ثريد وفيديو ?? مهم جداً!!
الروتين الصباحي اليومي بتاعي عشان في ناس كتيرة سألتني (نفرين بس?) بتعمل شنو يعني مدام بتصحى من ٧ صباحاً.
المهم الموضوع بسيط وجميل ولما تبدأ صباحك كدا يومك كله بكون رايق مهما اتعكست معاك حتلقى نفسك رايق ومتفائل وعندك طاقة تعمل اي شي.
الشرح تحت??
الروتين الصباحي اليومي بتاعي عشان في ناس كتيرة سألتني (نفرين بس?) بتعمل شنو يعني مدام بتصحى من ٧ صباحاً.
المهم الموضوع بسيط وجميل ولما تبدأ صباحك كدا يومك كله بكون رايق مهما اتعكست معاك حتلقى نفسك رايق ومتفائل وعندك طاقة تعمل اي شي.
الشرح تحت??
?اول شي بفتح الستارة عشان جسمنا فيو خلايا بتستشعر الضوء وبتعرف انه الصباح جا فبتوقف افراز الميلاتونين ودا الهرمون البيظبط لينا الساعة البيولوجية.
?تاني شي المنبه ما يكون جنب السرير عشان ما تمد يدك وتقفله وانت ما حاسي.
كدا حتضطر تقوم ليهو ولما تقوم خلاص تاني ما ترجع السرير تاني.
?تاني شي المنبه ما يكون جنب السرير عشان ما تمد يدك وتقفله وانت ما حاسي.
كدا حتضطر تقوم ليهو ولما تقوم خلاص تاني ما ترجع السرير تاني.
?الموية حبيبتي الموية!!
طبعا اذا نايم ما بين ٧-٨ ساعات دي فترة طويلة جسمك بيكون فيها ما اخد موية وبيكون في حالة جفاف وتركيز الموية الفي الجسم عالي ومليان مواد ضارة فلازم اول شي تشرب موية عشان تقلل تركيز المواد دي وتدي جسمك الموية المحتاجها.
طبعا اذا نايم ما بين ٧-٨ ساعات دي فترة طويلة جسمك بيكون فيها ما اخد موية وبيكون في حالة جفاف وتركيز الموية الفي الجسم عالي ومليان مواد ضارة فلازم اول شي تشرب موية عشان تقلل تركيز المواد دي وتدي جسمك الموية المحتاجها.
?اهم نقطة هنا انه تلفونك ما تفتحوا لحدي ما تخلص البرنامج دا كله. حتى لو حتحتاجه لليوتيوب او غيره ما تخش واتساب ما تخش سوشيال ميديا لانه مرات كتيرة اول شي بنشوفه في يومنا بكون سلبي (تكتشف انك سفهوك، ردموك، اي شي) وبسببها الصباح كله حيبوظ واليوم كذلك. عشان كدا بعد تخلص حاجاتك دي..
ممكن تفتح التلفون حتكون الريدي كونت طاقة ايجابية تخليك عادي مع اي شي ممكن يلاقيك في السوشيال ميديا بدون ما يأثر على مزاجك.
?اليوقا دي اكتشفت انها بتنشط الزول وبتصحص بيهو زيادة وبتفك ليك القطايع و العسيم بعد النوم ومع التنفس الكويس بتحس بي نشاط ما طبيعي.
خشو يوتيوب اكتبوا Morning yoga stretch
واختاروا فيديو مدته مناسبة معاكم ١٠ دقايق مناسبة. واستمتعوا.
خشو يوتيوب اكتبوا Morning yoga stretch
واختاروا فيديو مدته مناسبة معاكم ١٠ دقايق مناسبة. واستمتعوا.
?التأمل او meditation برضو مريح جداً وبيخلي مخك رايق وبيقلل ليك التوتر وعنده آثار مفيدة اثبتتها دراسات كتيييرة لي جوانب كتيرة في الجسم وصحتنا.
برضو كبداية ممكن تفتح فيديو في يوتيوب.
Morning meditation خمسة دقايق مناسبة.
برضو كبداية ممكن تفتح فيديو في يوتيوب.
Morning meditation خمسة دقايق مناسبة.
?Journaling هي زي المذكرات وعندها فوائد كتيرة وفكرة انك تطلع افكارك واحساسيك في ورقة بتخليك منظم اول شي وبترتب ليك افكارك، بتنظم ليك اهدافك وبتديك مجال تعبر عن الجواك، زعلان فرحان اي شي.
اتخيل نفسك بتكتب رسالة لي روحك بتحكي ليها حصل شنو امبارح.
