رتبها

#ثريد_عن_المشاكل_البتجيك_اثناء_الدايت
#DR_FIT_SUADN
#NutriMD
طلع ورقه وقلم وسجل معاي عشان تفهم الحاصل شنو لجسمك لمن تبدا دايت والاعراض البتحصل دي سببها شنو ؟! عشان تكتشف هل انت بتتعولق في الدايت ولا لا. وما تسألني السبب ليه زاتو وما تتكلم معاي وتنتاقشني في الموضوع ده...

⚠ اوجاع العضلات ورجفان العضله سبب نقص في البوتاسيوم. وده يعول لسبب جفاف الجسم البيحصل اثناء الدايت بسبب نقصان الكاربوهيدريت وسوائل الجسم فبيحصل تضاربات في مستويات البوتاسيوم فأحرص انك تاخد اكل غني ب البوتاسيوم .
( زبادي/ سمك/ ساردين/ تونه/ فاصوليا بيضا/ مشروم/اوفوكادو للجلابه)

⚠ تعسم وكسير الجسم البيحصل جمب المفاصل بالضبط الاكتاف وحول الظهر سببه فقدان المغنيسيوم . فأحرص انك تاخد اكل غني بالمغنيسيوم المتواجد في اغلب الخضروات اكترهم السبانخ . او جيب مكمل ZMN مكمل مهم جدا بعادل نسب الزنك والمغنيسيوم..

⚠ضربات قلب تحس بيها راسك بنبض تحس بيهو . ده طوالي بدون نقاش نقصان في البوتاسيوم لانو البوتاسيوم مهم بنظم النبضات العصبيه في الجسم فانت عارف حتسوي شنو لمن تتغذى كويس واهم من كده توقف السكر والعيش لانهم بسببو نقصان في البوتاسيوم بسبب تغيرات حمضيات وقاعديات الدم بارتفاع الانسولين.

⚠ راسك طاشي وتقيل؟! حاسي انك منفصل من الواقع !!؟ ده ببساطه نقصان في الصوديوم بسبب فقدان سوائل الجسم ببساطه انو خلايا الدماغ بتتملي مويه ودي استجابه طبيعيه جدا بسبب فقدان تعادل سوائل الجسم.تضيف ملح عادي كتير؟؟ لا ده تصرف غبي وححبس مويه الا لو كان ملح مخصص مدعم باليود والبوتاسيوم.

⚠ تشرب سوائل كتيره واكتر؟؟ لا ده برضو تصرف غبي ممكن ببساطه يشطف الصوديوم البسبييط ده و الاعراض تبقى حاده اكتر. افهم نقطه انك محتاج منظم لسوائل جسمك فحتاخد بوتاسيوم بنسب محترمه او تاخد مكملات بوتاسيوم بنسب واضحه.ما حقول ليك كم عشان ما تمشي تجرب ساي وتجيك مشكله جانبيه.

⚠ ريحه خشمك معفنه توقع الطير من السما ؟!! ده ببساطه شديده زياده في الاحماض في المعده بسبب تغيرات طبيعه اكلك وتعادلها باخد كميه كبيره من البروتين فما تاخد كميات بروتين مفرطه اكتر من اللازم كمان لمن تخلط بالاسيتون الطالع مع الكيتوزيه ممكن تعمل ليك يورانيوم عديل. #

⚠ تعبان وملجن ومرهق شوف جسمك بمتص طاقه كويس ؟؟! لانو نقصان فايتمين ب ١ ب٦ بخلي الانسولين لايص ساي بدون فهم وماقادر يدخل طاقه في الجسم فنحرص ناكل جاجات فيها مجموعات فايتمين ب. ( بيض/ لحوم) بالاخص. وممكن شوفان

⚠ حاسي اطرافك بارده؟؟! بصوره غير اعتياديه طيب الموضوع ده كبير داخل فيهو تعادلات متخصصه بمعدل الاستقلاب الحراري وانتاج الحراره في جسمك والمسؤول منو الغده الدرقيه فانت سهل القصه واخد اكل غني جدا ب ( اليود و السيلينيوم وفايتمين دال) 👇
سمك/ تونه/ساردين/ اتشمس شويه وجك الصباح)

⚠ اوجاع في بطنك باليمين فوق؟! لو عامل كيتو ببساطه ده اجهاد لوظائف الكبد والمراره بسبب انتاج كميه كبيره من bile . خفف الدهون شويه ونظم اخدك لدهون صحيه ومدعمات لوظائف الكبد واي فورميولا بتزبط الbile.

⚠ امساك؟؟! زود البوتاسيوم عشان تساعد تزبد تقلصات القولون وضيف خضروات عشان تسهل الانزلاق وضيف خل ابيض عشان تساعد علي تحليل اكلك وتقلل الاجهاد علي القولون،، وضيف نعناع/يانسون/زنجبيل عشان تساعد كمام علي انبساط ورحرحه القولون حرفيا وتقلط 💩بمزاج بدون صعوط و سجاير 😪.

⚠ صداع وضيق نفس ورجفان ؟؟ انت مستعجل شدبد في الدايت وقاطع الكاربوهيدريت بنسب كبيره حاول خفف شويه شويه لانو ارتفاع وانخفاض الانسولين وزياده السكر في الدم والجوطه دي كلها سببها.
⬆ انسولين
⬇ جلوكاغون
⬇ بوتاسيوم
⬇ فايتمين ب١/٦
⚠ زود بروتين لو ناقص
⚠ زود البوتاسيوم لو ناقص

🍏 متعنا الله اياكم بالصحه والعافيه والسلامه وربنا يوفقنا لما فيه الخير وانا عندي انفصام في الشخصيه وطز في الكيزان وناس الكهربا 🍏
جيب بوسه 😚 اموااااح

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد