كلنا ندفع ثمن التذكرة ونروح السينما ونتمنى أننا نستمتع الفيلم بدون أي إزعاج وأعتقد في الفترة الأخيرة لاحظنا شريحة كبيرة من الناس اللي ما تتقيد بالقوانين واللوائح الموجودة في السينما، راح نذكّرهم ببعض القوانين والآداب لعل وعسى راح ينفع معهم! واللي عنده أي شيء آخر يزيد في الثريد:
- أول شيء.. القاعة صامتة والكراسي قريبة من بعض وما أعتقد في أي شخص يدفع فلوس عشان يسمع سوالفك الجانبية مع صديقك في نص الفيلم! والسوالف تكون بصوت عالي ومزعجة للآخرين فرجاءً راعينا شوي إذا ممكن!.
- التلفون.. شيء بديهي أنك تحط التلفون على الصامت عشان ما تزعج الآخرين بصوت الإشعارات ومافي أي مشكلة تستخدم تلفونك هذي حريتك الشخصية ولكن في غرفة مظلمة مصدرين للإضاءة يسببوا الإزعاج لأي شخص! تخفيف الإضاءة ضروري ومهم.
أحيانًا تشوف الفيلم وفجأة تلاقي شخص ماد رجله على بعد ٥ سنتيمتر من مخك!! وهذا غير اللي يشوت الكرسي كل ٥ دقايق ويهز راسك هز، شوية إحساس يا رونالدو!!!
- أنا لما أحجز وأختار المكان أكون بكامل قواي العقلية فماله داعي تجلس في مكاني وتقولي "القاعة فاضية إجلس مكان ثاني!" أو اللي يجيب زوجته، أخته ويجبرك تغير مكانك وتعيد ترتيب الكراسي وتعفس القاعة كلها! إذا في إمكانية مافي أي مشكلة بس إذا القاعة زحمة سامحني ما بعتبرك موجود!
- ونجي للي يطلعوا طارق العلي وأحمد حلمي اللي بداخلهم فجأة في قاعة السينما ويعلقوا على كل مشهد سخيف أو أي مشهد فيه بوسة أو أشياء أخرى بصوت عالي!! واصلين ٢٠٢٠ يا عالم، شوية من الرُقي ما راح يضر أبدًا.
وفي أشياء كثيرة مثل اللي يجيب رضيع ويزعج القاعة كلها، والمجموعة اللي تدخل في نص الفيلم وتربش القاعة كلها واللي يوصخ القاعة كلها بدون أي مراعاة، في النهاية كلنا نريد التجربة السينمائية تكون مريحة وهالحركات الغير راقية غير مقبولة، اللي عنده أي تعليقات إضافية يضيفهم عشان الكل يستفيد
جاري تحميل الاقتراحات...