ثريد العاب الفيديو:
ازيكم ورمضان كريم...
كنت بديت أجرب العاب الفيديو من حوالي سنتين عشان كنت قريت عن فوائدها المختلفة للدماغ (وضررها إذا زادت عن الحد) ... عموما ما لعبت العاب كتيرة لكن منها اساينق كرييد و كول اوف ديوتي و دي لعبه حرب و استراتيجية بتتلعب اونلاين و اوفلاين...
ازيكم ورمضان كريم...
كنت بديت أجرب العاب الفيديو من حوالي سنتين عشان كنت قريت عن فوائدها المختلفة للدماغ (وضررها إذا زادت عن الحد) ... عموما ما لعبت العاب كتيرة لكن منها اساينق كرييد و كول اوف ديوتي و دي لعبه حرب و استراتيجية بتتلعب اونلاين و اوفلاين...
قبيل قعدت اتفكر في القصة دي وفي الدروس و الحكم الممكن أكون استفدتها منها و دي مجموعة من الدروس والحكم:
1-الهزيمة والفشل ما معناها نهاية اللعبة بالعكس دائما هي فرصة لانك تتعلم اتغلبت ليه وفي شنو ممكن عشان تمشي قدام وتحول الفشل لنجاح... كزول جديد في الشغلة دي اتطقطقت كتير خالص لكن كل هزيمة كنت بتعلم شي جديد (يمكن محتاج اغير الزاوية او ازيد القوة او اتدس وراء حاجه او اغير السلاح...
لحدي ما تصل للطريقة الصح للنجاح... الفشل والهزيمة بتكون دائما محطة قبل النجاح...وكذلك الحياة موش؟ مهم نستمر وما نقيف في محطة الفشل كثير (لما كنت بقدم MBA اترفضت من اول عشرة جامعات قدمت ليها عشان في امتحان ما قدرت اعملو عشان العقوبات لكن في النهاية جاني قبول و منحة من 3 جامعات
2-النجاحات الصغيرة وتدينا طاقة عشان نصل للنجاحات الكبيرة.لو ركزت في إنك تصل لنهاية اللعبة ما بتنبسط باللعب وبالمراحل الصعبة القبل الفوز. كل مرحلةوكل وحش بتتغلب عليهو او مهمة تقضيها عندها rewards
النجاحات الصغيرة في كل مرحلة هي سكة النجاحات الكبيرة استمتعو بيها واحتفو بيها
النجاحات الصغيرة في كل مرحلة هي سكة النجاحات الكبيرة استمتعو بيها واحتفو بيها
3-الشخصية الانت بتلعب بيها بتنمو وبتكسب نقاط خبرة وانت مواصل في اللعب وبتطلع لمستوى اعلى كل ما لعبت بيها حتى لو فشلت المهم إنك تلعب وتتعلم وتنمو... في الحياة برضو لو اتدسيت وتهربت من التجارب ما حتنمو ولا حتتعلم عن الحياة ولا عن نفسك وحدود مقدراتك، تمشى لمستوى اعلى... خليك لايوووق
4-الشروط والظروف البلعبو بيها المنافسين ما دايما متساوية وواحدة في ناس خبرتهم اكتر وناس دفعو قروش واشترو upgrades وناس جهازهم احسن ونتهم احسن
بس ما معناها نحرد موش. برضو نلعب و نمشي قدام
كذلك الحياة عمرها ما حتكون منافسة شريفة عشان كل زول عندو معطيات و إمكانات مختلفة
بس ما نقيف
بس ما معناها نحرد موش. برضو نلعب و نمشي قدام
كذلك الحياة عمرها ما حتكون منافسة شريفة عشان كل زول عندو معطيات و إمكانات مختلفة
بس ما نقيف
5-مهما بقيت شفت دايما في الاحسن واشفت منك (في حالتي لما لمو فيني الصرب طقطقوني خلوني التفت)
اللعبه وتحديات الحياة مفروض تعلمك التواضع و انك تخت رجلك دي في الواطة و تشوف انت وين و حجمك الفعلي شنو
انت لست الأجمل او الأشطر او الأغنى او الأشفت في الدنيا دي... دايما في البطقطق بمزاج
اللعبه وتحديات الحياة مفروض تعلمك التواضع و انك تخت رجلك دي في الواطة و تشوف انت وين و حجمك الفعلي شنو
انت لست الأجمل او الأشطر او الأغنى او الأشفت في الدنيا دي... دايما في البطقطق بمزاج
6-دايما خليك شليق واتشوبر والعب مع الناس الألعب منك حتى لو طقطقوك عشان حيجبروك تتعلم سريع وتتحرك سريع عشان تلحقهم... في الحياة برضو لازم دايما نتمسك بعقلية النمو growth mentality عشان نقدر نجبر نفسنا على التطور بس مهم برضو ما نحرد وندبرس من انو نحن تعبانين لسة
7-في معظم الأحيان الطريق الأقصر والاسهل للفوز إنك تتعاون مع فريق... تغطو بعض في المراحل الصعبة وتطلعو مع بعض باستراتيجيات للنجاح والفوز... وفي النهاية أي فوز هو فوز ليكم كلكم...مهم برض تعرف القيمة الممكن تضيفها للفريق شنو... انت حريف في شنو وما حريف في شنو؟
يكون مناسب لو كنت جزء من فريق بيغطي ليك الحاجات الانت ما حريف فيها عشان تمشو قدام...بعدين ماضروري تكون بتعرفو بعض وفرد وكده... أي افراد عندهم اهداف مشتركة يتحركو مع بعض طوالي وسريع وكل زول يغطي حتتو ودورو... تتذكرو ثورة ديسمبر ? اها دي ما محتاجة شرح زاتو موش؟ دي الحياة زاتها
8-البريك مهم شديد... مهم عشان ترتاح وتصفي راسك وتحلل حصل شنو واتعلمت شنو و في شنو ممكن تعمل بشكل مختلف عشان افوز المرة الجاية و اتغلب على التحدي المعين الما عرفت ليهو...المهم البيرك ما يكون شهور لحدي ما تنسى هي في شنو كان و تقع في الأخطاء مرة تانية...
افتكر كده كفاية و لو عندكم انتو أضافة حبابكم ورونا اتعلمتو شنو :-)
جاري تحميل الاقتراحات...