وبالنسبة للحبايب اللي هيقعدوا في البيت ومقلقين من الزهق أو الملل، ابقوا رسّوني انتوا بس وأنا أسربلكم شوية من البرنامج بتاعي اللي بتنقل بيه في كل حتة، ونحاول نعيد التعارف بينكم وبين العزلة وتشوفوها من وجهة نظر تانية
نرجع بقى للحبايب اللي على أعلى قدر من المسئولية والله اللي قرروا يقعدوا في البيت، ونعمل فنجان قهوة بس ونيجي نتكلم عن مشروع كبير من شوية حاجات حلوة كدا
مساء الفل، يللا بينا ..
١- شوفوا يا جدعان، انت هتجيب ورقة وقلم كدا وتكتب فيها كل أسماء الناس بتوع المزيكا اللي انت بتحبهم او حتى تعرفهم، مطربين بقى باندات، قديم، جديد، مصريين أو اجانب أي حد، هتكتب اسمه في الورقة دي بالترتيب حسب التداعي العشوائي ليهم في دماغك عادي بس من غير ترقيم دلوقتي
بعد كدا هتشوف مصدر اونلاين لأعلام تاريخ موسيقى معينة انت مهتم بيها، أنا مثلا دوّرت على تاريخ الموسيقى المصرية وخدت منه أسماء الموسيقيين بس وبعدين تكتبهم في ورقة تانية بترتيب وبدون ترقيم كذلك، لحد كدا تمام؟
بعد كدا هتعمل قائمة كدا بين الناس اللي انت كتبتهم وبين الناس اللي أخدت أساميهم من المصدر دا، بس المرة دي بترقيم واحد هو الاسم اللي انت بتحب مزيكته اتنين هو الاسم اللي خدته من المصدر تلاتة الاسم اللي بتحبه اربعة مصدر، وهكذا
بعد كدا هتبدأ بأول اسم دا، هتدخل ع اليوتيوب فرصته هو أو أي حد مكتوب اسمه ف الورقة الأخيرة دي لحد ٣ أغاني، لو عجبتك منهم أغنية واحدة، تنزل ال discography بتاعته كلها، ماعجبتكش ولا واحدة اعمل صح جنبه وانزل ع اللي بعده، لحد كدا فل؟
طيب، عجبتنا واحدة من ال ٣ اغاني ونزلنا الديسكوجرافي بتاعته، نعمل ايه؟ هي دي بقى النقطة رقم واحد اصلا وكل اللي فات دا خطوات تأسيسية بس.
وهي انك هتقعد نص ساعة تسمع الاغاني دي من أول ما بدأ يغني، ونص ساعة تسمع مزيكا بس من غير اي نشاط تاني معاها، ليه بقى؟
وهي انك هتقعد نص ساعة تسمع الاغاني دي من أول ما بدأ يغني، ونص ساعة تسمع مزيكا بس من غير اي نشاط تاني معاها، ليه بقى؟
عشان هتاخد الأغاني اللي هتعجبك في خلال النص ساعة دي وتحطها في بلاي ليست لوحدها باسم الشخص دا، وتمسح اللي مش هيعجبك .. وخلي البلاي ليست دي على جنب شوية كدا عشان هنستخدمها في حاجة تانية، دي أول نقطة.
