توي اشتري اغراض للبيت وبرجع وقلت يطول اللفه بما اني طفشان وماطلعت من كم يوم المهم رحت لاخر نقطه في الحي حقنا على اساس باخذ اليوتيرن وارجع الحي والاقيه مقفل بصبات والتدويره الثانيه من الحي الثاني ورحت يمها والا الدوريات يسفطون العالم فيها وانا اهج عنهم وادخل من الحي الثاني

المهم وانا ادخل الحي الثاني وانا ابعد عن بيتنا يمكن خمسه كيلو ابعدت مره مره وقلبي ينبض بسرعه وقمت اتراقف من الخوف واتخيل ابوي يهاوشني على العشر الاف وانا طالع من الحي الثاني في جسر يودي على بيتنا المهم ناوي اروح منه ومع خرجتي من الحي الثاني في عسكري مع كامري بيضاء سريه سفطني

وهو يسفطني وينزل لين عندي يطلب الاثبات وهنا انا مجهز الفيلم عشان ابدا اشرح له وهو يشوفني قال من وين جاي قلت من بيتنا كنت ابي المحطه اللي في الحي ولقيتها مقفله وجيت ابي التدويره عشان ارجع والاقيها مقفله وانحديت اجي من هنا غصب عني ما كنت ادري انا برصل لها النقطه البعيده وطالع فيني

قال يعني انت مو من ها الحي وهنا عرفت اني اكلتها وجابته قلت لا بس قويب بيتي من هنا مره قال اوصفه لي وانا جلست اوصف وعيا يعرفه المهم قال انت موضوعك صعب وعجزان اصدقك قلت يا مسلم شف التانكي مصفر والمحطه والله انها قافله قال اثبت ان بيتك قريب وانا اللي اتذكر حافظه في قوقل ماب

وافك له قوقل ماب واطلع له البيت وشافه قال هيا امش قدامي لين توصل الحي حقك عشان اشوف انت صادق ولا لا المهم وصلت لين بقالة الحي وانا اوقف واقوله هذا الحي حقنا وهو يعتقني المهم احب اشكر ذا العسكري على دقته وحذره والله لو بيدي لاعشيه قعود لكن الظروف تمنع ذلك وسلامتكم ??