بص ياسيدي هرغي في ثريد عن حياة الكلاب البلدي في الشارع وعن حاجات بتحصل يوميا قدام عينكم ومبتاخدوش بالكم منها
حياة الكلاب في الشارع لو ركزت معاهم هتلاقي عالم كامل بقوانينه بأخلاقه بمغامراته وليلة كبيرة حضرتك
حياة الكلاب في الشارع لو ركزت معاهم هتلاقي عالم كامل بقوانينه بأخلاقه بمغامراته وليلة كبيرة حضرتك
الكلاب البلدي بتعيش في مجموعات وبيوزعوا الرتب مابينهم طبعا بناءا على القوة زي معظم الحيوانات ، الاجتماعية عند الكلاب أهم من الأكل والشرب ودا يفسرلك ليه ممكن تلاقي كلب بلدي في الشارع لوحده تجيبله أكله ومياكلش ويسيبك ويمشي.. الأكل مش من اهتماماته دلوقتي هو بيدور على مجموعة ينضملها
الكلاب عموما أخدت حتة الاجتماعية دي من أسلافهم الذئاب .. بنعيش سوا ، نهاجم ، ندافع ، نصطاد مع بعض ، الكلاب البلدي بقى في الشارع عندهم سبب إضافي وهو الأمان من فصيلتهم نفسها ، حروب مضطر الكلب يخوضها في كل مكان بيمشي فيه فاللي هو أدخل مجموعة اتضرب كام مرة وخلاص
ودا يفسرلك ليه ممكن تشوف كلب جديد في منطقتك كل شوية مجموعة المنطقة تتلم عليه يضربوه ، ليه مبيهربش؟ ماهو كدا كدا هيتضرب فشوية وهيتعودوا عليه وهياخد رتبة هو كمان وخلاص
المجمعات بتبقى قادة مترتبين مفيش بابا مفيش عيالي ، انت بمجرد مابتتولد وتعدي سن معين بتخرج من حماية أمك وبتتعامل ككلب في المجموعة وتاخد رتبة انت وشطارتك وشجاعتك بقى أو نطردك برا خالص ودا اللي بيحصل غالبا من الألفا مع الولاد أول مابيبلغوا بالذات
كل مجموعة بتلم بعضها وتنظم رتبها وبتحتل منطقة ما ومع الوقت بيبقى دا بيتهم اللي ممكن يفضلوا فيه طول حياتهم ميعرفوش غيره ولا يعرفوا إن في عالم تاني برا أحيانا 😁
عندك مثلا قصة الكلب دا معايا اقرأها كدا
وبص على صوره برا منطقته ، بقاله ١٠ سنين مشافش إلا شارعنا فميعرفش من العالم إلا كدا .. لما غامر وخرج ورايا كان مستغرب ومخضوض 😂
وبص على صوره برا منطقته ، بقاله ١٠ سنين مشافش إلا شارعنا فميعرفش من العالم إلا كدا .. لما غامر وخرج ورايا كان مستغرب ومخضوض 😂
حياتهم عبارة عن ايه ؟
نوم معظم اليوم النهار كله غالبا ودا بسبب طبيعة حياتهم بيختفوا مع نشاط البشر ومبيخرجوش إلا لهدف اضطراري زي أكل ولا كلب غريب معدي أو أي حاجة غريبة هم مش متعودين عليها تحصل فضولهم بيحركهم يشوفوا في ايه
نوم معظم اليوم النهار كله غالبا ودا بسبب طبيعة حياتهم بيختفوا مع نشاط البشر ومبيخرجوش إلا لهدف اضطراري زي أكل ولا كلب غريب معدي أو أي حاجة غريبة هم مش متعودين عليها تحصل فضولهم بيحركهم يشوفوا في ايه
أكل ودا يا إما بيكون حد من البشر ، أو المكان فيه مصدر أكل بشكل ما زي جنب بتاع فراخ بيرمي الزبالة أو زبالة بيوت غنية بالأكل ..الخ ، بخصوص الصيد وأكل الكائنات الحية زي القطط والفئران نادرا ما بتحصل وأغلب الهجوم اللي انت بتشوفه بيبقى تسلية وفراغ مش أكتر حتى لو قتلوا الفريسة