في ورقة كدا بقى هتكتب رقم ١ - واكتبها انت بصيغتك بقى، المهم انها نص ساعة بتسمع فيها مزيكا وبتختار اللي بيعجبك منها تحطه في بلاي ليست، هتخلصها هتعمل جنبها علامة صح
٢- شوف يا ريس، أعتقد ان كل واحد بيقرا بيكون بيفضل فرع معرفي معين، أنا شخصيا بفضّل الأدب، فا رقم ٢ دي بتكون قراءة أدب، وزي ما شفت كدا في رقم واحد أنا بفضل ان كل حاجة في البرنامج دا تكون بحبها واعملها بشكل منهجي كدا مع نفسي، فا بقرا الأدب بمقياس تاريخ الأدب العربي مثلا
أو بمقياس الأعمال الكاملة لأديب معين، أو بمقياس أدب بلد معينة أو فترة تاريخية معينة، وأقعد أسيرش كدا وأطلع بليستة كتب أكتبهم في ورقة -اه خلي بالك المشروع دا هيعوز منك فايل تقريبا، ايوة البلاستيك الشفاف دا - وبعدين أبدأ في الكتاب
فا لو انت عندك أي فرع معرفي تاني انت بتميل اليه، دوس يا ريس .. وتبقى النقطة رقم ٢ ايه بقى؟
انك تقرا في الفرع المعرفي دا ومفيش ايند لاين غير لما انت تحب يكون فيه ايند لاين
انك تقرا في الفرع المعرفي دا ومفيش ايند لاين غير لما انت تحب يكون فيه ايند لاين
٣- انك تتفرج على فيديو في سلسلة ما على اليوتيوب، أقولك يعني ايه .. يعني على سبيل المثال فيه سلسلة محاضرات بعنوان العدالة لمايكل ساندل مترجمة هي وكل محاضرة مدتها تقريبا نص ساعة، انت تتفرج على محاضرة واحدة بس منها
والمحاضرات دي بقى هتكون طرف خيط ومرجع كويس جدا لأسماء المفكرين والكتب الخاصة بالفكر السياسي، اللي انت ممكن تكتبهم بالترتيب في ورقة كدا عشان تقراهم في رقم ٢ مثلا لو دا الجانب المفضل ليك أو في الرقم اللي هييجي بعد كدا
ايوة، صحصحوا واربطوا معايا كدا يا جدعان كله بيخدّم على كله هنا
٤- نرجع للمزيكا تاني، بس بشكل مختلف المرة دي .. المرة دي بقى ياريس هتختار اكتر genre انت بتحبه وبعدين تدوّر على ال Top tracks في تاريخ ال genre دا وتعملهم داونلاود عندك
وبعدين تسمع من تحت لفوق ٥ تراكات بس، يعني لو عندك Top 500 تبدأ من رقم ٥٠٠ وانت طالع وتختار منهم اللي يعجبك وتروح تضيفهم فين بقى يا عمنا؟ بالظبط، في نفس البلاي ليست اللي انت كنت عاملها للأغاني اللي عجبتك في رقم ١ وخليها على جنب البلاي ليست دي هيجيلها وقتها
وهو فيه خطوة كدا هتعملها بعد ما تخلص ال ٥٠٠ تراك مثلا عشان البرنامج دا داير في الاينفينيتي كدا، وهي انك بعد ما تخلصهم ترتب أسماء الباندات لو افترضنا ان ال genre روك مثلا، بحسب الاكتر في عدد التراكات اللي عجبتك وتروح ضايف أساميهم بالترتيب ف الورقة الأولى خالص بتاع اسامي الموسيقيين
طب طلعت كاتب اسم باند منهم اوريدي؟ خير وبركة، عدي و ع اللي بعده، دي النقطة رقم ٤ .. صيغي انتي بقى وصيغ انت بقى بمعرفتكوا يا جدعان
٥- اتفرج على حلقة واحدة من مسلسل غير عربي
ودي بردو فيها حوار، اسمعوا كدا طيب :'D
ودي بردو فيها حوار، اسمعوا كدا طيب :'D
انت هتروح تشوف ال Top Tv Shows على موقع زي IMDB او Rotten tomatoes او اي موقع انت تحبه، وتبدأ بأول واحد، بعد ما تخلصه تبدأ مسلسل تاني من عندك انت، قريت ريفيوهات عنه وعجبتك مثلا، متحمس ليه، اقتراحات من اصحابك، وممكن تبدل الترتيب بين الاتنين عادي
بس كدا دي رقم ٥ .. وبصياغتكوا انتوا بقى وتخلصها تعمل علامة صح جنبها
٦- فاكرين بقى البلاي ليست اللي كنت بقولكم خلوها على جنب دي؟ جميل، هتشغلوها بقى لمدة ساعة الا ربع هنا .. تشغلوها و shuffle on وتسمعوا، طب لو المزيكا اللي فيها ماتوصلش ل ٤٥ دقيقة؟ مش مشكلة، شغل اللي موجود فيها دلوقتي وهتبقى ٤٥ ساعة قريب
المهم وانتوا بتسمعوها تفتحوا ال shuffle ونهدا بقى خالص كدا في خلال ال ٤٥ دقيقة دول لأننا هنحتاج الحالة دي في النقطة رقم ٧ .. الرقم الصايع طول عمره دا
٧- شوفوا يا حبايبنا، الرقم دا بتاع ابداعك انتي وابداعك انت، ابدع Create .. اعمل اي حاجة انت بتحبها، معاك ساعة الا ربع بتسمع فيهم مزيكتك وبتهدا، بتصفي ذهنك، بس يللا قوم ابدع بقى واعمل اللي بتحبه لنفسك انت قبل ما يكون لحد، ابدع واخلق واستمتع بابداعك لنفسك أولا
٨- اتفرج على فيلم غير عربي
ودا بنفس تكنيك المسلسل باختلاف بسيط، IMDB Top 250 بس بادئ من رقم ٢٥٠ مش من رقم ١ .. عشان انت لحد ما هتخلص رقم ١ في ليست المسلسلات بكل حلقاته ومواسمه هتروح تلاقي رقم ١ مسلسل تاني، لكن ليست الأفلام ككل لأنها متعلقة بتاريخ السينما فيها استقرار أكبر
ودا بنفس تكنيك المسلسل باختلاف بسيط، IMDB Top 250 بس بادئ من رقم ٢٥٠ مش من رقم ١ .. عشان انت لحد ما هتخلص رقم ١ في ليست المسلسلات بكل حلقاته ومواسمه هتروح تلاقي رقم ١ مسلسل تاني، لكن ليست الأفلام ككل لأنها متعلقة بتاريخ السينما فيها استقرار أكبر
٩- فاكر رقم ١؟ اعملها تاني
١٠- اقرا هنا بقى في غير الفرع المعرفي اللي انت بتميل اليه أكتر .. يعني لو قريت فوق ادب، اقرا هنا سياسة، فلسفة، تاريخ، علوم، اقرا أي فرع معرفي تاني .. وياريت تحافظ ع المنهجية ومصادر معرفتها اللي قولتلك ممكن توصلها ازاي، وبردو مفيش ايند تايم، انت اللي تحدد الايند تايم
١١- اتفرج على فيلم عربي
وبنفس الكونسبت، فيه ليست بأفضل ١٠٠ فيلم عربي في التاريخ سيرش عليها، ابدأ من رقم ١٠٠ وانت طالع، وبعدين سيب مكان كدا هقولك تملاه منين دلوقتي وبعدين ٩٩ وسيب مكان، وهكذا.
وبنفس الكونسبت، فيه ليست بأفضل ١٠٠ فيلم عربي في التاريخ سيرش عليها، ابدأ من رقم ١٠٠ وانت طالع، وبعدين سيب مكان كدا هقولك تملاه منين دلوقتي وبعدين ٩٩ وسيب مكان، وهكذا.
١٢- اتفرج على حلقة من برنامج الموهوبون في الأرض من أول حلقة في أول سيزون، البرنامج دا مصدر مهم لأسماء ممثلين وموسيقيين وكُتّاب ومطربين ومخرجين كتير جدا، فا لو الحلقة عن احمد ذكي مثلا هتملى المكان الفاضي في رقم ١١ بأفلام أحمد ذكي حسب تاريخ انتاجها
ولو الحلقة عن منير مثلا، تضيف اسمه عند رقم ١ .. لا ولايهمك عادي، جلّ من لا يسهو يا جدع
ولو الحلقة عن محمود السعدني مثلا، دا ممكن تضيفه عند رقم ٢ أو ١٠ مثلا .. وطبعا "ممكن" دي يعني في حالة ان الفنان اللي بلال فضل اتكلم عنه في الحلقة يكون لفت انتباهك أو اهتميت انك تتعرف على شغله أكتر، لو دا ماحصلش ننتقل على الحلقة اللي بعدها من غير ما تضيف اسم الشخص في أي مكان.
