ودي اسولف لكم عن هذي التغريدة شوي ،، تصدقون كلام عبدالاله صح ويمكن اللي يتابعوني قبل يعرفون اني ماكثرت تغريداتي بتويتر الا بعد ماتوقف الطيران ،، ترى مسألة ان عمرك يروح على تعلم الطيران وتقنياته ومصدر دخلك معتمد عليه كلياً ثم فجأة تحس انتهى كلشي؟؟ مسألة صعبة ومخيفة،، لكن دايم
لله حكمة في تدبير امورك ومسارات حياتك وتأديبك بعد ،، مثلاً كان ابوي زعلان اني رفضت اتزوج قبل ثمان شهور والحين يقول زين انك ماوافقت ،، انا كنت زعلان اني نزلت مكتبي وصار الطيران ستاند باي والحين معتمدين علي اكثر من الكباتن ،، امي كانت زعلانة ودها نتضامن في بيت اكبر والحين تقول
ابرك ماخذينا بيت ،، واشياء كثيرة صارت بعد كورونا اكتشفنا انها كانت (خيييييرة) ،، المهم كنت متأثر اول ما جت كورونا وشايل هم شركات الطيران ومشاكل ازمة الاقتصاد على العالم كله ،، لين صارت لي مواقف ورا بعض خلتني أحس كل شي يهون ومايسوى كل هذا الهم والتفكير ،، اول مابدت رحلات الاجلاء
شفت بعيني ناس تبكي فرح أول ماوصلوا للمطار بالسعودية ،، مش كبار سن بس ،، حتى شباب وبنات مبتعثين او رايحين سياحة اختلطت مشاعرهم ودمعت عيونهم فرح اول ماوصلوا وحسوا بالأمان ،، وتكرر هذا الموقف وكنت احسبه شعور تلقائي ،، حتى سألت أكثر من واحد وبدت تنتشر قصص المسافرين بين الزملاء
زبدة القصص كلها تتمحور حول شعورك بالغربة خارج بلدك ومش بس كذا ،، تشوف مواطنين دول ثانية ينطردون من الفنادق ويتشردون على الأرصفة قدام عينك بعضهم عوايل ،، انت طبيعي بتشعر بالخوف خصوصاً ان سلطات البلد اللي انت فيه مهي فاضية لك تشتكي على سوء خدمة اوتيل أو تبلغ عن حرامي سرق منك اغراض
شخصية لان الكل مشغول بازمة كورونا ،، كونك تعيش في وسط هذي الفوضى وتسمع تصريحات رؤساء دول يقولون استعدوا لتوديع احبابكم طبيعي بتنجن وخطر تنهار نفسيتك مابين التفكير بصحتك ومابين التفكير بأهلك اللي انت بعيد عنهم وخطر اصابتهم ،، وفوق ذا منهمك بالتفكير بطريقة الرجوع والانقطاع والتشرد
مواقف وقصص كثير سمعتها وشفت تفاصيلها بنفسي ،، فهمت معنى (الانسان أولاً) والله ثم والله ان اللي سوته المملكة شي عظيم عظيم عظيم في حق مواطنينها ،، لما تكون وسط المعمعة ويتصلون عليك السفارة ويطمنونك ويسكنونك ويعالجونك وكل شوي يرسلون لك مندوب يهتم بخط سير عودتك ترى شي مش سهل ابد
خاصة وانت تشوف مواطنين دول ثانية يصيحون فالشارع او متجمعين ونايمين على كراتين وشراشف عند اسوار سفاراتهم (شفت صور لمواطنين دول اوروبية وآسيوية نايمين لأيام محد عطاهم وجه وضمنهم اطفال)
تشوف مثل هذي القصص وتتعايش معها يومياً وقتها تشعر ان الدنيا ماتسوى وان صحتك وعافيتك واجتماعك بين
تشوف مثل هذي القصص وتتعايش معها يومياً وقتها تشعر ان الدنيا ماتسوى وان صحتك وعافيتك واجتماعك بين
اهلك جوا ديرتك اهم اشياء تقلق عليها وتستحق انها تاخذ اكبر جزء من تفكيرك ،، عشان كذا صح الواحد يزعل من الاوضاع لكن يتأدب ويتعلم أن الدنيا فيها شي اسمه أولويات فيها شي اسمه إنسانية فيها شي اسمه وطن وأهل وعافية ،، كلنا ودنا بالسفر والسياحة والمتعة وانا اولكم قلبي بيحترق على السفر
لكن اذا طالعنا الاولويات خاصة انها جائحة عالمية على العالم كله مش احنا بس بنفهم أن تكاتفنا وصبرنا هو الحل بعد رحمة الله ،، بعد قرار تخفيض بدل غلاء المعيشة اليوم قريت كلام حقير من ناس تحب تشكك السعوديين في دولتهم ومعروف عنها تدور أي خبر عشان تهاجم الحكومة ،، لكن بعد اللي سوته
السعودية في أزمة كورونا والله لو يطيرون ذي الاشكال ويوقعون ما التفتنا لهم ،، وحتى قرار غلاء المعيشة يحسب للسعودية مش ضدها ،، يعني امريكا وكندا واوروبا ارقام فقدان الوظايف بالملايين وطوابير الغذاء يومياً نقرأ عنها وحنا رواتبنا وبدلاتنا سالمة واللي تخفض بدل معلن عنه أصلاً انه مؤقت
انا موظف قطاع خاص وماني في حاجة اتكلم في اشياء ماتشملني بس اقول هذا الكلام لانها اشياء شفتها بعيني وسمعتها بأذني ماراح أنساها وبأدرسها عيالي ،، وبقول لهم ان السعودية ضحت باقتصادها وقالت لنا #الانسان_اولاً وحنا قلنا لها #كلنا_معك_ياوطننا وربي شايف وشاهد
جاري تحميل الاقتراحات...