إيش يعني حب الذات ..سؤال كثير يوصلني و راح احاول ابسطه بلغة بسيطة و أمثلة و ارتب لك مخك ? #حزب_اللي_يحبون_انفسهم
✅الجسد المادي : لو تعملي رياضة وتهتمي في اكل نظيف و دايما جسدك نظيف و ريحته طيبة و تعملي ماسكات و تهتمي في بشرتك و شعرك و مظهرك و جمالك و تاخذين فيتاميناتك و تعملين مساج لوجهك و جسمك هذا يزيد من حب و احترام الذات .. كتري يا حبيبتي كتري #حزب_اللي_يحبون_انفسهم
ولا ننسى الكشخة و يكون في مكان بمخك انه ايش البس بكره ؟ ايش احط مكياج بكره ؟ مثلا ،، الافكار هذي تدعم أنوثتك و الجمال بصفة عامه يعطي الأنثى طاقة و يغير من نفسيتها كثير .. ابدعي يا حبيبتي و استمتعي بالألوان و الحلي شوفي تفسير آية {أَوَمَنْ يُنَشَّأُ فِي الْحِلْيَةِ } يعني فطرة
✅ الجسد المشاعري: اهتمي في مشاعرك و احتويها و احترميها اذا سلبيه لا تأنبين نفسك عادي عيشيها واذا بهجة عبري عنها لا تخافين .. اعملي تمارين تفريغ المشاعر و ابتعدي عن استجداء اهتمام الآخرين او كثرة التبرير و الاعتذار و السلوكيات اللي تزيد من مشاعرك سوء ترا محد له عندك شي
اعطي مشاعرك مساحة من وقتك انه تتكلمين معها و تشوفين شلون كنتي قبل شهر او قبل سنه وكيف تطورتي لو مثلا فيه موقف يخوفك و صار مره اخرى ولا خفتي نطي و افرحي و جيبي لنفسك هدية و قولي براڤو يا حلوه انتي بطلي راجعي مقياس هكس للمشاعر و تقنيات التعامل مع المشاعر اللي تبحث و تتعب تحب ذاتها
✅الجسد الذهني : تبني افكار و معتقدات ايجابية تجاة نفسك و كيف تشوفينها،اي برمجة صارت لك في الطفولة مثلا انتي مو حلوه زي فلانه او انتي ما تفهمين الخ،نظفيها و حطي مكانها قناعات جديدة و كرري توكيد (انا احب نفسي و أتقبلها بالكاااااامل) انتي كائن مكرم من الله كيف تسمحين لنفسك بالأقل
✅الجسد الطاقي: اللي تنظف طاقة المكان كل يوم و تتحصن بالأذكار و ترتب مخها و محيطها و تشيل الكراكيب من حياتها و تقراء القران و تدعي و تصلي و تبتعد عن الناس المؤذية او الحسابات المنخفضة هذي تحب ذاتها بقوة .
المشاعر السيئة تجاة الآخرين و الحسد و الغيرة منافيه لمفهوم حب الذات .. حبي نفسك و حبي حب الاثنى الاخرى لنفسها .. تمني لها السعادة و امدحي جمالها و ذكائها و ساعديها لو طلبت منك و ادعي لها بالخير عشان تزدهرين #حزب_اللي_يحبون_انفسهم
و بالنسبة للرجل طبق الكلام عليك بطريقتك عاد مافي اعيد ? .. و شاركوني كل شي يزيد و يعزز حب الذات في الهاشتاق عشان نكبر الدائرة و ندعم المفهوم هذا #حزب_اللي_يحبون_انفسهم
جاري تحميل الاقتراحات...