١٣- فاكر رقم ٤؟ اعملها تاني هنا
١٤- اتفرج على حلقة من مسلسل عربي
أي مسلسل ييجي في بالك ابدأ بيه، اللي بعده يكون لممثل او مخرج من مصدر الموهوبون في الأرض، وبعدين المسلسل بتاعك، وهكذا .. وسواء في دا أو دا، وفي المسلسل العربي وغير العربي .. ادي المسلسل ٣ حلقات لو حسيت انك مش مشدود ليه، انقل ع اللي بعده
أي مسلسل ييجي في بالك ابدأ بيه، اللي بعده يكون لممثل او مخرج من مصدر الموهوبون في الأرض، وبعدين المسلسل بتاعك، وهكذا .. وسواء في دا أو دا، وفي المسلسل العربي وغير العربي .. ادي المسلسل ٣ حلقات لو حسيت انك مش مشدود ليه، انقل ع اللي بعده
١٥- اقرا بحث أو مقال لأي موضوع مهتم بيه، والسيرش بتاعك يكون على google scholar وتفتح جنبه تاب ل merriam Webster dictionary عشان لو أي كلمة عاوز تترجمها تترجمها English to English مفهمتهاش Noun انزل ع ال Verb انزل ع ال Sentence examples انزل English only لحد ماتفهم معناها ماتحفظوش
وبرنامج الدحيح مصدر كويس جدا للأبحاث والمقالات، ممكن تتفرج على حلقة لموضوع انت مهتم بيه بعدين تنزل تفتح المصادر المرة دي بجد، وتقراها وانت فاتح جنبك ال Merriam Webster dictionary كذلك عشان لو أي كلمة قابلتك ماعرفتش معناها، وياريت بلاش google translate يا شباب
١٦- اتفرج أو اسمع مسرحية، مصادرك ممكن تبقى مكتبة ماسبيرو زمان، وارشيف الاذاعة المصرية على يوتيوب عاملين شغل محترم فعلا، هتلاقي كلاسيكيات المسرح، هتلاقي يوسف وهبي بتاع المسرح مش السينما وروايات لشكسبير وتوفيق الحكيم وبريخت وفولتير
وأعمال الفنانين سواء الممثلين أو المخرجين أو الكتاب اللي اهتميت بيهم في برنامج الموهوبون في الأرض، وزي ما شفت بقى احنا خلاص بقينا عِشرة .. واحدة من هنا بعدين واحدة من هنا
١٧- خلص جزء حدده انت من كورس لغة، رتّب اللغات في بالك اللي عايز تتعلمها وابدأ بأول واحدة، وابحث عن داتا، وأثناء دا ما بيحصل هيا بنا نلعب بقى، يعني لو انجلش مثلا ال subtitles في الأفلام والمسلسلات الانجلش، فاكرينهم؟ اه اللي فوق دول، نخليها عربي عادي لحد ما نوصل لمرحلة معينة
اتقدمنا مثلا ووصلنا ل %50 من الكورس دا، هوب يللا نقلب ال Subtitles english ونجرب كدا
طب لو وصلنا ل 80% مثلا، نجرب لو بدأنا نستخدم اللغة في القرائتين اللي فوق دول مثلا، ونستمر نتفرج ع الافلام ب English subtitles كدا، وعادي جدا لو فيه اي حاجة سقطت منك في النص دا طبيعي، الطريقة دي هتعلمك اكتر من الكورس نفسه، وزي ما انتوا شايفين كله بيخدم على كله في المشروع دا
١٨- اتفرج على فيلم وثائقي، شوف اي موضوع انت مهتم بيه وابحث عن وثائقيات ليه، والقنوات اللي هتشوفها رافعة الفيلم ع اليوتيوب، هتكون طرف خيط توصل منه لمصادر للأفلام
١٩ والأخيرة - نشاط حر: دي بقى بتاعتك انت يا باشا، أي نقطة من اللي فوق دي عاوز تعملها خارج البرنامج مكانها هنا، يعني لو بتتفرج على Imdb top 250 مثلا وعايز تتفرج على فيلم تاني دا مكانه، كتاب تالت خالص عايز تقراه هنا، مسلسل تاني عايز تشوفه مع اللي شغال اصلا هنا .. Free zone
