رتبها

ابغى انعنش التايم لاين
هذي رحلتي لسفاري بونشاك
اول مره اشوف فم الفيل من داخل والزرافة عالطبيعة

اجمل غروب عشته مدري ليش مع انه كان بالصدفه ولا هو مخطط له بس كان حلللو
شاطئ بالي الجميلة

سمك مشفوح

صورة لهم

الفندق هذا حلو كان لنا فله كبير بمسبح خاص وكان فيه بلياردو واشياء وكتب حلو مره

مطار حمد الدولي والعياذ بالله

تخيلتوا بيوم انكم تفتحون عينكم على هذا المنظر؟؟ كنت اسهر وانا اتامل حللو طول الوقت تمر بواخر وبعضها شكهلا عجيب

السرير اللي اتامل المنظر منه والمنظر عن قرب من الشارع ومن المسبح

الغروب مسرع
عاد انا كل شيء اصوره مسرع اغلب الغروب المميز والعادي اصوره
عاد امي وابوي يحترمون حالتي هذي عادي ينتظرون شهر عشان اصور ومستحيل اجلس بدون كاميرا اوثق فيها

صار فيه خطأ فني نسيت انزل صورة فم الفيل😭😭

انظروا كيف تغرب الشمس في عالم ماينكرافت

سويت وجبه صغيره😂😂😂

رحلة عائلية للدمام
هنا لقيت هذاك اللي قتل زوجته

رحت الكويت صورت الكويت❎
رحت الكويت صورت ابراج الكويت✅

سويت ملابس للدمية بيدي

بالكويت عندهم هذولي يبيعون شبسات بالكيلو يمم لذيييذذذ

الصورة اللي يسار هذي احبها مدري ليش واسميها سلندر مان ويسار هذا برجر طلبوه لي اخواني يوم جيت اكله لقيت كله نمل للحسن بنفسي كلهم بسريلانكا بمدينه بنتوته بمنتجع اسمه افاني
هذي المدينه والمنتجع حابتهم مررره كان فيه فعاليات واشياء وامواج البحر كانت كانها جبال من طولها

مكة رمضان اللي فات

كنا نتابع نهائي كاس العالم ٢٠١٨ والصورة الثانية الفندق بالنهار

فعالياتنا العيد اللي الفات ببيت خوالي بالقصيم
الصورة الاولى الشروق من السطح
الشارع
كنا صافين ورا بعض ونسوي حركات بالظل من الطفش
سينما السطح

بالراشد مول حملة توعوية عن السكري
كانوا معلقين جزمة عن كل قدم بترت بسبب غرغرينا السكري وكاتبين على كل جزمة صاحبها وعمره

حب الاستقعاد منزله صورة كامله بس عشان اصور الخطأ المطبعي السخيف جداً
فراغة

سوق المسوكف الشعبي بعنيزة

فاكهة الكاكاو
الجزء الابيض ينوكل كذا يعني كفاكهة عادي وطعمه يشبه طعم فاكهة (قشطة)
اما تقولون طيب وش لون يسوون الكاكاو فالجواب هو من قشرة البذرة السوداء هذي
اول شيء يقشرونها وياخذون القشور ويجففونها ويطحنونها عاد الى اخرة

هذا من مصنع شركلاته ببالي جزيرة الحب
كانوا شارحين لنا بالتفصيم الممل كيف تتم عملية صناعة الشكولاته وبالجدران بعض مكونات لانواع كثير من الشوكلاته

انوااااع كثيييير وخيارات كثثيير من الشوكلاته طلعت من المصنع مفلسة

التغليف كان عجييب والكمية الكبيرة حاطينها بكرتون ومعها اشياء تبرده

كيف شكل الارض من تحتك وانت بالدور الخامس

المطل من الارض
طبعا كان بسفاري استراليا بجزيرة بالي
وصور بعض الاشياء مدري ليش ماصورت كثير بس كنت امره بحالة المالي خلق اصور
طبعا هذا وانا مالي خلق لو لي خلق حتى عطستي اوثقها

بعض الدول مثل سريلانكا والهند يعتمدون اعماد كبير على التوكتوك والصراحة انه اجمل وسطلة تنقل احبببه مررره
فبالايام اللي نخلص جولتنا بدري اطلع للشارع واركب مع توك توك واقول له يوريني اماكن قريب
نمشي بوسط الحارات نشوف العالم عن قرب
متتتتععه يعني نشوف البوذيين كيف يشيعون جنازتهم

