ثريد الشات Vs الونسة
طول ما نحن بنقدر نعكس الجانب الجميل من حياتنا وبس! .. عمرو فيسبوك واخوانو ما ح يكونو المكان المثالي عشان نعرف عن حياة بعض، او حتى عن بعض
.. أنا عشان أحب شخص، وأتقبل وجودو في حياتي، لازم أُعجب بي سلوكو في التعامل، وبي أفكارو ونظرتو للحياة.
طول ما نحن بنقدر نعكس الجانب الجميل من حياتنا وبس! .. عمرو فيسبوك واخوانو ما ح يكونو المكان المثالي عشان نعرف عن حياة بعض، او حتى عن بعض
.. أنا عشان أحب شخص، وأتقبل وجودو في حياتي، لازم أُعجب بي سلوكو في التعامل، وبي أفكارو ونظرتو للحياة.
تواصلنا الكتابي في الـ chat، هو تعارف بين أفكار وأفكار بس أبدا ما ح نعرف من خلالو سلوك ..
وأظن سلوك الشخص اهم من افكارو عشان مافي واحد فينا ح يتقبل يعيش مع شخص تفكيرو في البزنس عالي، بس بخيل أو حافظ القرآن والأحاديث، وتعاملو معاي كعب أو مهووس بالتطور والحضارة، وافعاله بتكذب كده
وأظن سلوك الشخص اهم من افكارو عشان مافي واحد فينا ح يتقبل يعيش مع شخص تفكيرو في البزنس عالي، بس بخيل أو حافظ القرآن والأحاديث، وتعاملو معاي كعب أو مهووس بالتطور والحضارة، وافعاله بتكذب كده
المساحة الزمنية المتاحة في الدردشة، كافية جداً عشان اجمّع أفكاري وأصيغها بأسلوب يعجبك، ونفس المساحة دي كفيلة بي أني أغطي على تفاعلي البارد بي أيموجي مبتسم، أو أغطي على غيرتي منك بي أموجي عيونو بتعمل قلوب،ودي كلها حاجات كانت ح تكون ظاهرة، لو كانت العين في العين
الـ chat حرمنا من التلقائية الح نشوفها بوضوح أول ما علاقتنا تمشي مرحلة جديدة ما ح يكون في فرصة تكتب رسالة وتمسحها، والرد ح يكون مباشر من غير مساحة تتجول بين الاموجيهات عشان تختار، لا ملامحك ح تفضحك وصدقوني، رد الفعل التلقائي الح يظهر وقتها ح يكون اهم من اي إعجاب سابق كان بالأفكار
عشان دايما السلوك سلطته على القلب أقوى العلاقات المتينة محتاجة ذكريات نصنعها مع بعض صورة وصوت بنفس الطريقة الاتنقشت بيها زمان ذكريات المدرسة، والكورة في الحلة، وصحوبية الترحيل، وسائل التواصل جزو من تواصلنا، بس ما هي الأساس، فتعالو ما نستغنا عن اننا نتشاوف، وما نستغنا والزيارت
ممكن نخطط في الWhatsApp نتلاقى كيف .. بس كعب ما نتلاقى الا في الـ WhatsApp .. وكعب اني اعرف حالتك! بس من الكاتبو في حالتك ..الكتابة مهما كانت بليغة، في النهاية هي وصف، والوصف تشبيه، والتشبيه ما تطابق .. فدايماً الفينا أكتر من حروفنا
للأسف الحاجات الجميلة والله بنظلمها بالـ chat الكتير .. عمرها الوجوه الضاحكة دي ما ح تغني عن ضحكة أشوفها فيك، ولا القلوب المرسومة ح تقدر توصل حب بيلمع في العيون، ولا حروف كل اللغات ! .. ح تعمل أثر زي نبرتك
فالقلب مشتاق ليك يشوفك، وما أظن تغنيو حروفك ?.
فالقلب مشتاق ليك يشوفك، وما أظن تغنيو حروفك ?.
جاري تحميل الاقتراحات...