هو أنا كدا خلصت، وطبعا من المستحيل ان ال ١٩ نقطة دول يتعملوا في يوم واحد، أنا نفسي عمري ما عملتها، هي الفكرة بس اني بخلص دي وجنبها علامة صح -او رقم المرات لما العدد هيزيد معاكم- وأنزل ع اللي بعدها، ممكن أعمل سبعة تمانية في يوم اجازة، ممكن خمسة، ممكن حاجة واحدة بس
الصياغة بقى لكل Activity من دول بتاعتكم انتوا عشان عندي عبارة عن شوية اكواد، الترتيب طبعا بتاعكم انتوا، انك تشيل حاجات أو تضيف حاجات براحتك تماما .. أنا بعرفكم بس على صديقي العزيز في أوقات عزلتي الطويلة يمكن دا يساعدكم في قضاء وقت لطيف في البيت
اه وبالنسبة للقراءات يا شباب، محدش ينزل يشتري كتب، ال PDF ماقصرش معانا في حاجة، دا على سبيل المثال موقع عليه داتا محترمة جدا للفري داونلود kutub-pdf.net
وكذلك المجموعة العربية اللي صدرت مؤخرا dlib.nyu.edu
ولو مالقيتوش اللي بتدورا عليه، جوجل صاحبنا
وكذلك المجموعة العربية اللي صدرت مؤخرا dlib.nyu.edu
ولو مالقيتوش اللي بتدورا عليه، جوجل صاحبنا
وبالنسبة للكتب غير العربية يا شباب، على سبيل المثال دا مشروع جوتينبيرج عليه داتا كويسة gutenberg.org
وبالنسبة للكتب المسموعة فيه على سبيل المثال موقع arabcast.org واكاونت صديقتنا العزيزة هوبة @hobaaudiocrimes عليهم داتا كويسة جدا
وبالنسبة للكتب المسموعة فيه على سبيل المثال موقع arabcast.org واكاونت صديقتنا العزيزة هوبة @hobaaudiocrimes عليهم داتا كويسة جدا
وبالنسبة لل PDF عموما اكاونت الجبرتي @ElGabarty_ عليه داتا محترمة جدا
وبالنسبة للوثائقيات يا شباب هاشتاج #رشح_وثائقي على اللي كان أطلقه الصديق @ahgypt مصدر كويس جدا
ولو مالقيناش اللي بندور عليه في الأمثلة السابقة، فا نفتكر دايما ان جوجل صاحبنا
وبالنسبة للأفلام والمسلسلات الأجنبية، كلام في سركم بقى عليكم وعلى التورنت، وأحسن برنامج ليه هو ال Bitcomet بس في دي روحوا اسألوا صاحبنا الصايع Duckduckgo عشان جوجل صاحبنا اه بس مؤدب شوية
هتنزل bitcomet وتعمله install وتدخل على duckduckgo تسيرش باسم الفيلم أو المسلسل هايديك فايل حجمه صغير هتفتحه من عندك وتقوله download now وتسيبه، هينزلك من غير subtitles هتطلع على موقع اسمه subscene وتاخد اسم الفيلم copy وتعمله paste في السيرش بار وتختار اللغة عربي
هتلاقيه ملف مضغوط هتاخده cut من ال downloads وتطلع بيه على فولدر الفيلم paste وتعمله extract here هيظهرلك ملف شكله غريب كدا، سيبك من شكله، شغل الغيلم علي VLC واسحب بالماوس الفايل اللي شكله غريب دا واطلع بيه على الفيلم اللي شغال دا حطه هناك وهو شغال عادي، كدا الترجمة اشتغلت يا ريس
بس كدا، الموضوع كله محتاج أكسيس للانترنت واوضة حلوة ونضيفة زي كل الناس الحلوة والنضيفة والمسئولة اللي أخدت قرار انها تقعد ف البيت، ولو عطلتوا ف أي حاجة، سواء مصادر أو ربط نشاط بنشاط أو أي حاجة، فاحنا خلاص بقرارك دا بقينا أصحاب حتى لو ماكانش ليا شرف معرفتك والله وتحت أمرك ف أي وقت
Stay Home, Stay Calm, Stay Safe ♥️
جاري تحميل الاقتراحات...