ثريد تساؤلات وتحلطم مِعماري نتيجة الحجر المنزلي?
بيوتنا مصممة بطريقة غير صحية لصحتنا النفسية، نتعذر دايماً بالجو الحار فنصمم البيت مغلق من كل الجهات مع دريشة ولا دريشتين، في وايد حلول من ناحية اختيار اتجاه الدرايش ونوع الزجاج و...الخ.
لا تتعذر بالجو والشمس ?
لا تتعذر بالجو والشمس ?
ليش عندنا ميلس في البيت؟ جم مرة اييونا ضيوف في السنة؟ ليش الميلس ياخذ أكبر مساحة في البيت ويكون أقل استخدام من بين باقي غرف البيت؟ ليش مقصرين على عمرنا في مساحة الغرف والأماكن اللي نقعد فيها على طول عشان مكان ينّقعد فيه بالكثير نص يوم كل شهرين؟
ليش السطح مهجور؟ قبيح؟ مو مصمم للقعدة؟ ليش مانستغل المساحات الخارجية؟ دايماً العذر الجو الحار، انزين في مليون حل وطريقة واختراع ومظلة
الزرع معروف ومُثبت علمياً إنه يحسن من الصحة النفسية، زرعوا في الحدايق، حطوا زرع داخل البيت، حطوا زرع كل مكان ممكن ينحط فيه زرع ?
لا تتعذر بصغر ومحدودية المساحة المتوفرة عندك، في ناس عايشين في شقق صغيرة عرفوا يصممونها عدل وصارت أحلى من مليون فيلا!
المساحات المفتوحة في البيت تعطي شراحة واتساع للمكان، شفيها إذا ريحة الحمسة من المطبخ وصلت مكان قعدتكم؟ جذي جذاك بتبخرون البيت ?
صمموا بيتكم على قياس راحتكم، لا تتبعون شنو الناس يسوون ولا المعُتاد عليه في البيوت، أنتوا اللي بتعيشون فيه بطريقتكم الخاص وأسلوبكم الخاص، خلوه مريح وحلو ويفتح النفس أهم شي!
جاري تحميل الاقتراحات...