جواز .. ودا بيبقى مورستان بقى وخناقات وصراعات لإن الهانم بتاعة المجموعة في الأغلب بتسيب الألفا وكل الذكور وتروح لذكور المجموعة المجاورة وهاتك ياهوهوة وخناق بين دول ودول وفي الآخر بتتجوز أكتر من مرة وترجع مجموعتها تولد وتمشي الحياة من تاني
لعب .. الألفا طول اليوم بيلعب لعبته المفضلة بإنه يمشي يشوف حاجة متعجبهوش يضربهم بسببها وحاجة شبه أبوك وهو ماشي ولقاك قاعد في الصالة لازم يزعق ويتخانق لأي سبب تافه زي إنك مقفلتش نور الأوضة امبارح كدا
من لعبه المفضلة هي الأنا .. أنا الأول في كل حاجة وأي حاجة ، أنا اللي آكل لو اتحدف كيس أكل وحد قربله هلسوعه آمين؟
أي كلب غريب يدخل المنطقة أنا بس اللي أطلع أضربه ومحدش يمد ايده غيري هو أنا خول قصادكم مثلا ؟ "معلش على اللفظ ملقتش كلمة في قاموسي تصور المشهد غيرها"
أي كلب غريب يدخل المنطقة أنا بس اللي أطلع أضربه ومحدش يمد ايده غيري هو أنا خول قصادكم مثلا ؟ "معلش على اللفظ ملقتش كلمة في قاموسي تصور المشهد غيرها"
لما بكون ماشي بكلب وقابلت مجموعة كلاب بلدي وطلعوا يهاجموني بحاول أستفز كلب غير الألفا عشان يهاجمني والألفا يقرر يعاقبه ويتشغلوا سوا وأنا اخد كلبي وأمشي بسلام
وريت الموقف دا لواحدة صاحبتي قبل كدا ، ماشي بكلب جولدن هيموت ويتخانق وطلع عليا مجموعة كلاب قلبهم جايبهم ومش بيتهوشوا ولا بحدف الطوب حتى .. في لحظة حددت الألفا وروحت لواحد غيره فا الالفا زعل ومسك في خناق الكلب التاني عشان مقدرهوش وهاجم قبله😂😂
طب بيعملوا ايه غير الأكل والجواز والسيطرة والنوم؟
النوم طول النهار بيخزن طاقة ولما الحركة تهدى بالليل بيطلعوا ولازم يفرغوا الكبت دا فبيقعدوا يغنوا ويردوا على بعض وهوهوهوهوههوهوهوهو وكل واحد فيهم بيحس نفسه بطل العالم في تلحين الهوهوة
النوم طول النهار بيخزن طاقة ولما الحركة تهدى بالليل بيطلعوا ولازم يفرغوا الكبت دا فبيقعدوا يغنوا ويردوا على بعض وهوهوهوهوههوهوهوهو وكل واحد فيهم بيحس نفسه بطل العالم في تلحين الهوهوة
بيهوهوا على ايه بقى؟
في المقام الأول بيردوا على كلاب تانية ولسان حالهم يقول: احنا هنا ياولاد الكلب والحتة دي بتاعتنا والراجل يقرب 😂😂
في المقام الأول بيردوا على كلاب تانية ولسان حالهم يقول: احنا هنا ياولاد الكلب والحتة دي بتاعتنا والراجل يقرب 😂😂
أي كلب غريب يظهر المنطقة كلها بتحس بخطر وتهديد ،غريب يعني هيزاحمنا في رتبنا وأكلنا وجوازنا واحنا مش ناقصين والموجود يادوب مكفي فإنها الحرب هيا بنا يارجاال .. ودا تفسير ليه بيهوهوو وبيهجموا على كلبك وانت بتتمشى بيه .. بكل بساطة وجوده بيهدد حياتهم وبيسيبوك لما تعدي من حدود منطقتهم
تعرف إن سلوكهم وعدوانيتهم دي بتتغير لو لقوا أمان غذائي ومكان آمن ميحصلهمش فيه مضايقات كتير ، دا حصل بالفعل في مكان زي دهب كنت اتكلمت عنه قبل كدا في الثريد دا
