الشي الي مايعرفة الكثير ان الطب في بريطانيا مايعتبر جسم الانسان آله والعرب كلهم مايعجبهم الطب في بريطانيا وانه مافيه اهتمام بالمرضى لكن الحقيقة هم يعلموك كيف تهتم بنفسك وصحتك وترفع مناعتك بنفسك بدون الحاجة لهم واقروا اكثر عن العائلة المالكة في بريطانيا كيف يعالجوا انفسهم
في كثير من الاحيان اول ماجيت بريطانيا كنت اي تعب بسيط اشعر به اروح للطبيب الخاص بي وكل مرة اخرج بدون علاج أو دواء واتذمر واعتقد أنهم فاشلين لكن مرة بعد مرة كنت اقرأ واعلم نفسي إلى أن عرفت أن أسلوبهم كذا .. إذا كان وضعك مافيه حياة أو موت يعني جسمك يقدر يعالج نفسه بنفسه
يعني لو ماعندك كسر أو نزيف شديد أو حالة خطيرة تستدعي الجراحة راح يخلوك تنتظر ساعات وتدخل الدكتور وتطلع منه بدون مايعطيك أي دواء حتى المسكن أحيانا مايعطيك ??♀️ كل العرب يستغربوا من الوضع هذا لأنهم متعودين يدخلوا العيادة وفيهم صداع بسيط ويخرجوا بي ٣-١٠ أدوية على الأقل
طبعاً أتكلم عن كل الدول العربية بلا استثناء للأسف .. والكل متبرمج أن هذا هو الطب الصح وهذا هو الاهتمام الصح ومقتنعين تماما وأن الأدوية المصنعة هي فقط العلاج الوحيد لأعراضهم وأمراضهم
أول مابدأت الدكتوراة كانت تجيني أعراض دوخة في الرأس وماعمري حسيت بها لدرجة مرة دخت فالشارع وسقطت فقررت أحجز موعد عند العيادة ورحت وحطيت للطبيبة عن حالتي طبعا قاست لي ضغطي لقته طبيعي وسألتني عدة اسألة عن وضعي النفسي ودراستي ..أش تتوقعوا اعطتني ؟
مااعطتني ولاشي قالت لي انتي تحتاجي تسترخي شوي وتهوني على نفسك ووتتنفسي كويس وانا ? أقول أش فيها ذي الخبلة .. المهم قالت اعطي نفسك اسبوع راحة وشوفي بعدين كيف اذا استمرت الحالة ارجعي لي وفعلا حاولت استرخي قدر الامكان خلال الاسبوع وراحت الدوخة الحمدلله ورجعت طبيعية
أنا كنت أعرف نبذه عن النظام عندهم أن المضادات الحيوية لاتعطى لأي شخص إلا في الحالات الخطيرة واذا استمرت الحمى أسبوع أو أكثر خصوصا للأطفال وكثير ناس يجيبوا أطفالهم وهم مسخنين وحالتهم حالة وفالنهاية يعطوهم مسكن وينتظروا حتى تنزل السخونة ويقولوا لهم ارجعوا بيوتكم
لكن ماكنت أعرف بالضبط هم كيف يتعاملوا مع المرضى وعلى أي اساس .. طبعاً هذا شي يصعب فهمه على مجتمع عاش طول عمره على الأدوية المصنعة وأن الطبيب الجسدي هو اللي يحل لك كل الأعراض الجسدية والنفسية وهذا المتعارف عليه في الطب عند العرب
بس هنا في بريطانيا طبيعي تكون تحس نفسك تعبان ومسخن وحالتك حالة تلقاهم اعطوك بنادول وخلوك تنتظر وقالولك استرخي وبعدين خلوك ترجع البيت لأنهم عارفين أن فيك غالبا بسبب الضغط النفسي اللي عايش فيه من دراسة أو عمل أو غيره
مع العلم أن الانقليز صحتهم جداً ممتازة ونظام الحياة عندهم صحي جدا.. لو تجلس معهم تلقاهم يسحبوا نسبة السكر اللي اكلوها فاليوم وأنهم لازم يومياً يعلموا رياضة سواء جري أو مشي أو يروحوا الجم وحتى في الوضع الراهن الحكومة سمحت لهم يطلعوا يعلموا رياضه فالخارج لأنهم شي مهم في ثقافتهم
كلامي هذا ليش مدح وليس ذم سواء في النظام البريطاني أو العربي هو فقط شرح للفرق بين الاثنين ولم أذكر أي دولة عربية بعينها فلا يجي أحد يتفلسف ويقولي بلدنا ولا بلدك ولا بلد مدري مين
ومعلومة أخيرة: أغلب الأطباء والممثلين للصحة في بريطانيا مؤمنين بضرورة العلاجات الطبيعية والأكل الصحي والرياضة والريكي واليوغا والمساج والاسترخاء النفسي والتأمل ويمارسوها بانتظام وينصحوك بها بدون مايشعروا أن هذي العلاجات تسبب خطر لهم أو تهددهم
وفي الجامعات في كلاسات يوغا وتأمل مجانية للطلاب والموظفين بشكل مستمر مع تعلم الطب والعلوم الحيوية الأخرى بدون مايشعروا أن هذا يعارض العلوم الأخرى لكنهم مؤمنين أنها كلها علوم تكمل بعضهت البعض
وحتى الآن رغم اقفال الجامعة الكلاسات مستمرة أون لاين .. بس انتهى
@Rattibha ممكن ترتبوا لي التغريدات السابقة ??
جاري تحميل الاقتراحات...