احب اقولكم ان لذا العزل فايدة مانتبهتو لهااا فايده عظيمه ممكن بعد فتره بتحسون فيهاا واجد منكم استوعبو واستشعرو النعمه اللي كانو فيها والحريةوالامان النفسي ونعمة الدوام والدراسة الصباحيه والمقابلة الزملاء كل صباح
واجد منكم جلسو بالبيت قرااب من اهلهم امهاتكم وابائكم اخوانكم الصغار اللي يمكن كنتو مشغولين عنهم جالسين تنكتون تسولفون تتواصلون معاهم هذي اشياء بسيطه بس تأثر
فترة العزل المنزلي من الكورونا والجلوس بالبيت تقدرون تحولونه من ذكرى سيئة الى ذكريات حلوه ترجعنا للزمن ورا لما كنا نجلس مع بعض نتغدى ونشرب الشاي سوى وماكنا مشغولين بدراسة وعمل
لاحظت واجد من البنات والشباب استوعبو هاللحظات وبدأو يجربو اشياء جديده واللي انقطع عن هوايه قديمه بسبب العمل والدراسه رجع لهوايته وبدأ يمارس ويسترجع متعتهاا
اهني كل شخص خلق له الجو خلال هالفتره يجرب يقرأ يمارس يفكر يرتب حياته يستوعب اهدافه يجلس مع اهله اللي ماكانو يشوفونه الا بدخلته وطلعته للدوام
هذاا الي تسوونه الحين بتعرفون قيمته كسر الروتين والتجديد يغير النفسيه والافكار والتطلعات التفكير بعمق بدون التزامات صباحيه او مهمات اجباريه تخلي الانسان يستشعر كيف كان مشغوول
في بنات بدأو يتعلمو الكوروشيه ويصنعون قطع جميلع والبعض استرجع موهبته وصار يرسم ويبدع والمؤلفين يألفون النغمات الموسيقيه ويستمتعون والقراء اللي ماكان لهم وقت يقرأون غاصو بالكتب والروايات
البعض صار يسقي نبتته ويهتم ويقرأ اكثر عن نباتاته اللي اهمله من قبل وذبلت واشخاص طلعت افكارهم الابداعيه بتزيين وترتيب غرفهم ونفض الغبار القديم
والكثير منهم نظف غرفته تنظيف عميق تخلص من كل شيء يسبب له فوضى كان مايحس فيها والبعض اثناء التنظيف والترتيب لقى ذكريات واغراض قديمه ترجعه للماضي الجميل?
ترتيب تنظيف فرز غرفتك اللي تعيش فيها اغلب يومك ابصم لك ان بتفرح فيه بعد فتره العزل لأنك بتطلع من فتره كأنها كانت نقاهه من شغل الحياة وضجته
بعد هالفتره اللي مرت على الكل بشكل اجباري بتشوف شخصيات وارواح الناس الحقيقيه بتشوف كل شخص وايش انجز وكيف تغيرت نفسيته
طبعاًً السلبي بتصير هالفتره جحيم بالنسبه له لأنه يومياً يسب فيها ويتحلطم وغارق بسلبيته وكثير زيه وهذا صراحه فاتته هالفتره الذهبيه
والشخص الثاني واللي كثير منا زيه ولله الحمد اللي جلس واستوعب ان هالفتره فترته وارتاح فيهاورتب افكاره وحياته واستوعب ان مافي مفرواستغلها لصالحه واستمتع اما انه ارتاح واسترخى اوتعلم اشياء وتجارب جديدةاوبكل بساطةعاش هذي الايام بكل هدوءوطمأنينه وتقرب من الله فيها
جاري تحميل الاقتراحات...