أنا متضايقة من الفكرة المتداولة بتاعة أرح ننجز و نتعلم و نشتغل و نبدأ مشاريع في فترة الحظر و القعاد في البيت.
ليه ما بس نعيش المرحلة زي ما هي كدا من غير ضغوطات نفسية بتاعة اننا لو ما عملنا حاجة مهمة معناها احنا ضيعنا زمن؟!
ليه ما بس نعيش المرحلة زي ما هي كدا من غير ضغوطات نفسية بتاعة اننا لو ما عملنا حاجة مهمة معناها احنا ضيعنا زمن؟!
الانجاز الحقيقي انك فعلياً تكون عايش المرحلة بكل تناقضاتها و حقيقتها و صعوبتها من غير أي إلتزامات و أي شعور بالذنب.
في نسبة كبيرة جداً جداً جداً من الناس حرفياً ماخدين فكرة اقرا ٣٠ كتاب و أخد ١٣ كورس اونلاين و أضعف ٢٠ كيلو كتحظي مع روحهم في مرحلة حرفياً صعبة شديد و أنا بحس أنه التخديات دي كلها هي مهرب من التعايش من التجربة.
أهم شيء عشان الناس تعرف تنجز هو وجود الإحساس بالراحة، من قبل توفر الوقت و الانضباط، الراحة تأتي أولاً عشان أي زول يعرف ينجز زي الناس.
و إحساس الراحة حالياً ما موجود، مافي! لأنه ببساطة الناس فقدت أبسط مقومات الراحة و هي: الحرية!
و إحساس الراحة حالياً ما موجود، مافي! لأنه ببساطة الناس فقدت أبسط مقومات الراحة و هي: الحرية!
حرية انك تطلع و تمشي و تجي و بس إحساس انك لو عايز حاجة حتعملها ، الإحساس دا مافي يخوانا!
فمافي داعي نتظاهر انه كل الأمور تمام و ندعي الإيجابية و انه الوضع عادي ، عشان هو ما عادي!
قيمة الحرية قيمة كبيرة شديد ما نستهين بيها.
فمافي داعي نتظاهر انه كل الأمور تمام و ندعي الإيجابية و انه الوضع عادي ، عشان هو ما عادي!
قيمة الحرية قيمة كبيرة شديد ما نستهين بيها.
ممكن تكون أصلاً زول بيتوتي، لكن فكرة انك "مجبر" تقعد في البيت تخرب ليك مزاجك. دا عادي، دا طبيعي ..
الانجاز محتاج عناصر غير الوقت و الانضباط بس، محتاج اطمئنان و أمان و مزاج .. يعني ما لازم تحس انك فاشل عشان ما قاعد تنجز في وقت الحظر!
فبدل الناس ما تخت باقي طاقتها دي في خطط و انحدجازات ، خت طاقتك في حاجة بتهون عليك صعوبة المرحلة .. مهما كانت الحاجة دي هايفة في نظر الآخرين.
لو بترتاح في النوم، نوم. لو بترتاح للافلام، أحضر افلام. لو بترتاح تمارس اللاشيء، مارس اللاشيء.
دي ما حاجات بتجعل منك انسان غير منجز!!
لو بترتاح في النوم، نوم. لو بترتاح للافلام، أحضر افلام. لو بترتاح تمارس اللاشيء، مارس اللاشيء.
دي ما حاجات بتجعل منك انسان غير منجز!!
ما لازم تطلع من المرحلة دي بأي انجاز ملموس .. المهم تعيشها زي ما هي و تطلع منها و انت كويس، بس كويس.
جاري تحميل الاقتراحات...