ديما بعد الفطار في رمضان الناس بتتجه للكنافه والقطايف واللطايف بكافه اشكالها بشكل غريزي وبنسبة كبيرة بتشتكي انك مش بتقدر توقف اكل حلويات مهما حاولت تقاوم
السبب انك اثناء فطرة الصيام نسبة السكر في دمك بتقل شويه ولما تبدأ تاكل ساعة الفطار غالبا بتبدأ بتمر بلبن او خشاف متحلي بسكر وبعدها تخش عالرز او المكرونة والجلاش والرقاق فاللي بيحصل ان جسمك ودمك بيستقبل جرعة سكر ضخمه بشكل مفاجيء
وكرد فعل طبيعي بتفرز انسولين عشان يقلل نسبة السكر ويعدلها بس النسبة المفرزه من الانسولين بتبقى عاليه فمش بترجع السكر للنسبة الطبيعية لا بيبقى اقل فتخش في دايره انك عايز حاجه مسكره تعلي معاك نسبة السكر في الدم وهكذا لغايه ما تتظبط
بس هل هي كدا بس؟ لا انت عندك نقطة تانيه ان الحلويات دي بتخلي المخ يفرز هرمون السعاده "السيروتونين" فانت بتحس بالانتشاء لما بتاكلها وطبيعي بتطلب اكتر زيها زي المخدرات عشان تحس انك مبسوط اكتر فتخش دايره تانيه غير دايره السكر في الدم
ازاي بقى تمنع الدايره دي او تكسرها؟ فطارك يكون طاغي عليه ويحبذ تبدأ بالبروتين والخضار والسلطه وتبعد عن الكاربوهيدرات المعقدة زي المكرونه والرز او تاكلها في الاخر عشان غالبا حتكون قربت تشبع؛ البروتين بيخلي نسبه السكر في الدم تعلى بشكل تدريجي ومعاها طبعا افراز الانسولين المضاد
ولما تطلب معاك سكريات اووي قوم اشرب ميه كتيره او كل فاكهة او بطاطا الاول حتساعدك تقلل الاحساس الفظيع دا وفي النهاية متحرمش نفسك اكيد من الحلويات دي احنا في رحله بس الكلام دا حيساعدك تقلل الكمية فمش حتتحول لدرفيل على اخر الشهر
جاري تحميل الاقتراحات...