قبيل في المواصلات ركبوا معانا راجل ومرتو كبار في السن الود والحب بيناتهم ظاهر بصورة جميلة جداً في كل تفاصيل معاملتهم مع بعضهم ، لما ركبت قبالو وحجزت ليهو ولما ما لقت مقعد لي نفرين قالت للراكب: يا ولدي زح للحاج عايزاهو يقعد حِداي
ولما قال ليها بدليني عشان هنا بتجيك الشمس ++
ولما قال ليها بدليني عشان هنا بتجيك الشمس ++
وونستهم على طول الطريق وضحكهم ، بتدي دلاله على قربهم لبعض لدرجة كبيرة شديد وعايشين حياتهم بكل بساطه
لدرجه اغلب الناس انبسطوا واتغيرت حالتنا من الزهج بسبب حال البلد لي انو بقينا مركزين معاهم وبنضحك
فكرت في علاقات اغلبنا مع بعضنا وانو اغلب العلاقات بقت متصنعه والا طرف يفرض رأيو +
لدرجه اغلب الناس انبسطوا واتغيرت حالتنا من الزهج بسبب حال البلد لي انو بقينا مركزين معاهم وبنضحك
فكرت في علاقات اغلبنا مع بعضنا وانو اغلب العلاقات بقت متصنعه والا طرف يفرض رأيو +
وفي شعور كأنو داخلين معركة ولازم طرف ينتصر ، والناس بتبالغ في الخِصام وبتهون العشرة وكمية تمسك ، وده غير الآفة البقت حقت إثبات الحب بالماديات وتناسي الجانب الروحي والمعنوي +
فقدنا البساطة وبقينا مصعبين الأمور ، إتذكرت المقطع في أغنية عم عبد الرحيم لما دار حوار بين عم عبدالرحيم وأم الحسن ، قالت لما طلبت يودي شبشبها للنقلتي : شيلن يا الحبيب ودهن النقلتي والترزي القريب
ما ضغطت عليهو وراعت للظروف
فكان ردوا الحنين :
بس يا أم الحسن طقهن ما بفيد ++
ما ضغطت عليهو وراعت للظروف
فكان ردوا الحنين :
بس يا أم الحسن طقهن ما بفيد ++
إنطقن زمن ولازمك توب جديد بي اي تمن رغما للظروف وللحال الحرن
شوف السبب شنو : شان يم الرحوم ما تنكسفي يوم
لو جاراتنا جن مارقات لي صفاح او بيريك نجاح ..
حتى كان بهم لي كسفتها
وزي ما راعت في الاول للحال والظروف
هو بادلها وراعا لشعورها عشان ما تحس بإنها أقل وتنكسف +
شوف السبب شنو : شان يم الرحوم ما تنكسفي يوم
لو جاراتنا جن مارقات لي صفاح او بيريك نجاح ..
حتى كان بهم لي كسفتها
وزي ما راعت في الاول للحال والظروف
هو بادلها وراعا لشعورها عشان ما تحس بإنها أقل وتنكسف +
فالواحد بتمنى جداً يصل للمرحلة دي ويعيش تفاصيل زي دي مع البحبو
الناس تبادر
وتراعي للظروف
وتخت العذر
وتقدم الحب وتضحي
وتتنافس في منو البحب التاني اكتر مش نترصد اخطاء بعضنا
وانشروا اللطف فالزمن اصبح صعب ?.
الناس تبادر
وتراعي للظروف
وتخت العذر
وتقدم الحب وتضحي
وتتنافس في منو البحب التاني اكتر مش نترصد اخطاء بعضنا
وانشروا اللطف فالزمن اصبح صعب ?.
جاري تحميل الاقتراحات...