل ااشرطه ورفعت محضر
وبعدين نادتني الوكيلة انا والبنت وعشانها اصغر مني بسنة وانا خريجة الوكيلة كانت واقفة معايا لاننا كنا احسن دفعة و البنت قعدت واقفة لمن بعد الدوام وانا خرجت ورجعت بيتي اضحك
لمن جا الاحد اليوم المنتظر والبنات على احر من الجمر يبو يدعسوها واللي تقول والله لا اشد شعرها والتانية وربي لا ادوسها وحال وجا الاحد واللي ماكان بالحسبان انو الادارة قررت تحط حد للفوضى بس المشكلة كان اخر يوم
ومن الصباح طلعت الوكيلة اتكلمت في المايك وقالت اللي بتضارب بتنحرم من الاختبار وننقصها ١٠ درجات سلوك والكل كان خايف ومحترم نفسو بس هيهات خططنا تروح ع الفاضي
وعرفو من الجاسوسات اننا ناوين نتضارب ولو كلفنا حياتنا وصارو يجيبولنا بنات يهددو انهم بيسووا كذا وكذا
ولمن خلصنا الاختبار كنا مراقبين من كل مكان والاعين علينا زي كأننا مجرمين والبنت اللي بندعسها حاطينها تحت المراقبة خايفين نسويلها شيء
بس نهاية الدوام لمن خرجت البنت وراحت ورا المدرسة رحنا نتحرش فيها لكن هربت مننا وحزننا عليها قررنا نعفيها بعد ماذلينها وخوفناها
شكراً للمتابعة وكان ثريد ممتع ووحشوني صحباتي لاتنسو اللايك والشير وسوو فولو ل @gmjshitz 🤣
جاري تحميل الاقتراحات...