والناس كيف ببيوتهم واللي رايحين للمدرسة واللي طالعين منها والطلاب متجمعين قدام البقالة
حللو مو زي السيارة تكونون تمرون بسرعه فما تشوفون زين

يلهوي معقوله انا كنت هنا!!مو طبيعي المنظر ياستير

المنظر وقت الغروب

خوذوا جرعة نجوم🌌
هاذي طاازة الان

صور من منتجع ديرتي ببريدة
عاد حامت كبدي منه كل ما جينا القصيم رحنا له
كل مره رنق رنق مرره وحده يكففييي

القبة الفلكية بجامعتنا كنت رايحه رحله
شفتوا الابيض اللي فوق؟ هذا يطفون الاضاءة ويشغلون جهاز وتصير نجوم كانكم بوسط النجووم حللللللللللو

كانت الرحلة لمتحف تاريخ العلوم والتقنية في الاسلام والقبة الفلكية بجامعة الامام محمد بن سعود الاسلامية
اتحداكم اذا كنتوا تعرفون ان فيه متحف كذا بالرياض
طبعا ذا ولا شيء مرره كبيييييير وفيه اشياء كثيير من كل المجالات

فعالياتنا مستمرة
تلقون نشاطات اطبعوها وسووها والله متتتعة
فيه اشياء تصصونها وتسوون زينه فيه اشياء تسوون كوميكس وتوصيل ومتاهه وكثير اشياء مشكلته انجليزي بس
toysrus.com

www.toysrus.com

وقت عمل البسكويت اللذيذ🍪
يوم خلصنا تلوين سويت لهم عجينة بسكويت بيتفور وقسمتها عليهم وخليتهم يشكلونها باللي يبون
**على فكرة قصاصة القلب سويتها بنفسي بالقصدير تعرفون مو بيتنا الصدقي فالامكانيات شوي ضعيفة

وقت تشكيلها ❤️
وعلبة الكركم توقيع عالصور
اخوي مسوي اشكال محد يفهمها غيره عاد مصور مقطع يشرح العمل الفني حقة بحاول انزله هنا اذا كان قابل للعرض

وقت الخببز🔥
*اخر صورة هذي اشكالي العجيبة بس عينكم على خبزة التوست😂

امس الكهرب يطفى علينا كلشوي
هذي اخوي يوم شافني اصلي شغل فلاش جواله وخلاه ينور علي
الصوره الثانيه طلعنا من البيت وجلسنا تحت نور الهلال
بعدين يوم رجع الكهرب طبعت صوره وجلست الونها

بخشتنا بيبني ابوي فيها عريش فبيروح نصها احس قهر ابي رمل كثير
القمر اليوم شكلة مرره حلللو خصوصا يوم قرب للارض
يارب اروح لققممرررررر

1/انا واختي بابها نسوي مغامارت
2/اخوي وامي ملبسته بجامة بناتية
مدري وش عند عماني مايصورون صورة جماعية الا بدرج

قههر كان باقي بس 290 خطوة واكل 14000خطوة بس جت الساعة 00:00 قبل اوصلة
عاد القمر كان يبين شوي لين بالاخير اختفى من الغيوم

صورة ثانيه للقمر

مراحل محاولة القمر للظهور ☁️🌖☁️
من اسبوع الجو غيوم وبروق ورعود شوي تمطر شوي تغبر شوي هواء و حتى وانا انزل الصور اندفن وجهي تراب 😫 حتى من يوم حبة رملة ساكنه بعيني
هذي ضريبه يكونونن اجدادك هاجروا للنفدان لانك بتتعود تتعايش معها داخل بيتك عادي جدا كومة تراب داخل البيت طبيعي جداً

تذكرون يوم سوينا شوكلاته ذاك اليوم؟؟ يوم ماكان فيه كورونا؟ اي هذاك نفسه ماغيره سويت له مونتاج وتوه يخلص 😂

اليوم سوينا بيت للولو عشان بتولد وحنا نشتغل فهد جاب لنا قهوة وصافها بطريقة واااو يسوي لنا اغراء عشان نخليه يدخل يسوي معنا
عاد بعد كل هالمعركة ماعجبها🙂