من يوم بدا الحجر و وزني نازل
و كثير من مشتركيني نتائجهم ايجابية
حكتبلكم كم شي تقدروا تعملوه في دي الفتره
با نغير موضوع الوباء شوي من التغريدات
ثاني شي مو لازم تسوي كل اللي حكتبه بس نحاول عشان تخفف الاضرار
شارك التغريدات مع من تحب و شكرا لدعمكم
#سالوبريتي
#بتمرن_بالبيت
و كثير من مشتركيني نتائجهم ايجابية
حكتبلكم كم شي تقدروا تعملوه في دي الفتره
با نغير موضوع الوباء شوي من التغريدات
ثاني شي مو لازم تسوي كل اللي حكتبه بس نحاول عشان تخفف الاضرار
شارك التغريدات مع من تحب و شكرا لدعمكم
#سالوبريتي
#بتمرن_بالبيت
1. نظامي الفترة دي نظام الصيام المتقطع، اخر شي اكله الساعة ١٢ الليل و اول وجبة الساعه ٤
طيب لو تسهر ايش تسوي؟ عادي خلي اخر شي تاكله مثلا ٣ الفجر و اول وجبة ٧ المغرب.
ايش الهدف من كده؟ حنقلل وقت المسموح بالاكل، مح تكون يدك ممدوده على الثلاجة ٢٤ ساعه، و كمان حيعزز الشبع عندك.
طيب لو تسهر ايش تسوي؟ عادي خلي اخر شي تاكله مثلا ٣ الفجر و اول وجبة ٧ المغرب.
ايش الهدف من كده؟ حنقلل وقت المسموح بالاكل، مح تكون يدك ممدوده على الثلاجة ٢٤ ساعه، و كمان حيعزز الشبع عندك.
2. اول وجبة خليها تكون مشبعة، عاليه جدا بالبروتين منخفضه النشويات و و متوسطة الدهون، عشان حتكون جيعان بعد فترة الصيام و تحتاج شي مشبع + خلي النشويات لو اشتهيت شي بعدين.
3. خصص جزء من سعراتك لشي انت تحبه و تستمتع فيه، انا يوميا اسيب ٣٠٠ سعره اكل فيها اللي احبه، سواء شوكولاته او اذا في حلا في البيت.
في دي الفتره كل البيوت بتفنن في الطبخ، فا لا تحرم نفسك مره عشان ما يسير في انهيار و شراهه زايده.
من 10-20٪ من سعرات كحد اعلى
في دي الفتره كل البيوت بتفنن في الطبخ، فا لا تحرم نفسك مره عشان ما يسير في انهيار و شراهه زايده.
من 10-20٪ من سعرات كحد اعلى
5. مارس الرياضه باي شكل من اشكالها، تمارين وزن الجسم عاليه الشدة قوية جدا و كافيه انها تكون مجهودك اليومي اذا خصصت ٣٠-٤٠ دقيقه باليوم مع التسخين
6. مارس اي نشاط اخر غير التمرين مثل المشي في البيت او بعض الالعاب اللي تتضمن حركة ( انا مشتري لعبه في نينتيندو سويتش اسمها FITNESS BOXING (\ لكن ممكن تدور العاب بالحركه في النت و تستمتع فيها مع اطفالك و اخوانك
7. ركزوا في دي النقطة، الاكل بدون تركيز، عادة في الطاوله في غرفه التلفزيون نلقى السناكات و الشخص يبدا ياكل و هوا مو مركز و مندمج في التلفزيون او الجوال، خصص اوقات محدده للوجبات و السناك عشان لا تزيد سعراتك
مثال
١ معمولة ١٢٠ سعره
حبتين اوريو ١٢٠ سعره
١٠حبات كاجو ١٠٠ سعره
كيس شبس ٢٠٠ سعر
الحلا الرئيسي اليومي ٣٠٠ سعره
و انا اعرف انه دا مثال بسيط و في ناس اكثر نن كده، بدون تركيز انت اخدت حدود ٩٠٠ سعره!
١ معمولة ١٢٠ سعره
حبتين اوريو ١٢٠ سعره
١٠حبات كاجو ١٠٠ سعره
كيس شبس ٢٠٠ سعر
الحلا الرئيسي اليومي ٣٠٠ سعره
و انا اعرف انه دا مثال بسيط و في ناس اكثر نن كده، بدون تركيز انت اخدت حدود ٩٠٠ سعره!
8. اذا انت بتحاول تلتزم و اكلت شي ، لا تقول خلاص خرب اليوم و تخرب في اكلك طول باقي اليوم، فرق شاسع بين انك تزيد عن اللي تباه ب٥٠٠ سعره عن ٢٠٠٠ سعره
9. قسم اهدافك، لا تقول الين تخلص الازمه انا حنحف او حتزيد لياقتي، لا خليها مثلا كل اسبوع، جدد هدفك و حتجدد عزيمتك
9. قسم اهدافك، لا تقول الين تخلص الازمه انا حنحف او حتزيد لياقتي، لا خليها مثلا كل اسبوع، جدد هدفك و حتجدد عزيمتك
10. قد جربت تاكل اللي انت مشتهيه بكميه اقل و تشوف اذا خلاص ما سرت تشتهيه ؟ مثلا بدل ما تطلب ٢ شاورما، تطلب ١ و تحط جنبها شي صحي مثلا سلطه؟ حتلقى انك شبعت و قللت الشهيه.
11. احسب سعراتك حتى لو مو بدقه، في بعض الايام لمن انا احس اني مالي نفس لشي و حاكل اي حاجه، اقوم احسب سعراتي، يصحي الضمير عندك و يخليك تفكر اكثر في اللي حتاكله.
12. وضع غرامات على يجيب فكره نطلب من بره ??، قد سويت عقد مع زوجتي وتم التوقيع عليه، اللي يجيب السيره و يطلب من بره يدفع ١٠٠ و الحمدلله هيا التزمت و انا دفعت ١٠٠ ???.
13. النت ما بقى شي، حتلاقي لكل طبخه بديل صحي، و ما اكذب عليكم في بعض الطبخات ما تزبط الا بطريقتها الاصليه، لكن في اطباق كثيييير والله ما تحس بالفرق، تقلل بعض الاصناف و تبدلها ببدائل صحيه، حتوفر سعرات و ما يختلف الطعم.
14. لا تنسى شرب الماء، احيانا الجسم يحسسك بالجوع و هوا فقط عطش، و مع قلة الحركه الواحد ينسى يشرب مويه، خلي المويه معاك على طول.
جاري تحميل الاقتراحات...