تعرف إني عامل نموذج مصغر لدهب تحت بيتي وبدخل ٤ مناطق كلاب بريفا ومبيتهوهوش عليا ولا اتهاجم وتحت بيتي بالذات بيستنوني على الباب أساسا ، ف انت لو عندك كلب وتحت عندك كلاب بلدي تقدر تعمل نفس اللي أنا بعمله وتوصل لنفس النتيجة بس عايزلك شوية فهم لدماغهم مش أكتر
من الحاجات المثيرة لكلاب الشارع ومن هواياتهم الممتعة الجري والهوهوة على كل شيء متحرك اللي من ضمنهم عربية حضرتك والموتوسيكلات .. بيمارس هواية مش بيهاجم ولا عدواني ولا هيعضك صدقني والدليل جرب تقف هتلاقيه استغرب وبعد وهوهو من بعيد
هو بيهوهو على الشيء اللي بيعمل صوت ويجري دا وعندي نظرية انهم بيتعاملوا مع كل ماهو متحرك كإنه كائن حي .. انتي ياعربية ياحيوانة انتي ازاي تدخلي بيتي وتجري وتعلي صوتك"لما بتدوس بنزين" .. ايه دا انتي فاكرة نفسك أسرع مني وبتجري؟ طب يلا بقى اديكي خفتي وجريتي متجيش هنا تاني 💪💪
في هوهوة من نوع تاني ملهاش سبب خالص ومش لاقيلها تفسير إلا إنه فاكر صوته حلو وبيطرب الحي مثلا!
عندي كلبة تحت البيت والله بتهوهو بدون سبب عندها مشكلة مع الهدوء كل ما الكلاب تسكت تسخنهم
عندي كلبة تحت البيت والله بتهوهو بدون سبب عندها مشكلة مع الهدوء كل ما الكلاب تسكت تسخنهم
خلصنا من معظم حياتهم تقريبا ومتجاهلتش حتة هوهوتهم على الناس هجيلك فيها .. ايه اللي بيحصل الأيام دي وايه إجابة سؤال فتحي؟ @AhmedFathy
ليه الكلاب هوهوتها زادت الأيام دي وليه مع بداية الحظر؟
ليه الكلاب هوهوتها زادت الأيام دي وليه مع بداية الحظر؟
اللي حصل الأيام دي إن وجود البشر شبه اتعدم ودا معناه حدود وفوارق اتلغت والكلاب قررت تستكشف وبيدخلوا مناطق بعض يحاولوا يسيطروا على مناطق أكبر أو حتى تقدر تقول سبب تاني الأذى البشري اختفى فخدوا حريتهم أكتر فزادت سيمفونيات الهوهوة بقى زي مانا سامع دلوقتي حالا
حركة بشر وقهاوي وعربيات ومحلات ..الخ مش قلت لا دي اتقفلت خالص فهم دلوقتي بيكتشفوا جزء جديد في الحياة ودا بيتعارض مع رغبات كلاب تانية ويبدأوا حياتهم بعد ما احنا نتحظر وهوهوهوهوهوهو
مننساش إن سبب تاني للهوهوة هو إن مع الحظر بيبقى في صوت سارينة شرطة في بعض المناطق والناس مستعجلة ومتوترة وهي ماشية ودا بيستغربوه ويهوهوهو معلش هم عندهم كلمة واحدة بيكرروها كتير 😂
نرجع تاني لجزء من حياتهم اليومية وهو الهوهوة على البشر والهجوم عليهم "زي مابتحبوا تسموه" .. خليني أشرحلك عقل الكلب وهو بيعمل كدا فتفهمه وتعرف تتصرف مع الموقف ومش هيجيلك أي أذى .. بص افهم لوحدك وأنا لو فيا حيل لتكملة الرغي في آخر الثريد هشرحلك تتصرف ازاي
الكلب البلدي بيتولد في بيئات صعبة جدا ويادوب ٤٠ يوم دا لو كملهم أصلا ونجي من إنه يتخبط ولا يتسرق من أمه من طفل مترباش هيخرج للحياة بقى ومفيش داعي لذكر تفصيل للي هيقابله من البشر هكتفي بالعناوين بس (سم،ضرب وطرد بهمجية مبالغ فيها،العيال بيعملوا فيهم البدع،حد معدي يتسلى بمضايقتهم..