متعتها لما تقراها نهاية كل سنة.
اتخيل نفسك بتكتب رسالة لي روحك بتحكي ليها حصل شنو امبارح.
متعتها لما تقراها نهاية كل سنة.
بضيف للموضوع دا حاجة مهمة اسمها gratitude journal اللي هي انك تكتب الحاجات الانت ممتن ليها، اي شي، كلنا مهما كانت حياتنا جايطة في حاجات كتيرة ممكن نحمد ربنا عليها.
كونك كل صباح تفكر فيها وتكتبها، بتشغل تفكيرك عن الحاجات الجايطة في حياتك وبتديك تفاؤل لانك حتتذكر انك في نعمة برضو.
كونك كل صباح تفكر فيها وتكتبها، بتشغل تفكيرك عن الحاجات الجايطة في حياتك وبتديك تفاؤل لانك حتتذكر انك في نعمة برضو.
?الرياضة الصباحية ما لازم تكون الرياضة الوحيدة في يومك لكن لو عملت تمارين بسيطة كدا برضو بتديك طاقة ونشاط وبتحسن ليك مزاجك برضو.
بستخدم تطبيق اسمه home workout كل يوم بديني تمرين معين بكون ما بين ١٠-٢٤ دقيقة.
بستخدم تطبيق اسمه home workout كل يوم بديني تمرين معين بكون ما بين ١٠-٢٤ دقيقة.
? القراية غنية عن التعريف طبعاً ولو كل يوم قريت ٢٠ دقيقة بس بالصباح حتقرا كتاب كل اسبوعين.
يعني في السنة ٢٤ كتاب!! بس ٢٠ دقيقة وانت بتشرب في شاي الصباح كدا وخالف كراع فوق كراع.
٢٤ كتاب!! قصاد ٢٠ دقيقة بس بتقضي اضعافها في التلفون قبل ما تقوم من السرير.
يعني في السنة ٢٤ كتاب!! بس ٢٠ دقيقة وانت بتشرب في شاي الصباح كدا وخالف كراع فوق كراع.
٢٤ كتاب!! قصاد ٢٠ دقيقة بس بتقضي اضعافها في التلفون قبل ما تقوم من السرير.
?شمس الصباح مهمة لنفس النقطة الاولى بتاعت الميلاتونين. بتزبط ليك ساعتك البيولوجية وجسمك بيفهم انه الدنيا صباح عشان بالليل تنعس سريع وتنوم بدري.
في دراسات اثبتت انه الموظفين البيتعرضوا لي شمس اكتر خلال اليوم أداءهم اعلى، اكثر سعادة ونشاط.
افضل وقت للشمس ما بين ٦ لي ٨:٣٠ صباحاً.
في دراسات اثبتت انه الموظفين البيتعرضوا لي شمس اكتر خلال اليوم أداءهم اعلى، اكثر سعادة ونشاط.
افضل وقت للشمس ما بين ٦ لي ٨:٣٠ صباحاً.
?الفطور طبعا ما محتاج شرح وتفريش الأسنان بعد الفطور آخر شي عشان كدا انا ضمنت انه خشمي حيكون نضيف طول فترة النهار بعد وجبة الفطور.
خصوصاً انه بعد ما تتسوك بالليل ما بيكون في اكل باقي يعمل ريحة ولا شي وبتكون امورك واضحة.
خصوصاً انه بعد ما تتسوك بالليل ما بيكون في اكل باقي يعمل ريحة ولا شي وبتكون امورك واضحة.
أخيراً حابي اعمل زي تحدي انكم تجربه الحاجة دي اسبوع وانا بضمن ليكم انكم حتحسو بي فرق في يومكم ونشاطك، قرايتكم، شغلكم، مزاجكم واي شي تاني.
الحاجات دي بتاخد ما بين ساعة لي ساعة ونص كلها.
ساعة ونص بعيدا عن اي ازعاج ممكن تلقاهو خلال اليوم. ساعة ونص ليك انت بس ولي سعادتك.
الحاجات دي بتاخد ما بين ساعة لي ساعة ونص كلها.
ساعة ونص بعيدا عن اي ازعاج ممكن تلقاهو خلال اليوم. ساعة ونص ليك انت بس ولي سعادتك.
جربوا اصحوا ابدر بي ساعة ونومو ابدر بي ساعة عشان كل يوم تعملوا نسخة من الحاجات دي وصدقوني الفرق كبيييييييير جدا والاحساس الجميل البيجي منها حيخليكى تستمروا عليها!!
مين قدها؟؟
مين قدها؟؟
جاري تحميل الاقتراحات...