والقائمة تطول يعني، اتربت عداوة بين الكلاب والبشر وخوف+غريزة الحماية لبيته اللي انت معدي فيه انت ترضى حد ييجي يتمشى عندك في الصالة؟
الكلب لما بيهوهو عليك ويطلعلك ويكشر عن أنيابه حتى هو اهبل مما انت متصور ومش عايز منك حاجة غير انك تمشي لإنك غريب في بيته ومتعودش على وجودك ف انت خطر
الكلب لما بيهوهو عليك ويطلعلك ويكشر عن أنيابه حتى هو اهبل مما انت متصور ومش عايز منك حاجة غير انك تمشي لإنك غريب في بيته ومتعودش على وجودك ف انت خطر
هو خايف منك وحله لدا انك متكونش موجود ، انت لو موجود باستمرار مش هيهوهو عليك لإنه اتطمن إن مفيش خطر في وجودك أو في خطر ففهمك وعرف يتعامل معاه ازاي ، دا عقله ببساطة لا هو عدواني ولا هو مسعور ولا هو أي حاجة هو اهبل وبيعمل كدا من اللي بيشوفه + الغريزة الطبيعية للحماية
سلوكهم دا بيتغير بالمناسبة لو في منطقة أمان وسكنها أقل ايذاءا ومتعاونين ومتعايشين معاهم والدليل برضو دهب ، عارف ايه تفسير اختلاف اللي بتسموه عدوانية بين كلاب منطقة والتانية؟ حسب نسبة الأذى اللي بيتعرضولها الكلاب وقلة الأكل والأمان بيكون سلوكهم
تلاقي كلاب منطقة اهدى من منطقة تانية ، ممكن تلاقي كلب جالك لعب معاك دا مش طيب ولا لعبي كل الكلاب كدا بس حياتهم بتتمحور حوالين الثقة وبتتقفل مع البشر في الغالب من الصغر فتلاقيه مبيلعبش لكن صدقني هو هيموت ويلعب ويكون فريندلي بس اللي شافه مننا مش شوية
لما كلب يطلع يهوهو عليك تجاهله وبص في موبايلك ، متخافش والله أشرسهم بيبقى أهبل ، قرب اوي وانت خوفت دا هيوتره ويخليه يهاجمك ممكن تعمل نفسك بتجيب طوبة او هات وهوشه بيها هيبعد بس متحدفهوش بيها أرجوك مش مستاهلة ، انت كمل في طريقك وهوشه هيروح لحاله
حالة الخوف والذعر اللي بتحصلك بتخلي الموقف يسوء وخصوصا لو جريت ، امشي بثقة وعرفه ان في خطر منك لو قرب وانتهت القصة ، كل القصص اللي عشتها واتحكتلي عن هجوم كلاب كان ممكن تفاديها بكل هدوء
في محيط منطقتي مالا يقل عن ١٠٠ كلب ، لما بكون معدي وشوفت طفل خايف ولا حد عموما خايف يعدي مش بعديه .. بستغل الموقف اني اخليه يعدي بثقة وأفهمه الموقف وعيال المنطقة معظمهم عندي خصوصا ولاد الجيران بقوا مبسوطين بقوتهم وهم بيعدوا وسط الكلاب لوحدهم 😁
تعمل ايه لو عندك كلب ومعدي بيه وسط منطقة كلاب بلدي بعد مافهمت دماغهم؟
سيطر على كلبك وخوفهم منك انت ومتخليهومش يقربوا وكمل في طريقك وبمجرد ماتعدي حدودهم هيسيبوك تعدي ولو دول كلاب منطقتك اللي بتمشي فيها مع الوقت هيتعودوا عليك ويفهموا ان وجود الكلب دا مش خطر على حياتهم وهيهدوا حبة
سيطر على كلبك وخوفهم منك انت ومتخليهومش يقربوا وكمل في طريقك وبمجرد ماتعدي حدودهم هيسيبوك تعدي ولو دول كلاب منطقتك اللي بتمشي فيها مع الوقت هيتعودوا عليك ويفهموا ان وجود الكلب دا مش خطر على حياتهم وهيهدوا حبة
من الحاجات المثيرة عن الكلاب البلدي في الشارع هي إنهم بيحددوا مناطقهم بريحة البيبي بتاعهم ف انت لما تدخل منطقة وتركن عربيتك متستغربش من تناوبهم على كاوتش العربية دول بس شموا ريحة كلاب تانية فبيشيلوها بريحتهم هم
الرش عند الذكور تحدي وتحديد منطقة وبعت رسائل للبنات لجذبهم ، الكلب اللي بيدخل منطقة غيره بيسيب ريحته ودا يفسرلك كلبك بيمشي كل ثانية يعمل تواليت ليه .. هو بيبعت رسائل للأوساخ اللي تعدوا على منطقته دول ، ماهو أنا نسيت أقولك ان كل كلاب الدنيا شايفة ان الكون كله بتاعها هي لوحدها😂😂
اخر حاجة هتكلم فيها هي نظرة الناس للكلاب البلدي ، الكلاب البلدي في شوارعنا أمر واقع والتعامل معاها مفيش مفر منه ، عددهم بالملايين مش الآلاف ، اللي رافض وجودهم وبيكرههم أعتقد إنه جرب كل الحلول العدوانية وفشلت
عارف إنهم كتير بشكل مبالغ فيه ، عارف ان الهوهوة مزعجة وبتضايق ، عارف انهم بيطلعوا يخربشوا العربيات ، عارف كل الأضرار ومش بنكرها وأنا شخصيا بعاني من جزء منها خصوصا الهوهوة .. أما باجي أنام بفكر في إبادتهم بالكهربا بس بصحى أنزل أأكلهم الصبح
المشكلة أزلية واتجربت معاها كل الحلول وأثبتت فشلها
هتسم كلاب منطقة هييجي كلاب المنطقة اللي جنبهم يحتلوها
هتضربهم بالنار هيحصل نفس اللي بيحصل مع السم ومتنساش إنهم بيتكاثروا بسرعة جدا ف انت مستفادتش حاجة غير إنك قتلت وعذبت روح بريئة
هتسم كلاب منطقة هييجي كلاب المنطقة اللي جنبهم يحتلوها
هتضربهم بالنار هيحصل نفس اللي بيحصل مع السم ومتنساش إنهم بيتكاثروا بسرعة جدا ف انت مستفادتش حاجة غير إنك قتلت وعذبت روح بريئة
هتطردهم من منطقتك وكل ماتشوفهم تعاملهم بقسوة وحدف طوب وتخويف ..الخ هيروحوا مناطق ناس تانية يضايقوهم ومتقلقش في كلاب تاني هتيجي منطقتك برضو
حتى الحلول السلمية بتفشل بالمناسبة .. الملاجيء والحاجات دي مش قادرة على العدد والحلول اللي بيقدموها مجرد مسكنات زي إنهم ينقذوا كلب من خطر محتمل أو انقاذ صحي ، هيجيبوا مكان منين لملايين؟
الحل الوحيد هو تعقيم جزء كبير منهم ونشر وعي بين الناس فالعدد يقل تدريجيا في نفس الوقت اللي الناس مش متضايقة فيه .. الحل دا حلم في الجزئين طبعا فالطريق الوحيد قدامك دلوقتي انك تتعايش معاهم وتجرب تتعامل معاهم يمكن تحب وجودهم زي آلاف كانوا زيك بيخافوا وبيكرهوهم وأنا منهم بالمناسبة
أنا كنت بلف من الشارع التاني لو شوفت كلب ، كنت بخاف ، كنت بقرف ، كنت بقول نجس ، الكلام دا من كام سنة مش من بعيد ، مش هتكلم عن أنا ايه انهاردة .. هختم بالثريد دا 💙
جاري تحميل الاقتراحات...